¹ Wakabambila cikozyano kuti balelede kukomba lyonse cokuta lengwala. ² Wakateti kumunzi umwi kwali mubetesi watalikuyowa leza, okutalemeka bantu. ³ Kwali mukamufu kumunzi oyo, walo wakeza kuli nguwe kanjikanji wakati, ndikosoda mulandu kuli undisise. ⁴ Ino wakakaka kaindi, pele musule wakayuma mucamba cakwe kuti netayowi lezi netalemeki muntu, ⁵ Nekuba namu mukumufu oyo mbwandikatazya na peta undisyupa loko kuku sika kwakwe lyonse. ⁶ Mponya mwami wakatati, amumvwe oku kwamba mubetesi utaluleme. ⁷ Sena leza takozya kulosola abo mbasalide, abompolola kuli nguwe sikati amasiku, natola cindi kuli mbabo. ⁸ Ndamba kuli ndiwe uyo fwambana kuba kosoda mwana amuntu akubola kana uzojana lusyomo ansi. ⁹ Acalo cikozyano eci wakabambila abalisyoma aba sampaula bwami bonse munyika. ¹⁰ Balumi bobile bakainka kuyonjila mutempele kuti bakombe umwi wakali mu Falisi umwi simutelo. ¹¹ Mufalisi oyo wakaima, wakomba obu wakali ndalumba o leza, kambo tandili mbuli bantu bamwi, ababbi abatalulema abasibuhule mbuli basimutelo oyo. ¹² Ndilalimya kulya tobile munsunda yomwe, ape ndilapa cimana kuli zyonse nzyenjisi, ¹³ Pele simutelo oyo waima kulekule, ndifwida luzyalo, ndilisimucita zibi. ¹⁴ Ndakamwambila kuti, oyu wakabweda kunganda yakwe ulilulamikidwe kwinda oyo umwi kambo umwi aumwi ulisamoula ulafwinsigwa, ulifwinsya ulasumpula. ¹⁵ Mponya bakamwetela bana kuti abajate pele basikwiya bakwe nobakabona bakabakasya. ¹⁶ Walo Jesu wakabaita kulinguwe wakati, amuzumizye bana kuti babole kulindime, mutabakasyi, kambo bwami bwa leza mbubwabo abali namu. ¹⁷ Cobeni ndamwambila kuti, utatambuli bwami bwa leza mbuli mwana. Tokoyobunjila olo kanini pepe. ¹⁸ Umwi mwendelezi wakamubuzya kut"i mufundisi mubotu, ino ndicite buti kuti ndinjile mubwami butamani? ¹⁹ Jesu wakati kulinguwe, Ino wambila nzi kuti ndili mubotu? Takwe mubiotu pele leza alike. ²⁰ Ulizi milazyo yakuti, utabi sibuhule, utajayi, utabi, utalengeli umwi kambo lemeka uso abanyoko. ²¹ Mwendelezi wakati, iyi lyonse ndatobezya kecili mwana. ²² Jesu nakamvwa obo, wakamwambila kuti mpocili cintu comwe cobula, koya ukauzye zyonse zyojisi, upe bacete noyojana lukono lwa kujulu, ape ubole undicilile. ²³ Pele nakamvwa obo wakausa kapati, kambo wali muntu uvubide lukono lunjilunji. ²⁴ Mponya Jesu nakabona kuti uluside wakati, kulibavubide loko nkuyumu kunjila mubwami bwa leza. ²⁵ Nekuba kuti munyama mupati anjile muliso lyendonga, kwinda kuti muvubi anjile mu bwami bwa leza. ²⁶ Mpawo abo bakamvwa obo bakamba kuti, ino nguni ukonzya kufutulwa? ²⁷ Jesu wakati, zintu ziyumu kubantu zetete kuli leza. Kambo Petulo wakamba kuti, bonaswebo twaleka zyesu twakucilila. ²⁹ Petulu wakamba, langa twakasiya zyonse zyesu okukucilila,'' ³⁰ Jesu mponya wakamba kui mbabo, '' masimpe, ndamwambila kuti takwe wakasiya nyanda , mwanakazyi , na mucizyiwakwe, aba zyali abana , akambo kobwami bokujulu, ²⁸ Nguni oyo uyotambula bunji munyika, ape omunyika iyosika, yobumi butamani.'' ³¹ Nikwakamana wakaita basikwiya bakwe kulinguwe, wakamba kuli mbabo,'' amulange, twabuya ku Jelusalema, mponyina zyonse zyintu zyaka lembwa abama apositola kwendelanya omwana womuntu zyiyo zuzikizyigwa . ³² kambo uyopegwa kuli basimasi , ape bayondi penzya, okondi ubya-ubya okondi swida. ³³ Bakuma kumuma, bayomujaya, ape mubuzuba bwatatu uyobuka ape.'' ³⁴ Takwe ncobakamvwa, makani aya akasiswa kuli mbabo, tabalizi ncali kwamba. ³⁵ Ape nakasika afwifwi, ku Jeriko, mofu umwi wakenda kumbali anzila ulakumbila. ³⁶ Nakamvwa makani abantu akali kwinda wakabuzya kuti ino ninzi eco? ³⁷ Bakamwambila kuti Jesu, wa Nazaleta ulainda. ³⁸ Kabela wakambola, kuti, "Jesu mwana wa Davida, ndifwide luzyalo. ³⁹ Kwalo bali kwamba kunembo baka munyemena kuti aumune, pele wolo wakompololesya kuti, omwami a Davida ndifwide luzyalo. ⁴⁰ Mponya mponya jesu wakaima wakati, amumulete kuno, nakasika afwifwi, Jesu wakamubuzya. ⁴¹ Ino uyanda kuti ndikucitile nzi? wakati mwami ndibone. ⁴² Jesu wakamwambila kuti, bona lusyomo lwako lwakufutula. ⁴³ Ndilyonya wakabona, wamucilila uya bulumba leza. Ino bantu bonse nobakabona obo bakalumbaizya leza.