¹ Wonkhe lomkhambatsi wamvukela base baletsa Jesu embikwa Pilatu. ² Bacala bamelana naye, batsi, ''Sikhandze lendvodza yedukisa sive sakitsi, Avimbela kukhishwa kwetimfanelo takhesari, aphindze atsi yena ngu Kristu, Inkhosi." ³ Pilatu wambuta, atsi, ''Wena uyiNkhosi yemaJuda?''Jesu wamphendvula watsi, ''Usho njalo.'' ⁴ Pilatu watsi kumpristi lomkhulu nasesicukwini, ''angitfoli cala kulendvodza.'' ⁵ Kodvwa bachubeka nekukhuluma, batsi, ''Uyabakhohlisa bantfu, afundzisa lonkhe lase Judiya, kucala eGalile kuze kube kulendzawo.'' ⁶ Uma Pilatu akuva loko, wabuta kutsi lendvodza ngabe ingumGalile. ⁷ Nakakubona loko kutsi abengephansi kwemandla a Herodi, watfumela Jesu ku Herodi, lobekaseJerusalema naye kuleso sikhatsi. ⁸ Uma Herodi abona Jesu, watfokota, ngobe kwase kusikhatsi lesidze afisa kumbona. Abevile ngaye waphindze waba nelitsemba lekubona tibonakaliso letentiwa nguye. ⁹ Herod wabuta Jesu emagama lamanyenti, kodvwa Jesu akaphendvulanga lutfo. ¹⁰ Bapristi labakhulu netati mtsetfo basukuma, bambeka emacala ngekumhlukumeta. ¹¹ Herodi nemasotja akhe etfuka Jesu base bahlekisa ngaye. Base bamgcokisa timphahla letinhle base bamtfumela ku Pilatu. ¹² Herodi na Pilatu kwasekubangani kulelo langa, kantsi ngaphambi kwaloko babetitsa lomunye nalomunye. ¹³ Pilatu wase ubita kanye kanye bapristi labakhulu nebabusi nesicuku lebantfu ¹⁴ watsi kubo, ''Niletse kimi lendvodza njengemuntfu loholela bantfu etentweni letimbi, bonani ke, Mine, sengimbutile phambi kwenu, angitfoli cala ngalendvodza ngetintfo lenimelene ngaye ngato. ¹⁵ Cha, ngisho naHerodi, umtfumele emuva kitsi, niyabona ke, kute lokufanele kufa lokwentiwe nguye. ¹⁶ Nitamjezisa bese ngiyamkhulula.''( ¹⁷ Njalo nje ngesikhatsi semkhosi Philatu bekufanele akhulule sinye setiboshwa.) ¹⁸ Kodvwa bakhala bonkhe kanye kanye, batsi, ''Khohlwani ngalomuntfu, sikhululeleni Bharaba!'' ¹⁹ Bharaba bekuyindvodza lobekafakwe ejele ngenca yekususa budlwangudlwangu edolobheni nekubulala. ^{20 21 22} Philatu wakhuluma nabo futsi, afisa kukhulula Jesu. Kodvwa bamemeta, batsi, ''Mbetsele, mbetsele.'' Wakusho loku kwesitsatfu, ''Leni, yini bubi lebentile lendvodza? Kute licala lengilikhandzako lelingabekwa kulendvodza.Emvakwekuba asajezisiwe, ngitamkhulula.'' ²³ Kodwa bachubeka nekumemeta ngemavi lamakhulu, baphocelela kutsi abetselwe. Emaphimbo abo amenta Philathu wagucula ingcondvo, ²⁴ Ngako Philathu wamcuma kwenta loko labakufunako. ²⁵ Wamkhulula loyo bebamcelile lobekafakwe ejele ngebudlwangudlwangu nangekubulala. Wabanika Jesu njengekwentsandvo yabo. ²⁶ Basahamba naYe, ngendluzula babamba Simoni wase Khurene, abuya emaphandleni, bametfwesa siphambano kutsi asetfwale, alandzele Jesu. ²⁸ Sicuku lesikhulu sebantfu, nebesifazane lababekhala bamlilela, bamlandzela. ²⁷ agucukela kubo, Jesu watsi, ''Madvodzakati ase Jerusalema, ningangikhaleli, tikhaleleni