¹ Wendekele kuli ba kebo, ''Chili bene njimileka, kuli bamo muli yeni munemana hano kubakamono kuthsa hathimbu kanda bamone mubumwene bwa Njambi bwizha nabithzili.'' ² Hanima yamatangwa a tanu na limo, Yesu wambatele Petulu na Yakomba na Yowano nakuya nabo hamukinda waulaha, likalyabo. Cho wemukile mweka kumesho abo. ³ Buthzalo bwendi bwa byakumine manene, kutoka kutubakana, kutoka kwa ku hyana ocho munu woshe wa hano akaye natha ku bikusha. ⁴ Cho Elinja na Mosesa ba sholokele kuli bakebo, cho lalo bakele na kwendeka na Yesu. ⁵ Petelo wa tabele na kwendeka kuli Yesu ngwendi, ''Mulongethi, cha chibwa manene kuli yetu ku kala kuno, na mukulinga echi tuyeni tutunge mambalanda a tatu, limo lyobe, limo lya Mosesa, cho na limo lya Elinja.'' ⁶ (Mwafwa kathzubukile bya pandele kwendeka, a kulinga boshe ba thzibile lyoba.) ⁷ Cho lishelwa lyethzile na kuba fwika. Chojo lijwi lya tundile munlishelwa, ''Ou ikeye munange wa Munalume inja thzanaga. Muthzibilileni.'' ⁸ Aje bene, batalele oku noku, olojo ku bathele oni kumona weka nabo, kubanga Yesu lika. ⁹ Omwo bakele na ku thikumuka kununda kuje ku mukinda, waba thiñikile ngwendi kethi ba lekeko munu wodhe bije ba mwene kweta na ha thimbu oyo Muna Munu bakamu thangula kubathsi. ¹⁰ Chojo na bakebo ba tulikile ei ñanda mukati kabo lika, olojo ba ithimutwiye lika ha kati kabo ngechi ba wane muchina lumbunukila ''kuthanguka ku bathsi.'' ¹¹ Cho ba mwihwile, ''Omwo bikajo bakakuthoneka ba kendeka ngwabo Elinja napande kwija wakulibanga?'' ¹² cho wabakumbulwile ngwendi, ''Elinja wakulibanga mangana a bwahethe byuma byoshe. Olojo bikalalojo bathonekele ngwabo Muna Munu na pande kwita mu tuyando twa twingi cho lalo ba kamubyana? ¹³ Olojo njendeka kuli yeni ngwange Elinja na ija laja, cho balingile kuli ikeye byoshe obyo batondele kulinga, kwwetheka ngwe omwo ba chisoneka ali ikeye.'' ¹⁴ Omwo bethzile kulibaje bandongethi, ba mwene mbunga yakama ya ba thengeleka, cho naba kakusoneka ba kele nakulinga bimata nabo. ¹⁵ Hathimbu bene ije ba mwene Yesu, ije mbunga yoshe ya likomokelele cho bashatukilile kuli ikeye oku bali na ku mu kandelela. ¹⁶ Wehwile ba ndongethi bendi, ''Bika muli na kulitwila bimata nabo?'' ¹⁷ Munu umo muli ije mbunga wa mukumbulwile ngwendi, ''Mulongethi, nja nenele munange wa munalume kuli yobe. Wakala na munthzithzime owo uka mwonowetha kwendeka. ¹⁸ Uka mu kwata naku mumbila hathi, cho aka tutuma na lifulu ku kanwa, kulingenjenga mayo, na kuminina mubila. Nja lombele ba ndongethi bobe ngwange ba mutundithemo muli ikeye, olojo ku bathele kulinga ngocho.'' ¹⁹ Cho waba kumbulwile ngwendi, ''yeni muyati wa kwonwa lukulahelo, thimbu yakupwa bati injina pande kutumama neni? Lungahi nja pande ku yanda ha mulonga waku jeneka ku thzibithitha kweni? Muneneni kuli yange.'' ²⁰ Cho banenele uje mwanike wamunalume kuli ikeye. omwo uje munthzithzime wamwene Yesu, haje bene wa kwatele uje mwanike na kumu shinyitha. Cho uje mwanike wa wililile hathi naku fumitha lifulu ku kanwa. ²¹ Yesu wehwile ishe ya uje mwana ngwendi, ''Haneti thimbu ya kupwa bati kufuma oho ha putukile ku binja muje?'' Ba ishe bakumbulwile ngwendi, ''Kutunda bene ha bwanike bwendi. ²² Lwa lwingi wakele na ku muwithila mu tuya nameme mu mema na kwetheka ku mubulumuna. Umona uli nanthzili ya kulingako bimo, cho tuthzibileko ñgeke na kutu kwathako.'' ²³ Yesu wendekele kuli ikeye ngwendi, '''Ngwe unatha'? Byuma byoshe bya kala bya byathi kuli uje muka ku kulahela.'' ²⁴ Aje bene ishe ya uje mwana wa kalumukile ngwendi, ''Nja kulahela! Oloni nji kwatheni mangana njikale na lukulahela lwa kutubakana!'' ²⁵ Omwo Yesu wamwene ije mbunga ishatukila kuli bakebo, wa yalumukilile uje munthzinthzime wa bubi na kwendeka ngwendi, ''Yobe munthzinthzime wa bubebe na buthindamatwi, njili na kushika, ngwange tunda