¹ Omo litangwa lya Petakosita lyetele, bakungulukile mumwela umo lika. ² Oho bene kwilu kwatundile chilumo cha lihuthzi lyakama, cho chashulithile njubo yoshe muje mu batumamene. ³ Cho kwasholokele hali bakebo byakufwa ngwe malimi a tuhya aba banene, aje atumamene hali umo na umo. ⁴ Boshe bashule na muthzithzime wakujela cho baputukile kwendeka muna limi akulithethza, kwetheketha mwaba twamenene muthzithzime. ⁵ Cho kwakele ba Yunda baje bakele na kuyoyela mu Yelusalema, banu ba njambi, bakutunda ku mafuti oshe a hano ha kaye. ⁶ Omo chilumo chathzibakanene, banu babengi bethzile cho baluwanganene mwafwa munu woshe bamuthzile anakwendeka lilimi lyendi. ⁷ Banu boshe balikomokelele manene; na kwendeka ngwabo, "Kuma, aba boshe bankwendaka kethi ba ku Ngalileya ndi? ⁸ Cho batijo tuli nakubathziba, umo na umo mu ndaka yendi ya chisemwa? ⁹ Ba ku Palitiya na Mendiya na ku Elame, na baje baku Mesopotamya, mu Yundeya na ku Kapondosiya, ku Pontiyasi na ku Asiya, ¹⁰ ba ku Filingiya na ku Pampiliya, mu Ingito na ku mutambela wa Limbiya kuyehi na Silene, na bangethi ba ku Loma, ¹¹ ba Yunda na aba kethi ba Yunda, ba ku Kelete na ku Alambiya, tunakuthiba banakwenddeka lilimi lyetu ha bukama bwa bipangi bya Njambi.'' ^{12 13} Cho balikomokelele na kukala na chitanga; bendekele kuli umo na mukwabo ngwabo, ''Echi chinalumbununa bika?'' Oloni bakwabo baba hulamethele nakwendeka ngwabo, ''Banapende na binyu byabihya.'' ¹⁴ Oloni Petulu wemanene na baje likumi na umo, watuhwithile lijwi, nakwendeka kuli bakebo ngwendi, ''Banu boshe baku Yundeya na muba boshe mwakala ku Yelusalema, echeni echi chithibukiwe kuli yeni; akeniko mangana kumajwi ange. ¹⁵ Mwafwa aba banu kuba pendele ngwe omo muna bathinganyekela, mwafwa ino thimbu ya bitanu na biwana ku mutondo. ¹⁶ Oloni ebi bikeko ka polofita Jowele wendekele mubu polofita bwendi: ¹⁷ 'Bikalingika muma tangwa a kukumithilako,' Njambi wendekele ngwendi, 'Njiketila Muthzinthzime wange hali munu woshe. Bana beni ba banalume na ba banakathi baka polofita, ba kwenje beni ba kamona bimwetho, na tukulukathi beni bakalota biloto. ¹⁸ Buthunga bene nambe bangamba bange baba nakathi naba banalume mu matangwa aje njiketila muthzithzime wange, cho baka polofita. ¹⁹ Njika sholwetha bikomoketho mwilu na bithibukitho hano hathi, maninga, tuhya, na bwithi bwakama. ²⁰ Litangwa likalumuka kupwa lithuthulungu cho ngonde ikapwa ngwe maninga thimbu kanda litangwa lya kama lya Shukulu kweta. ²¹ Cho woshe akathana ha lithina lya Shukulu akoboka.' ²² Banalume baku Isalela, tolileni majwi awa: Yesu waku Nazaleta akele muluwa kuli yeni kutunda kuli Njambi na bipangi bya bithzili na bikomoketho na bimwetho byalingile Njambi muli ikeye mukati keni, ngwe omu munathibukila. ²³ Owu munalume bamu shuwile laja kwetheka na bithinganyeka na mangana a Njambi a kuthañulu, nayeni, kuliboko lya banu ba bukenya, kumuthsiya na kumu shukika ha chilindakano. ²⁴ Oloni Njambi wamu thangwile, ku mutunditha ku mishongo yakuthsa, mwafwa kuchakele cha chathi kumu kwatelela kuli chikecho. ²⁵ Mwafwa Ndaviti wendekele hali ikeye, 'Njamwene Shukulu thimbu yoshe kumesho ange, mwafwa ali kuliboko lyange lya chilyo mangana kethi njikale na lyoba. ²⁶ Ngachije mbunge yange ya bwahelelele cho na lilimi lyange lya jolelelele. Nawa, na mubila wange uyoya mu kubandamena. ²⁷ Mwafwa kuwatha kwechela monyo wange mu tuhya, nambe kutabetha munu weni wa Kuthila amone kubola. ²⁸ Muna njilingitha kuthibuka bingila byeni bya monyo; mujilingitha jishule na ku bwahelela ku meshyo eni.' ²⁹ Bandolome, njatha kwendeka yange kuli yeni chakujeneka ku huhwathana hali kukulwila kwa Ndaviti, ngwabo wathsile cho ba muthsindile, na mbumbo yendi tuli nayo na ku lelo. ³⁰ Ngachije, wathibukule ngwendi wakele ka polofita owu Njambi walithingile kuli ikeye ngwendi a kapwitha umo kukala bushuka bwa nanga ya litanda lyendi. ³¹ Wamwene bikasholoka ku lutwe cho wendekele haku thanguka kwa Kilishitu, ngwabo kubamuthethele kubukalu bwa athi, nambe mubila wendi kumona kubola. ³² Owu Yesu- Njambi wamu thangwile, cho tuba boshe tunapu bakaleho hali echi. ³³ Ngachije, hakupwa bana mujundula na kumwaka ku liboko lya chilyo lya Njambi na ha kutambula Muthzithzime wakuthila owu bashikile kutunda kuli ishe, netila ebi muna mono na kuthiba. ³⁴ Mwafwa Ndaviti kaile mwilu, oloni wendekele ngwendi, 'Shukulu wendekele ku Shukulu wange, ''Tumbama ku liboko lyange lya chilyo ³⁵ palanga noho njikaka bitothi byobe mwithi ya myanja yobe.''' ³⁶ Ngachije, echeni ba njubo ya Isalela bathibuke ngwe Njambi namu lingitha kupwa Shukulu na Kilisitu, owu Yesu mwashukikile.'' ³⁷ Cho omo bathibile echi, ba batibile mubimbunge byabo, na kwendeka kuli Petulu na ba miluwa bakwabo, ''Bandolome, cho tulinga bati?'' ³⁸ Cho Petulu wendekele kuli bakebo ngwendi, ''Tengulukeni mangana bami mbwitike, munu na munu, mulithina lya Yesu Kilisitu mangana amithambethe kububi bweni, cho mutambula bwana bwa Muthzithzime wa Kuthila. ³⁹ Mwafwa olu lushiko lunapu lweni hamo na bana beni na boshe bali kulyala, mubwingi bwabo kwetheka nomu mwabathanena Shukulu Njambi yetu.'' ⁴⁰ Mu majwi a mangi walumbunwine kuli bakebo, ngwendi, ''Kaleni ba kuyoboka kutunda ku miyati ya banu bababi.'' ⁴¹ Cho bathibile majwi endi na ku ba mbwitika lalo, cho ba bakeleleko ku mbunga ha litangwa lije kweta ma kulukathzi atatu a myonyo. ⁴² Cho ba kakateyeye mu bilongetho bya miluwa naku tumbama hamo, na ku pujula likende na kulomba hamo lika. ⁴³ Cho banu boshe bathibile lyoba, na bya ku komoketha bya bingi na bithibikitho ba bilingile kwitila mu miluwa. ⁴⁴ Boshe ba kulahelelele ba pangelele hamo na kulinga byuma bimo lika, ⁴⁵ cho ba landethele byuma byabo byoshe bibakele nabyo nakulipangela boshe, kwetheka nomu ashakelele munu kupangetha. ⁴⁶ Cho litangwa ha litangwa balinungile boshe na bithinganyeka bimo mu tempele. Chojo balipangelele na likende mu binjubo byabo, na kulipangela bya kulya hamo na bimbunge bya ku lithamba na nthzanthzu, ⁴⁷ kulemetha Njambi na kupwa mwamubwa na banu boshe, cho litangwa ha litangwa Shukulu wa bwetheleleleko ku mbunga yabo kuli baje bobokele.