¹ Ekuseni ngeluvivi elangeni lekucala kweliviki, beta ethuneni, baletsa emakha labebawalungisile. ² Bakhandza litje ligincitiwe ethuneni. ³ Bangena, abasikhandzanga sidvumbu seNkhosi Jesu. ⁴ Kwenteka kutsi, basadidekile ngaloku, masinyane, emadvodza lamabili ema eceleni kwabo netingubo letimanyatelako. ⁵ Labesifazane basagcwele kwesaba babheka phansi ngebuso emhlabatsini, batsi kulabesifazane, ''' Nimfunelani lophilako kulabafile? ⁶ Akekho lapha, kodvwa uvukile! Khumbula kutsi wakhuluma kanjani nani ngesikhatsi ase Galile, ⁷ atsi Indvondzana yeMuntfu kumele ikhululwe etandleni tetoni bese uyabetselwa, elangeni lesitsatfu bese uyavuka.'' ⁸ Lobesifazane bawakhumbula lamagama aKhe ⁹ base bayesuka ethuneni batjela labalishumi nakunye kanye nalalabanye tonkhe letintfo. ¹⁰ Mariya Magdalene, Jowana, Mariya make wa Jakobe, nalalabanye besifazane bakubika loku kuba Phostoli. ¹¹ Kodvwa lomlayeto wabukeka ungasho lutfo kuba Phostoli, abatange babakholwe labesifazane. ¹² Kodvwa Phetro wavuka waya ethuneni, wegobondzela wabuka, wabona tindvwangu telineni titodvwa. Phetro wahamba waya ekhaya lakhe, amangele kutsi kwentekeni. ^{13 14} Bheka, lababili bebahamba ngalelo langa baya edolobheni lekutsiwa yi Emmawuse, lebeyilibanga lemastadiyu langemashumi lasitfupha kusuka eJerusalema. Bakhulumisana ngato tonkhe letintfo lebetentekile. ¹⁵ Kwenteka kutsi, basakhulumisana futsi babutana kanyekanye, Jesu cobo lwakhe wasondzela wahamba nabo. ¹⁶ Kodvwa emehlo abo akakhona kumbona kutsi ungubani. ¹⁷ Jesu watsi kubo, ''Nikhuluma ngani nine nobabili nisahamba?'' Bema lapho babukeka bakhatsatekile. ¹⁸ Munye wabo lokungu Cleopas, wamphendvula watsi,''Nguwe wedvwa yini eJerusalema longati ngetintfo letentekile lapha kulamalanga?'' ¹⁹ Jesu watsi kubo, ''Tiphi tintfo?'' Bamphendvula batsi, ''Letintfo letikhulunywa nga Jesu uMnaziri, lebekangu phrofethi, enta timangaliso letinkhulu nelivi phambi kwaNkulunkulu nabo bonkhe bantfu, ²⁰ nekutsi baphristi labakhulu nebabusi bamnikela kuze abulawe base bayambetsela. ²¹ Kodvwa besetsemba kutsi kuyakuba nguye loyakuhlenga Israyeli. Yebo, yini lokunye lokungetelelekile, leli lilanga lesitsatfu solo letintfo tenteka. ²² Kodvwa lokunye, labanye besifazane emkhambatsini wetfu basimangalisa, sebabuya ethuneni ekuseni. ²³ Nabangasitfoli sidvumbu saJesu , beta, batsi nabo bawubonile umbono wetingilosi letatsi uvukile. ²⁴ Lamanye emadvodza labekanye natsi aya ethuneni, balikhandza njengobe bashito labesifazane. Kodvwa abambonanga.'' ²⁵ Jesu watsi kubo, ''Nine madvodza lalibele naleninenhlitiyo lengakholwa kuko konkhe loku ba phrofethi labakukhuluma ²⁶ Bekungakafaneli kutsi Kristu ahluphekele tonkhe letintfo, kuze angene enkhatimulweni?'' ²⁷ Kusukela ku Mosi nabo bonkhe baPhrophethi, Jesu wakuhumusha kubo konkhe lokuphatselene naYe kuyo yonkhe imibhalo. ²⁸ Basasondzela kulamakhaya labebeya kuwo, Jesu wenta shangatsi uchubekela embili . ²⁹ Kodvwa bamncenga, batsi, '' Hlala natsi, sekuhlwile nelilanga selishonile.'' Ngako Jesu wangena wahlala nabo. ³⁰ Kwenteka kutsi, nasahleti nabo kutsi badle, watsatsa sinkwa, wasibusisa, wasihlephula, wabanika. ³¹ Emehlo abo avuleka, bamati, wase uyanyamalala emehlweni wabo. ³² Batsi lomunye kulomunye, ''tinhlitiyo tenu betingavutsi yini, nasakhuluma natsi endleleni, asivulela imibhalo?'' ³³ Bavuka kulelo hora base babuyela eJerusalema. Bakhandza labalishumi nakunye bahlangene nalabo bebanabo, ³⁴ batsi, '' Inkhosi ivukile, utibonakalisile ku Simoni.'' ³⁵ Bakhuluma ngaletintfo letenteka endleleni, nendlela Jesu labakhombise yona ekuhlephuleni sinkhwa. ³⁶ Basakhuluma ngaletintfo, Jesu wema emkhatsisini wabo, watsi kubo, ''Kuthula akube nani,'' ³⁷ Bamangala bagcwala kwesaba, bacabanga kutsi babone sipoko. ³⁸ Jesu watsi kubo, nikhatsateke leni? Yini imibuto ivuke etinhlitiyweni tenu? ³⁹ Bukani tandla tami kanye netinyawo, loku ngimi cobo lwami. Ngitsintseni bese niyabuka. Sipoko site inyama nematsambo, njengobe nginako.'' ⁴⁰ Asakushito loko, wabakhombisa tandla netinyawo. ⁴¹ Abazange bakukholwe ngenca yenjabulo, base bayamangala, Jesu watsi kubo, ''ninako yini leningakudla?'' ⁴² Bamnika licetu lenhlanti letfosiwe, ⁴³ wayitsatsa wayidla phambi kwabo. ⁴⁴ Watsi kubo, ''ngisenani, nganitjela kutsi konkhe lokubhalwe emtsetfweni waMosi neba Phrophethi neMahubo kumele agcwaliseke. ⁴⁵ Wase uvula tingcondvo tabo, kuze bacondze imibhalo. ⁴⁶ Watsi kubo, ''Kubhaliwe, kutsi Kristu kumele ahlushwe bese uyavuka ekufeni elangeni lesitsatfu. ⁴⁷ Kuphendvuka nekutsetselelwa kwetono kumele kushumayelwe ngelibito lakhe kuto tonkhe tive, kucala eJerusalema. ⁴⁸ Nibofakazi ngaletintfo. ⁴⁹ Bheka, nginitfumela loko Babe lakwetsembisile. Kodvwa hlalani kulelidolobha nize nembhatsiswe emandla labuya ngetulu,'' ⁵⁰ Jesu wabahola baze bafike ngase Bethany. Waphakamisa tandla taKhe wababusisa. ⁵¹ Kwenteka kutsi, asababusisa, wabashiya wase uyatsatfwa uya ezulwini. ⁵² Bamdvumisa babuyela eJerusalema ngenjabulo. ⁵³ Bachubeka base thempelini, babusisa Nkulunkulu,