¹ Mumwezi watatu , bana ba Isilayili bakazwa mucisi ca Ijipiti, mubuzuba mbonyina, bakasika mukanda ya Sinai. ² Nibakazwa ku Lefidimu okuza kunkanda ya Sinai, okuyaka zizole zyabo oku kanda kunembo lyecilundu. ³ Mozesi wakatanta kwabede Leza. Mwami wakamwita kuzwa kucilundu wakamba kuti,'' ulukede kwambila buzubo lwa Jakobo, bana Isilayili: ⁴ Mwakabona cindakacita bana Ijipiti, mbundaka munyamuna amababa anywanyi okumweta kulimebo. ⁵ Ino ponyina, na masimpe mwazumina kiswilizwa ijwi lyangu okubamba cizuminano cangu, mponyina muyoba bayandwa mumeso angu kwinda bantu bense; kambo nyika yonse njiyangu. ⁶ Muyoba cisi ca bapaizi, ecisi cisalala kuli mebo. Ngamajwi ngomwelede kwambila bana Isilayili.'' ⁷ Mponya Mozesi wakakwita ba pati babantu. ⁸ Bense bantu nakataba antomwi okwamba kuti,'' utaciti zyense zyamba Mwami.'' Mponyina Mozesi wakaza kuzo mwambila Mwami majwi ngibakamwambila bantu. ⁹ Mwami wakambila Mozesi, ndilaza kulinyebo mujoba ndemu kuti bantu baswilizye neyambola anyibo, kuti bakusyome cindi conse.'' mponyina Mozesi wakamba majwi abantu ku Mwami. ¹⁰ Mwami wakambali Mozesi, '' koya kubantu. Sunu a junza welede kubasalazya kuli mebo, ubasazisye ezizwato zyabo. ¹¹ Mulibambile buzuba bwatatu, kambo mubuzuba bwatatu Mwami ulaza ansi kucilundu ca Sinai. ¹² Ino welede kubika mukano konse ku cilundu ku bantu. Ubambile,' bacejelele kuti batatanti acilundu olo kujata amukano. Kufumbwa utajate cilundu masimpe ulafwa. ¹³ Takwe janza lyomuntu lilukede kumujata. Kwinda kuti, uyofuswa mabwe na kudubulwa. Naba munyama cindi cilamfu, bayoza munsi ecilundu. ¹⁴ Mponya Mozesi wakaseluka acilundu kwinka ku bantu. Wakabasalazya bantu ku Mwami mponyina bakasazya zizwato zyabo. ¹⁵ Wakati kubantu,'' mulibambile mubuzuba bwatatu; tamulukede kuswena afwi abanakazi benu.'' ¹⁶ Mubuzuba bwatatu, nikwacili kuseni, kwali muzuzumo otulabi ajoba idemu atala ecilundu, ape kwakalila mpeta yobukali, mane bantu bense muzijole bakazyangamana. ¹⁷ Mozesi waketa bantu kuti bazwe muzijole bazoswanane o Leza. Mponyina bakaima munsi ecilundu. ¹⁸ Cilundu ca Sinai conse cazwide busi akambo Mwamiwakaselukila mpapo mumulilo obusi. Busi bwali kulundumuka mbuli busi bomusumpululu, cilundu cense cali kuzyungana cobukali. ¹⁹ Awo muzuzumo we mpeta niwakaindilizya kulila Mozesi wakambola, mponyina Leza wakamutaba mujwi lyakwe. ²⁰ Mwami wakaza acilundu ca Sinai atala ecilundu, mponya wakaita Mozesi kutala. Mponyina Mozesi wakatanta atala ecilun du. ²¹ Mwami wakati kuli Mozesi,'' seluka ubacenjezye bantu; buyo buyo ninga balisongelezya kusala inzila ya Mwami , bunji bwabo balakozya kufwa. ²² Ambabo bapaizi baza afwifwi amebo balisalazye, balibabile kuza kwangu kucita kuti nditabatatamuki.'' ²³ Mozesi wakambila Mwami,'' bantu tabakonzi kutata acilundu ca Sinai, kambo wakatulayilila: kuti tubike amukano acilundu mponya mucisalazye ku Mwami.'' ²⁴ Mwami wakamwambila kuti koya, seluka, ukete Aloni. Kono utaketi bapaizi abantu kuti baze kumwami,kuti ataba ozomokeli. ²⁵ Mponya Mozesi wakaseluka okuyoambila bantu