¹ Ciindi muntu naeta busu bo mulumbo ku Mwami, mulumbo wakwe kuti kuli mumena mutete, mponyina uyotila mafuta alincico okubika tununkilizyo alincico. ² Welede kutola cituzyo kubana ba Aloni balumi bapaizi, mponya awo mupaizi uyogwisya ijanza lizwide lyomumena mutete a mafuta otununkilizyo alincico. Mponyina mupaizi uyotenta cituzyo acipaililo mbuli cituzyo . Ciyogwisya kununkilila kubotu kaambo ko Mwami; ciyoba cituzyo cakapangwa kuli nguwe kwindilila mumulilo. ³ Kufumbwa cisyeede cecituzyo camaila ciyozulilwa kuli Aloni abana bakwe. Cilasalalisya ku Mwami kuzwa kuzituzyo kusika ku Mwami cakapangwa o mulilo. ⁴ Kuti wapa cituzyo ca maila citakwe bumena ciyokwa muyokelwa, celede kuba cinkwa citete cijisi mumena mutete uvwelengene amafuta, na cinkwa ciyumu citakwe mumena, cinanikidwe mafuta. ⁵ Na mumena wenu womulumbo wayokwa eciyokelo cipaleme, celede kuba co busu butakwe mumena civwelene amafuta. ⁶ Mwelede kwabanya muzibela bela okutila mafuta alinguwo. Oyu mulumbo womumena. ⁷ Na mumena womulumbo wenu wajikwa mumpani, welede kupangwa o mumena mutete amafuta. ⁸ Mwelede kweta mulumbo womumena upangwa kuzwa kuzintu eezi kumwami, mponya uyoyondezegwa kumupaizi, uyoceeta kucipaizyo. ⁹ Mponyina mupaizi uyogwisya zimwi kuzwa kumulumbo womumena upangidwe kwiinda mumulilo, mponya uyogwisya kununkilila kubotu ku Mwami. ¹⁰ Zisyala kuzwa kumulumbo womumena ziyozulilwa kuli Aloni abana bakwe. Cilasalalisya ku Mwami kuzwa kumilumbo kusika ku Mwami upangidwe omulilo. ¹¹ Takwe mulumbo womumena ngomupa ku Mwami welede kupangwa a mumena, kambo tamwelede kutenta a liveni, na kufumbwa buci, mbuli mulumbo upangidwe kwindilila mumulilo ku mwami. ¹² Muyozipa ku Mwami mbuli mulumbo wa micelo yukusanguna, pele taziyobelesigwi kugwisya kununkilila kubotu acipaililo. Mwelede kubika mumena o mumena wense o sautu. ¹³ Tamwelede kuzumizya sautu wecizuminano ca Leza wenu kutanojanika kuzwa kumulumbo wenu womumena. Emilumbo yense mwelede kupa sautu. ¹⁴ Na mwapa mulumbo womumena yemicelo yokusaanguna kumwami, amupe mumena mutete uyokidwe o mulilo ponya kaupwaidwe kuba busu. ¹⁵ Mponya mwelede kubika mafuta otununkilizyo alinguwo. Oyu mulumbo womumena. ¹⁶ Mponya mupaizi uyotenta umwi mumena upwaidwe amafuta otununkilizyo mbuli mulumbo mwiminizi. Oyu mulumbo upangidwe o mulilo ku mwami.