¹ Ino kwakacitika kuti, nibaka bungana ali Jesu kuswilizya majwi a Leza, Jesu wakainka ambali yo lwizi lwa Geneseleti. ² Wakabona mato obile aswenzigwa kunkomwe yo lwizi. Bazubi bakazwa mulingao okusanzya tunyandi. ³ Jesu wakanjila mubwato, bumwi bwali bwa Saimoni, wakamwambila kuti atole bwato mumanzi alele ankomwe. Wakakala mubwato okwisya bantu. ⁴ Nakamana kwambola wakambila Saimoni kuti, tola bwato kulubazu lumwi kuli manzi mzlafu muteye nzwi ⁵ Saimoni wakataba wati mwiyi twalikuteeya masiku onse kono takwe nitwajata inswi, kambo ka majwi ako ndiyotulekezya tunyandi. ⁶ Nibakacita namu bakaca nswi zinji mane tunyandi twabo twakayauka ⁷ Mponya bakaita benzinyina kuti baze bazoba gwasilizye. Mponya bakaza okuzuzya mato, onse akatalika kubbila. ⁸ Mponya Saimoni pitolosi nakabona cakacitika. Wakawida kumavwi a Jesu. Kati zwa kulimebo, nde muntu mubi, mwami. ⁹ Bakakomokwa , abo mbali ambabo , bunji bwe nswi zibakaca. ¹⁰ Eci cakayungizigwa o Jemusi o Johani bana ba Zebbediya, bali babelesi nyina ba Saimoni. Jesu wakambila Saimoni kuti, utabi obu yofu, kambo kuzwa sunu uyoba muzubi wabantu. ¹¹ Nibaketa mato abo kunkomwe yalwizi, bakasiya zyonse oku mucilila. ¹² Kwakacitika kuti cindi nali mu dolopo limwi, mwalumi umwi sicinsenda waliwo. Nakabona Jesu , wakawida ku busyu bwakwe okumu kumbila, kuti, mwami,na ulayanda, ninga wandi salazya. ¹³ Mponya Jesu wakatambika janza lyakwe okumunguma , wakati, mdila yanda. usalale. Mponya awo cinsenda cakazwa . ¹⁴ Wakamwambila tegwa utambila naba muntu omwi, mponya wakamwambila kuti koya ukasalazigwe, mbuli musa mbwakalailila, zyaka kucitila Aleza. ¹⁵ Mponya mpuwo yakwe yakasalanganya konse. Mabunga abantu bakaza antomwi okumuswilila kaisya okuponesya kumalwazi abo. ¹⁶ Kono zindi zinji wali kuzwa okwinka munkanda kuyokomba. ¹⁷ Kwakasika cimwi cindi nalikuisya , bafalisi abaiyi bemilawo a bakzwa kuminzi yonse indene indene mucoko coku Galileya oku Judiya, oku dolopo lya Jelusalema. Nguzu zya Leza zyalawe zyokuponya. ¹⁸ Mponya balumi bakaza kabanyamwide mwalumi wa wezukide, mponya bakayandola nzila yokumunjizya mukati kutegwa bamutule kunembo lya Jesu. ¹⁹ Takwe nibakajana nzila yo kumunjizya mukati kambo kamabunga abantu, mponya bakatnta aciluli ce nganda okumu losezya atala lye nganda amuseme wakwe, akati kama bunga, kweni kunembo lya Jesu. ²⁰ Nakabona lusyomo lwabo ,Jesu wakati, mwalumi zibi zyako zyalekelelwa . ²¹ Balembi aba falisi bakatalika kubuzya kuti, nguni oyo wambola zyokutukana ngwani umwi uga wajatila zibi kunze o Leza alike, ²² Pele Jesu nakaziba kuyeya kwabo wakataba, okwamba kulimbabo, ninzi nimulibuzya mumyoyo yenu aleci, ²³ ncecili cuba kukwamba, zibi zyako zyalekelelwa na kwamba kuti nyamuka wende, ²⁴ Kono kuti muzibe kuti mwana o muntu ulijesi nguzu munyika zyo kulekelela zibi, ndati kuli ndinwe , nyamuka ubwezwe museme wako winke kunganda yako. ²⁵ Mponya awo wakanyamuka kunembo lyabo okubweza munseme palede. Mponya wakainka ku nganda yakwe, kalumbaizya Leza. ²⁶ Bantu bonse bakakomokwa okulumbaizya Leza. Bakaba obuyofu, kabati, twabona zintu zikomosya sunu. ²⁷ Kuzwa zintu nizyakacitika , Jesu wakazwa oko wakabona simutelo we zina lya Levi kakede a tente lya ba simitelo. Wakati kulinguwe, Ndicilila, ²⁸ Mponya levi wakanyamuka wamucilila, kusiya zyonse musule. ²⁹ Mponya levi wakapanga pobwe pati lya Jesu munganda yakwe. Kwali basimutelo banji abantu bamwi bakede okulya atafule ambabo. ³⁰ Kono bafalisi abalembi bali kutongokela basikwiya kabati, kambonzi cimulya okunywa abasimitelo abamwi basizibi, ³¹ Jesu wakati kulimbabo , Bantu bataciswi yabayandiki musilisi ati abo baciswa, ³² Takwe nindakaza kuzoita baluleme kukwempwa pele kwita babi kukwempwa. ³³ Bakati kulinguwe,ba sikwiya ba Johani balikulimya kulya okukomba abasikwiya baba falisi balacita mbubonya namu pele basikwiya bako balya okunwa, ³⁴ Jesu wakati kulimbabo kuli muntu na ukozya kujazya nzala bantu ba nabwinga kabacili anguwe, ³⁵ Pele cindi ciyosika sibwinga nayotolwa kuzwa kuli mbabo mumazuba ayo bayolimya . ³⁶ Mponya Jesu ape wakamba kambyo kulimbabo. Takwe muntu uyaula cisila kucibiya cipya oku cigampika kucibiya cecindi . Kuti wacita namu, ulayaula cibiya cipya mponya cisila co kucibiya cipya ta cikoendelana ecisila co kucibiya cecindi. ³⁷ Takwe ubika musansa mupya mu cibikilo cecindi ,kuti wacita namu musansa mupya ulayaula cikumba mponya musansa ulakumpaika , amana cibikilo cilafwa. ³⁸ Pele musansa mupya welede kubikwa mucibikilo cipya. ³⁹ Takwe muntu unga amana kunwa musansa wecindi uyanda mupya , mponya wamba kuti , wecindi mubutu.