¹ Leza wakamba onse aya majwi: ² ''Ndime Leza wako, wakakugwisya musici ca Ijipiti omun'nda yobuzike. ³ Mutabi aba leza bambi kwinda mebo. ⁴ Utalipangili cisyanikisyo cibezidwe nanga cimwi cintu cili kujulu, nanga cili munyika ansi, na cili kunsi amanzi. ⁵ Utazifungamini naga kuzikomba, kambo mebo ndili Mwami Leza wako, ndime Leza simunyono. Ndilasubula besiku basizibi kwindila mukweta cisubulo amitwe yabana babo mane kusika inzyalani yako bandisulide. ⁶ Pele ndilatondezya luzyalo kuzyulu zyabo bandiyanda okubamba malayilile angu. ⁷ Utaubiubi izina lyo Mwami wako, kambo mebo ndiyomipa cisubulo uyo uyoubyaubya izina lyangu. ⁸ Mubambe buzuba bwe nsabata, mubusalazye. ⁹ Welede kubeleka okumana misebezi yako yonse mumazuba ali musanu akamwi. ¹⁰ Pele buzuba bwamusanu obili mbuzuba bwe nsabata bwa Mwami Leza wako. Muli utabi nobeleka misebezi, na mwana ako musyimani, musimbi, na muzike wako mwalumi,naba muzike wako mwanakazi, nanga mwenzu ukede kuli yebo. ¹¹ Kambo mubuzuba buli musanu obomwi Mwami wakalenga julu enyika, alwizi, ezintu, zyense zili mumo, pele mubuzuba bwasanu abili wakapumula. ¹² Lemeka bauso abanyoko, kuti mazuba ako avule munyika Mwami Leza wako ngakupa. ¹³ Utajayi uli onse. ¹⁴ Utaciti bumambe. ¹⁵ Utabidi umwi. Uta bejelekezi mubambwa nyoko. ¹⁶ Utanyonyokeli n'anda yomwezinyoko; ¹⁷ utanyonokeli mwanakazi wo mwezinyoko, naba muzike wakwe mwalumi, naba muzike wakwe mwanakazi , naba mupulu wakwe, niba mbongolo yakwe, kufumbwa ncajesi mwezinyoko. ¹⁸ Ino bantu bense bakabona muzuzumina otulabi, okuzwa jwi lye mpeta, okubona cilundu kacisuka busi. Bantu nibakacibona, bakayowa oku zyangamana kwimina kule. ¹⁹ Bakambila Mozesi,'' twambile,tulaswilizya; pele utaleki Leza kuti atwambwede tulafwa.'' ²⁰ Mozesi wakati kubantu,''mutayowi,kambo Leza wasika kucita kuti bulemu bwakwe bube mulinyebo ukucita kuti mutabisi.'' ²¹ Mpawo bantu baivwi ale, pele Mozesi wakaswena afwifwi kumudima isiya kwabede Leza. ²² Mwami wakambila Mozesi,'' momumo bwelede kwambila ba Isilayili:'mulibwene nyebo kuti ndambalo ayibo kuzwa kujulu. ²³ Tamuyoli pangili tuleza tumbi kuti mubelanisye amibo, baleza bansiliva niba ba leza bengolide. ²⁴ Mwelede kundibambila cipaililo cabulongo, mupailile mpawo zipaizo zyokutente, zipaizyo zyokubungana. Imbelele zyenu en'ombe zyenu. Kufumbwakubusena kundacita kuti zina lyangu lilemekwe, ndiyoza ukomuleleka. ²⁵ Kuti mwandiyakila cipaililo camabwe, mutayasi mabwe abezidwe, mwabelesye zibalesyo zyenu muyocisofwazya. ²⁶ Tamwelede kupanga cipaililo cala matatilo, kucita kuti cikuna cenu citabomwi.''