¹ Muabulukishe kulipaka kushi kwao awa endisha, kuwayuwa, akale analiloeshila ekwama yoiwa, ² wa shomolola yumweya, acile kulwa, akale no n'eke, amonishe shihemo kumunu yomuhe. ³ Mukonda kumatatekelo natwe neli twayanga noku kukana kuyuva. Twa yongile no kukala apika koehima yokulishiyashiya. Twa yoile komango no matalu. Twa thzimbile aenjetu natwe twathzimbile. ⁴ Unone, apa shihemo sha Nyambi muka kutuyoisha no kuhima kwenji anu kwamonahalile, ⁵ Kali koikwama yoiwa eyo twakwamine, unone ko shihemo shenji natu yoisha, kupitela koku yoiwa ko kuelekiwa opya no kutupa moyo oupya ko mupepo oukenu. ⁶ Oyo Nyambi ona tu mwaelela Ofumu kupitela Jesu Kelesite muyoishi wetu, ⁷ ne apo tuna pakiwa akakuliyala ko shihemo, ci tukale oku shwana shifumu kukwenji, shikulupelo sholiyele. ⁸ Eliyo liywi lyasepahala. Nafota ci nitanalishe eyi inu, ci awo analitawa kwa Nyambi amamele kukalelela kuikwama yoiwa. ei inu iwawa nehoni ya kwathsa kumunu yomuhe. ⁹ Unone ocile kwipuliwa pakaci ko yamba yo mathzilo shianga kulikananisha pakaci ko mulao. Ei inu kaili no ukwathsi no kupila tuso. ¹⁰ Ukane yumweya oyu leta kuyonga mukaci koe, munyima lyo kumuambela lyo pilimelo shianga lyo mushili, ¹¹ ko limukaci munu okengeyo onatundu mulikun'wa lyo liwawa no kukwama shivi no kuliatula aye shinda. ¹² Apa nituma Artema shianga Tikiko kukwenu, oyokolole no kukeya kukwange ku nikopolisi, okonina ayala kuonjako kufu. ¹³ Afundishi omulao oloishe yoihe mulikun'wa lyo Zenasi no Apolosi, ci apila shimweya. ¹⁴ Anu etu aliye kukwama ekwama yoiwa ici ikwathse apopafotiwa, no kupila kupa oshuka. ¹⁵ Awo nili noo wowahe akuvumenena. Ovumenene awo atuhima mukulitawa. Shihemo shikale namwe mwahe.