nine nebantfwana benu. ²⁹ Ngobe bukani, emalanga ayeta lapho batawutsi khona, 'Babusisiwe labatinyumba netibeletfo letingazange tikhulelwe namabele langazane amunyisa,' ³⁰ Bayakucala basho batsi kulentsaba, 'Wela kitsi,' emagcumeni, ' sembonye.' ³¹ Uma benta letintfo sihlahla siseluhlata, kutawentekani uma sesomile?'' ³² Lamanye emadvodza, tigelekece letimbili, batichuba kanye naye kute tibulawe. ³³ Nabefika endzaweni lekutsiwa '' Sikobho,'' lapho bambetsela naletigelekece-lomunye ngesekudla nalomunye ngesencele. ³⁴ Jesu watsi, ''Babe, batsetselele, ngobe abakwati labakwentako.'' Base bashaya inkatho, behlukanisa tingubo takhe. ³⁵ Bantfu bema babukela netiphatsimandla nato timedzelela, batsi, Wabasindzisa labanye. Akatisindzise naye, uma angu Kristu waNkulunkulu, lokhetsiwe,'' ³⁶ Emasotja nawo ahlekisa ngaye, eta kuye, amnika i viniga, ³⁷ atsi, '' Uma uyiNkhosi yema Juda, tisindzise wena.'' ³⁸ Kwakukhona nesatiso etikwakhe, '' Lena yiNkhosi yema Juda.'' ³⁹ Lesinye setigelekece lebesilenga lapho sametfuka satsi, ''Awusiye yini Kristu? Tisindzise wena kanye natsi.'' ⁴⁰ Kodvwa lelesinye sakhuluma emagama, satsi, ''Awumesabi yini Nkulunkulu, njengobe sibekwe licala linye? ⁴¹ Silapha ngekulunga, semukela lokusifanele ngenca yemisebenti yetfu. Kodvwa lendvodza ayikenti lutfo lolubi.'' ⁴³ Wase utsi, ''Jesu, ngikhumbule nawufika embusweni wakho.''' ⁴² Jesu watsi kuye, '' Ngicinisile ngitsi kuwe, lamuhla utawuba nami eparadise.'' ⁴⁵ Kwase kulihora lesitfupha, kwase kuba mnyama emhlabeni wonkhe kwaze kwaba yinsimbi yemfica ⁴⁴ njengobe lilanga lehluleka kukhanyisa. Sihenco selithempeli sadzabuka ekhatsi sehlukaniseka kabili. ⁴⁶ Ngeliphimbo lelikhulu, Jesu watsi, ''Babe, etandleni takho ngiyawubeka emoya wami.'' Asakushito loko, wafa. ⁴⁷ Uma indvuna yelikhulu ikubona lokwentekile, yadvumisa Nkulunkulu, yatsi,'' impela abeyindvodza lelungile.'' ⁴⁸ LApho sonkhe sicuku sesite ndzawonye sitofakaza ngaletinfo letentekile, bajika bashaya emabele. ⁴⁹ Kodvwa labo bebamati, nalaba besifazane bebamlandzela kusukela eGalile, bema khashane, babuka letintfo. ⁵⁰ Bheka, kunendvodza lebekutsiwa ngu Josefa, labelilunga letiphatsimandla. Abekahle futsi ayindvodza lelungile. ⁵¹ Lendvodza yayingavumelananga nesincumo setiphatsimandla netento tabo. Abewekubuya edolobheni laseJudiya lekuyiArimathiya, abefuna umbuso waNkulunkulu. ⁵² Lendvodza, nayifika ku Philatu, wacela umtimba wa Jesu. ⁵³ Wawehlisela phansi, wawugoca ngendvwangu yelineni, wayibeka ethuneni lebelicoshwe etjeni, lapho kwakute lowake wangcwatjwa khona. ⁵⁴ Kwasekulinga lekulungiselela, nelisabatha laselisondzele. ⁵⁵ Labesifazane labeta naJesu baphuma eGalile bamlandzela babona lithuna nekutsi umtimba wakhe ungcwatjwe kanjani. ⁵⁶ Babuyela emuva balungisa emakha nekwekugcobisa. Ngelilanga le Sabatha baphumula njengekusho kwemtsetfo.