¹ Nehoni nani ayala eci kana kuhuka kukwenu muanji kalo. ² Ngeci na kumuyuvisha kukola, elye oyu wa kuni nyanyukela unone o muonye oyu wa kwamiwile o mango ku kwange? ³ Nan'olile eci omu nani kwamena ci oyu nakukeya kukweni kana kuhima kalo ci ni kwamiwe omango kwawo ni hima ci ni nyanyukele. Nina nyanyuka kukwenu mwahe eci kunyanyuka kwange kuna lipulula no kunyanyuka mulinako. ⁴ Mukonnda na min'olelile kutunda mu makando oshokulu, no kukola ku mucima, no miothzi thingi. Kana himine ci ni miyuvishe kukola. Unone, na fotile ci mulimuke shiemo shange shoshikullu nili nasho kukwenu. ⁵ Ngeci po yumweya ona leta kukola, ka letile pohuma kukwange, unone kui mweya-kali kumi haisha-ku kwenu mwahe. ⁶ Kashitiko koyu munu kwa angi kana kwama. ⁷ Nehoni kupita eci ashitekiwe, mwa loela kumutelela no ku muhenga henga. Mukwame ei eci a yuva nene o mange. ⁸ Nehoni na milomba eci mu monishe shiimo shenu ku kwenji. ⁹ Eli lyoliyo livaka na n'olelile eci nimi eleke no kalo ni limuke ngeci mwani yuva muyoihe. ¹⁰ Oyu mutetela, kenge ni mutetela name. Eshi nina tetela ngeci nimi tetela shimweya- nina mutetela mu livaka lyenu ko Kilesite. ¹¹ Eci twa hangeliwa kwa Satani. Mukonda twa limuka ekwama yenji. ¹² Fumu wa ni yanjulelile shikwalo ou na keile ku mbongi thza Troasi kuna fundisha liywi lyo Kilesite. ¹³ Kana liyalile mu mupepo mukonda kana wanine mwapange Tite. Nehoni nawa shiile no kuthza ku Methsodonia. ¹⁴ Unone shikandela shikale kwa Nyambi, oyu kwa Kilesite shikati shoshihe atuamwena ku makando. Kukwetu ona lete kunu kela ko kuwana mu maano enji ko kuhe. ¹⁵ Mukonda tuli o wa wawakwa Nyambi ko Kilesite, wahe kowa hayoishiwa no wa akana kuishiwa. ¹⁶ Kwa amweya, twa nuka lifu eli litwala ku kufa. Kowa mweya twa nuka upilo oyu twala kukuyoya. Elye oyu lukela ei inu? ¹⁷ Mukonda ka tulipitula nawo anu owangi ao ali no kuulisha liywi lyo Nyambi eci a wane shimweya. Unone twali amba mo kuyala, twa amba ka Kilesite, oyu tuna tumiwa kwa Nyambi, pa meho a Nyambi.