¹ Mwami wakambila Mozesi wakati,'' ² Amubola kuli Aloni ambi akubana bakwe balombe nambile kuti basosoloke kuzintu zisalala zyabana ba Isilayeli, ezyo zitondwa, tabelde kubisya zina lyangu lisalala ndili mwami. ³ Kobambila kuti,' kufumbwa wa lunyungu lonse lwa mazyalwa nyoko lwaswena afwi azintu zisalala ezyo bana Isilayeli nzibakasalazya ku mwami katasalali, oyo muntu welede kugwisigwa kuli mebo ndili mwami cituzyo cipegwa kumwami kusikila asalale. ⁴ Takwe walunyungu lwa Aloni oyu uciswa bulwazi bvwa cinsenda na bulwazi bukunka kuzwa amubili wakwe ukonzya kulya balyazituzyo zipegwa kumwami kuti kabasalala. ⁵ Kufumbwa ujata utasalali kwinda kuswangana acifwide ambi kuswangana amwalumi ukunka manzi acalumi. Na kufumbwa wajata cinyama cicita eco cimwi kutasalala, na kono conse citasalali umupa kutasala na komo conse citasalali. ⁶ Kokuti mupaizi ujalata kufumbwa citasalali tonosalali kusika lyabbila tayelede kulya kene cisalala, atikuti wasanzya mubili wakwe mumanzi. ⁷ Kuti zuba lyabila ukonzya kulya kuzintu zisalala, kambo zilyo zyakwe. ⁸ Tayelede kulya kene cajanika cilifwide, na cajaigwa abanyama bomusaka, canga walibisya mukuamweni ndime mwami. ⁹ Bapaizi belede kutobela malailile angu. Na banoli babisya cibi a kufwa kambo bakaka ndime mwami ndipa kuti basalale mumuya. ¹⁰ Takwe bokunze yomupaizi kuvwanya abenzu na bazike, bangu balya kene cisalala. ¹¹ Pele kuti mupaizi waula muzike kubelesya mali akwe, oyu muzike ninga walya zintu zitondwa kumwami benganda yo mupaizi abazike bazyalwa munganda yakwe, ambabo ninga balya kuzintu ezyo. ¹² Kuti mwana musimbi wa mupaizi wakwatwa mwalumi utali mupaizi takozyi lulya zilyo zecipaizyo. ¹³ Pele kuti mwana musimbi wo mupaizi mukamufu na wakalekwa ambi kuti takwe mwana ambi wapiluka okukala munganda yabaisi mubunini ninga walya cilyo cabaisi. Pele kutabi atansi wenganda wa mupaizi telede kulya kuzilyo zyomupaizi. ¹⁴ Kuti na muntu walya cilyo cisalala cakutaziba mpawo welede kubbadela mupaizi kwelede kuyunizya cibela comusanu akucipa kumupaizi. ¹⁵ Bana Isilayeli tabelede kutalemeka zintu zisalala kasumpula kuba kumwami. ¹⁶ Akupa kuti bayumune cibi cibapa kubisya kambo balya cilyo cisalala kambo ndime mwami ubasalazya. ¹⁷ Mwami wakamba kuli Musa, kati,'' ¹⁸ Ambila Aloni abana bakwe, abana bonse ba Isilayeli. Kuti, kufumbwa muntu wamukowa iwa Isilayeli, na benzu bakala mucisi ca Isilayeli, nibeta cituzyo nokuba kuti kuzizikizya cikonke, nikuba kuti cakupa buyo, nakuti bapa ku mwami cipo cakutenta. ¹⁹ Na cekubulika balelede kupa mupulu utakwe kampenda akati ke ngombe ambelele na mpongo. ²⁰ Cintu cijisi kampenda mutacipaizyi tandiyocitambuli. ²¹ Muntu upa mwami cituzyo cokubungana kuzwa kulutanga nikuba kulutanga lwembelele kumwami cokukonezya ninga cokupa buyo celede kutaba akampenda nikuba komwi. ²² Utapi munyama mofu, cilema na ulazilonda, ulacikwekwe, na sibwele, tamwelede kuba kumwami mbuli zituzyo acipaililo. ²³ Ulakonzya kupa buyo mupulu kabelele kalema ninga kanini, cipo cili namu tacitambuliki mbuli cikonkezyo. ²⁴ Utapi kumwami munyama uli amacende apwaidwe na apasukide na alembukide na azifawidwe, tamwelede kumutulula mwami na kumupaizya mucisi cenu. ²⁵ Tamwelede kupa cinkwa comwami leza kuzwa kumuzwakule abo banyama bali nyonyokide, babija balijisi kampenda mulimbabo tabatambuliki kulinwebo.'' ²⁶ Mwami wakambila Mozesi wakati, ²⁷ ''Kuti kanamani na mbelele na mpongo kazyalwa yelede kukala anyina kwabuzuba ali musanu a obile, kuzwa kumazuba a musanu amazuba otatwe ninga cazuminwa kuba cituzyo capegwa amulilo ku mwami. ²⁸ Utajayi ngombe na akana kayo mubuzuba bomwe. ²⁹ Kuti na wapa cituzyo cakulumba ku mwami, welede kupa munzila utambulika. ³⁰ Celede kuligwa mbonya buzuba nbocapaililwa mutasiyi nociba cimwi kusikila buzuba butobela ndime mwami. ³¹ Abobo mwelede kubamba milawo yangu okuyicilila ndili mwami. ³² Lilemekwe akati kabana Isilayeli ndime ubasalazya wakamweta munyika ya Ijipiti kuti ndibe leza wenu ndime mwami. ³³ Wakamugwasya munyika ya Ijipiti kuba ndime wenu, ndime leza wenu.