¹ Twa tateka kulishangala twofoci kalo? Ka kulihimine man'olo opaki kukwenu nji kutunda kukwenu, eci anu amweya, nji twahima? ² Yamwe mwa shinda yamwe man'olo etu opaki, awo ana n'oliwa mumicima thzetu, ana limukiwa no kutala ku anu wahe. ³ Mulimonishe eci yamwe man'olo a Kilesite, kayo n'oliwile no shin'olisho unone ko mupepo wo Nyambi wo kuyoya. Kayo noliwile pa matafule omawe, unone pa pa tafule thzo micima thza anu. ⁴ Nehoni sholiyo kufota shimweya eci shitundelela kukwetu. unone kwa Nyambi ko Kilesite. ⁵ Katu loelile kufota shimweya eci shitundelela kukwetu. Unone kwa Nyambi. ⁶ Nyambi oliyo ana tukwama ci tukale apaki mu shitawo shipya. Kali shitawo sho lin'olo unone sho mupepo. Mukonda lin'olo lya paa, uno mupepo wa leta kuyoya. ⁷ Nehoni iamba yo kufa ei ya n'oliwile pa mawe-ya Keile mu kutethzima nene eci ana a Isilaele atanekele kulupala lwa Mushe. Mukonda o kutethzima kwa lupalo, kutethzima oku kokukana kutanekiwa. ⁸ Lungai olu lwa kutethzima liywi lyo mupepo? ⁹ Mukonda ngeci liywi eli lya kaniwile lya tethzimile, ngepi honi liywi lyo likenu lili mukutethzuma! ¹⁰ Mukonda ya shemwa eci ei yakwamiwile kokutethzima kaya kutethzima kalo mukukala ko engeyo, mukonda okutethzima ko kupitelela oko. ¹¹ Mukonda ngeci eshi yapitile shaethile ngepi honi eshi sha kukala kukutethzima kwa kukalelela! ¹² Mukonda tuli no shikulupelo sho hengeyo, tuli no maci. ¹³ Katuli pitula no Mushe, oyu wa pakile shito pa lupala lwenji eci ana a Isilaele amonishisha kuhula ko kutethzima oku kwa pwile. ¹⁴ Ambene muchima thzo thza kolopile nene. Mukonda eci eli kuli lelo,ou atala shitawo sho kale, esho shito enge shikala hengeyo. Kashi tundile, mukonda shime kwa Kilesite ko shinatundiwa. ¹⁵ Ambene shanga lelo, oku mutala yo Mushe, eshi shito shi nathiki mucima thzo. ¹⁶ Ambene ou munu apilukela kwa Fumu, eshi shito henge shitundishiwa. ¹⁷ Nehoni Fumu ne mupepo. oku kuli mupepo o Fumu, kuli kulukuluha. ¹⁸ Nehoni twahe, tuna kana kuthikiwa kumeho, tukenge kuetha kwa Fumu. Twa piluka kukala mu kuetha kofoci kutunda mu kutethzima kutha mu kuetha, eci eli kuli kwa Fumu oyu oli mupepo.