¹ Mponya Jesu kazwide muya usalala, wakaapiluka kumulonga wa Jodani, oko muya usalala kuwakamu tola munkanda. ² Oko kwa kasunkwa o dyabulusi. Kwa mazuba ali makumi one, muli ayo mazuba takwe cilyo cakalide pele mumamanino amazuba ayo wakazo fwanzala. ³ Dyabulusi wakati kulinguwe, na uli mwana wa Leza , sandula mabwe aya abe cikwa, ⁴ Jesu waka mutaba, cililembidwe kuti, muntu ta poneni buyo acikwa cilike. ⁵ Mponya dyabulusi waka tola Jesu kucibaka cili ajulu oku mutondezya bwami bwansi muli eco cindi. ⁶ Dyabulusi wkati kulinguwe ndila kupa nguzu zyonse ezintu zilimwateni, zyakapegwa kulime ape okupa umwi ngundiyand. ⁷ Kuti na, wandifugmina oku ndikomba ezi zyonse zilaba zyako. ⁸ Kono Jesu wakataba kuti, cililembidwe kuti, amu kombe buyo mwami Leza wenu, ape mukombe nguwe buyo. ⁹ Mponya dyabulusi waka eta Jesu ku Jelusama atala lye tempele, kati, na uli mwana wa Leza, uli kinze ansi kuzwa awa. ¹⁰ Cilimbidwe kuti, ula tuma bangelo bkwe bazo kukwabilile, ¹¹ Mponya ,bala kukwabilila mumnza abo, kuti uta licisi kumaulu abwe. ¹² Jesu wakataba wakati, cililembidwe, kuti, utabiki mwami Leza wako mumasunko. ¹³ Ino dyabulusi naka mana kusuka Jesu wakainka wamusiya kulangila cimwi cindi. ¹⁴ Jesu waka bweda ku Galili munguzu zyo muya usalala, o mulumbe waka mwaika mu coko conse. ¹⁵ Mponya wakazotalika kuzoisya muma sinago, abantu baka talika kumu lumbaizya. ¹⁶ Wakaza mu Nazaleta, omo mwaka komezigwa , mbuli cizo cakwe, waka njila mu sinago mu sabata okubala cokongolola. ¹⁷ Ebbuku lyo musinsimi isaya lyaka pegwa kuli nguwe. Waka lijula bbuku uku jana kwalembedwe kuti, ¹⁸ Muya wo mwami uli ali mabo wakandi nanika kuteti ndi kambauke mulumbe mubotu kubacete. Wandituma kuti ndambilizye lwangunuko lwa ba zike, oku ponya bofu, oku sungula badyamininwe, ¹⁹ Okwambilizya mwaka we colwe co mwami. ²⁰ Mponya wakalijala bbuku okupa mubelesi waka kala ansi. ²¹ Wakatalika kubambweda, sunu cibalo cazuzyikizigwa kamuswilide. ²² Bonse baliwo bakamulumbaizya oku komokwa kubu songo mbwa jesi bwalikuzwa mukanwa lyakwe, kabbuzya okuti, tansi nguwe mwana wa Josefa na, ²³ Wakabataba kuti, cecico mula belesya kambo aka kuli me, omusilisi, liponye olike. Zyonse twazivwa zizwa kaita mu kapenamu, omuno uzi cite mu taundi lyako . ²⁴ Kono wakati , ndimwambile kasimpe, takwe mu sinsimi utambulwa mucisi cakwe. ²⁵ Kono ndi mwambile kasimpe, kwali ba mukamufu banji mumazuba omu sinsimi Elija, awo julu nilya ka jalwa kwe myaka yotatwe omwezi yosanwe omwi, mponyina kwa ka njila nzala mpati mucisi. ²⁶ Kono Elija takwe nakatumwa kumuntu umbi , pele kuli Zalefeta oku sidoni,kwali kukala mukamufu. ²⁷ Kwali basizisenda banji muma zuba a Elija musinsimi, takwe waka ponisigwa pele namani woku siliya. ²⁸ Bantu bose bali mu sinagogo bakanyema nibakamvwa zyakambwa . ²⁹ Bakaima, oku mutanda mucisi oku mutola kumpela lwo mulundu kwayakidwe taundi lyabo kuti bamu fusile ansi. ³⁰ Kono wakazoinda akati kabo mponya wainka kubusena bumbi. ³¹ Mponyina wakainka kapenamu , cisi ca Galili ,oku talika ku baisya mu sbata. ³² Bakakomokwa kwisya kwakwe, kambo wali kawmba cenguzu . ³³ Ino mu sinago kwali mwalumi wali omuya wama daimona, mponya wakakwila atala ejwi lyakwe, ³⁴ Ino ninzi zyoyanda kuli swebo, yebo Jesu woku Nazaleta , waz kuzo tunyonyona na ndili kwizi omusalali wa Leza. ³⁵ Jesu waka patokila madimoni kuti utamboli zya mulinguwe, mponya aka mufusa akati kabo, na kazwa takwe naka mucisa. ³⁶ Bonse bantu bakakomokwa oku talika kwabbola eyi nkani kuli umwi oumwi. Kabati majwi nzi aya utnda muya mubi mubwami enguzu mponya ala zwa. ³⁷ Mponya mulumbe waka mwaika coko conse. ³⁸ Mponya Jesu wakazwa mu sinago uku yonjila muganda ya simiyoni. Bamakwe akwe bali ku ciswa mutwe omubili kupya, mponya bakamu kombelezya kuti amu kombele. ³⁹ Wakazo umunina mponya waka tanda bulwazi mponya awo bwakazwa . ⁴⁰ Zuba nilyalikubbila, baket bantu bacisidwe malwazi aindene indene. Waka tambika manza akwe abantu bonse oku baponya. ⁴¹ Ma daimona aka zwa mubanji, ka kwila kuti, ndiwe mwana wa Leza , Jesu wakatanda madoimona okuta zumizya kwambola, kambo walizi kuti ngu kilisito. ⁴² Nibwakaca, wakazoinka kucibaka citakwe bantu, bantu banji bali kumulangola bakazoza oko kwabede. Bakasola kumukazika kuti atainki. ⁴³ Kono wakati kulimbabo, ndelede kukambauka mulumbe mubotu wo bwami bwa Leza mumasi amwi, kambo kako kinda k tumina kuno. ⁴⁴ Mponya waka zwidilila kukambauka muma sinago omu Judiya