¹ Unone owe, ofundishe eyo inapandama kukuyoisha. ² Mufundishe akwelume oakuluokale akakuli nyunga, aka kulikuteka,akaku yuvishisha, awo ali no shemwa muku litawa,mukuhima, no kutanala mu mucima. ³ Mofoci, mufundishe ambuyama oakulu akale omukwa oukenu, kali oluhopo, shianga akakunwa walwa woungi, unone akale afundishi wa inu yoiwa, ⁴ noku fundisha ambuyama aonye kuhima anuo noku hima anoo, ⁵ Ayuvishishe, okukena anyunge nawa ma njiyo wo,no kuyuva anuo, ci liywi lya Nyambi lya shomololiwa. ⁶ Mofoci, otelele akwelume awanuke kukala no maano. ⁷ Muinu yoihe okale muka kumonisha owe oshinda ekwama yoiwa. Mukufundisha koye, omunishe okenu, lilema, ⁸ no maywi owawa okupila kushomololiwa ci yumweya oyo kulwisha apolele nukonda apile no shimweya sho shimango sho kuamba kukwetu. ⁹ Apika afundishiwe kuyuva a nathzile muinu yoihe awakuteke akanana noo, ¹⁰ mwa ithzela, unone muamonishe shitawo shoshiwa kuinu yoihe, ci munu yomuhe alele fundisho thzothziwa thza Nyambi muyoishi wetu. ¹¹ Mukonda shihemo sha Nyambi na shimonahala ci ayoishe anu wahe. ¹² Sha twiya kukana kucila Nyambi noku hima yokaye, ci tuyoye kulihenga, kokuluka, kuyoya kokulitawa kokano kaye, ¹³ apo kutuna kengela kutambula shikulupelo shina fiyauliwa kumonahala kwa Nyambi shokulu no muyoishi Jesu Kilesite. ¹⁴ Jesu aye oshinda onalipa kukwetu ci atuyoishe kumango wetu wouhe ci aliloeshele anu oakenu aye shinda shikulu anu awo anahimi kukwama ekwama yoiwa. ¹⁵ Ofundishe eyo yamba, noku tanalisha anu kuikwama, no kukutulula koukolo wouhe. Kwakala oyu kushomolola.