muli ikeye, cho kethi lalo uka kobele muli ikeye.'' ²⁶ Cho uje munthzinthzime wa kulumukile manene na ku mushinyitha manene uje mwanike cho kathina ona wa tundile mylu ikeye. Na uje mwanike washolokele ngwe ha thsile, cho babengi bendekele bene ngwabo, ''Ou nathsi.'' ²⁷ Olojo Yesu wa mukwatele kuli boko na ku mwimika, na mwanike wamunalume wemanene. ²⁸ Omo Yesu wa kobelele mu njubo, bandongethi bendi ba mwihwile ngwabo, "Mulonga muka watuhonethela kutunditha uje muthzithzime?" ²⁹ Cho waba kumbulwile ngwendi, "Ou muthzithzime wa chifwa echi kuwatha kutunda kubanga naku lombela." ³⁰ Cho batundile ku mutambela uje na ku pulyathana mu Ngalileya. Katondele munu nambe umo kuthzibuka oku bakele, ³¹ mwafwa wakele na kulongetha bandongethi bendi. Cho wendekele kuli bakebo ngwendi, "Muna nunu baya na kumwana mu maboko a banu, cho na kebo baka muthsiya, cho aka thanguka lalo hanima ya matangwa a tatu." ³² Olojo kuba thzibithithile ñanda ei, oloni nawa ba thzibile lyoba lya ku mwihula. ³³ Cho bethzile ku Kapelanauma. Hanima ya ku kobela munjubo wa behwile ngwendi, "Bika muna kele na kuthimutwiya mungila?" ³⁴ Olojo boshe bolokele lika. Mwafwa omu bakele na kwija mungila ba putukile kuli kanangana ha munlonga wa kutonda kuthzibuka ngwe iyajo mukati kabo na tubakana bakwabo boshe ku kulema. ³⁵ Cho hanima ya ku tumama hathi wa thanene baje likumi na babali hamo cho wendekel kuli bakebo ngwendi, "Umona ngwe kuli umo owo atonda kukala wa kulibanga, cho napande kukala ikeye wa mamanethelelo hali boshe cho lalo na kukala ndungo wa boshe." ³⁶ Cho wambatela mwanike wa mundondo na ku mwaka mukati kabo. Ngechi wa mwambatele mu maboko endi na kwendeka kuli bakebo ngwendi, ³⁷ "Woshe ou atambula mwanike wa mundondo ngwe ou mu lithzina lyange natambula yange; ou woshe atambula yange katambwilile yange olojo na tambula ou na nji tumu." ³⁸ Mukemo Yowano wendekele kuli ikeye ngwendi, "Mulongethi, tuna mwene munu umo ali na ku fumitha mamba muli thzina lyobe cho tuna mwechethele kulinga ngocho, mwafwa kethi umo wetu." ³⁹ Olojo Yesu wendekele ngwendi, "Kethi mu mwechelethe, mwafwa naumo wahi owo a kalinga bipangi bya kukomowetha mu thzina lyange cho bwathi bwathi hanima ya bije a putuke lalo kwendeka bubi hali yange. ⁴⁰ Uje woshe kethi na kutu lwitha ali netu. ⁴¹ Ou woshe a myana nganja ya mema mangana munwe mu lithzina lyange ha kuthzibuka ngwendi mwakala kuli Kilithitu, chili bene njendeka kuli yeni, kaka jeneka ku wana fweto yendi. ⁴² Woshe owo aka nenetha umo wa aba babandondo ba taba muli yange kwiluka munina mu lukulahelo, chipwa cha chibwa kuli ikeye kumu kutila limanya lya kama muthingo yendi na ku mumbila mu lishali. ⁴³ Ngwe liboko lyobe likunenela ku thzimbaletha lukulahelo lobe, cho libatuleko. chinapu cha chibwa manene kuli yobe kuya na kukobela mu mwonyo na katengu kutubakana kukala na maboko abali olojo uya mungehena, mu tuhya otwo twa liyele. Mabulu amabwa manene akuthangulu kuwethi na mbathzubwila 44 mu yiwanewa mu ULB. ⁴⁴ Okwo ndulo ku yethi kuthsa, na tuhya kutwethi uthzima. ⁴⁵ Ngwe lindi lyobe likunenetha ku jeneka lukulahelo, cho libatuleko. Chipwa cha chibwa manene kuli yobe ku kobela mu mwonyo na katengu kutubakana ukale na mendi obe oshe abali na ku kumbile mungehena, okwo kalongolo wabo kuwethi kuthsa, cho lalo na tuhya kutwethi kuthzima. Mabulu amabwa manene akuthangulu kuwethi na mbathzubwila 46 mu yiwanewa mu ULB ⁴⁶ Okwo ndulo ku yethi kuthsa, na tuhya kutwethi uthzima. ⁴⁷ Ngwe lisho lyobe liku nenela kutunda mungila yobe ya lukulahelo, cho lichakulemo. Chipwa cha chibwa manene kuli yobe ku kobela mu mwonyo na lisho limo kutubakana ukale na mesho obe oshe abali na ku kumbila mungehena ⁴⁸ Okwo ndulo ku yethi kuthsa, na tuhya kutwethi uthzima. ^{49 50} Mwafwa munu woshe baka mutoba na mongwa wa tuhya.