¹ Elihu anapitiliza kunena kuti, ² "Ndiloleni ndilankhule kwa kanthawi kochepa, ndikuwonetsani zinthu zina chifukwa ndili ndi zambiri zoti ndinene poteteza Mulungu. ³ Ndidzazindikira kuchokera kutali, ndidzazindikira kuti chilungamo ndi cha kwa Mlengi wanga. ⁴ Pakuti mawu anga sadzakhala onama; wina wokhwima mchidziwitso ali nanu. ⁵ Onani, Mulungu ndi wamphamvu, ndipo sapeputsa aliyense; Ngwamphamvu zopambana zakuzindikira. ⁶ Sasunga moyo wa anthu oyipa koma m'malo mwake amachita zabwino kwa iwo omwe akuvutika. ⁷ Samachotsa maso ake kwa olungama koma m'malo mwake amawayika pampando wachifumu ngati mafumu kwamuyaya, ndipo amakwezedwa. ⁸ Ngati amangidwa maunyolo ndikumangirizidwa mu zingwe zowawa, ⁹ ndiye amawawululira zomwe adachita, zolakwa zawo ndi kunyada kwawo. ¹⁰ Amatseguliranso makutu awo kumachitidwe ake, ndikuwalamula kuti atembenuke kusiya zoipa. ¹¹ Ngati amumvera ndi kum'pembedza, adzakhala masiku awo mosangalala, ndi zaka zawo mokhutira. ¹² Komabe, ngati samvera, adzawonongeka ndi lupanga; adzafa chifukwa alibe chidziwitso. ¹³ Anthu osapembedza amasunga mkwiyo wawo; Sapempha thandizo ngakhale Mulungu awamange. ¹⁴ Iwo adzafa ali anyamata; miyoyo yawo imathera pakati pa achiwerewere achipembedzo. ¹⁵ Mulungu amapulumutsa wozunzika ndi masautso awo; amatsegula makutu awo kupondereza kwawo. ¹⁶ Inde, akufuna kukutulutsani m'masautso kupita kumalo opanda mavuto, komanso patebulo panu podzaza ndi mafuta. ¹⁷ Koma inu mwadzazidwa ndi chiweruzo kwa anthu oyipa; chiweruzo ndi chilungamo zakugwerani. ¹⁸ Musalole mkwiyo wanu kukusokonezeni kuti ukunyozeni, kapena kukula kwa dipo kuti akupatutseni. ¹⁹ Kodi chuma chanu chingakupindulitseni, kuti musakhale m'mavuto, kapena kodi mphamvu zanu zonse zingakuthandizeni? ²⁰ Musakonde usiku, kuti muchimwire ena, pamene anthu akudulidwa m'malo mwawo. ²¹ Samalani kuti musatembenukire kuchimo chifukwa mukuyesedwa ndi mavuto kuti mupewe kuchimwa. ²² Taonani, Mulungu ali wokwezeka ndi mphamvu yake; ndani mphunzitsi ngati iye? ²³ Ndani adamulangiza za njira yake? Ndani angamuuze kuti, 'Wachita zosalungama?' ²⁴ Kumbukirani kuyamika ntchito zake, zomwe anthu adayimba. ²⁵ Anthu onse adaziwona izi, koma amangowona kutali. ²⁶ Onani, Mulungu ndi wamkulu, koma ife sitikumumvetsa iye; Zaka zake ndi zambiri. ²⁷ Pakuti iye amakoka madontho a madzi amene amawasandutsa mvula kuchokera ku nthunzi yake, ²⁸ imene mitambo imagwetsa ndi kutsanulira zochuluka pa anthu. ²⁹ Zowonadi, kodi pali amene angamvetsetse kufalikira kwa mitambo ndi bingu kuchokera kuchinyumba chake? ³⁰ Taonani, ayala ndi mphezi pakamwa pake, Naphimba mizu ya nyanja. ³¹ Potero amaweruza anthu, napereka chakudya chochuluka. ³² Amadzaza manja ake ndi mphezi mpaka atawalamula kuti amenye. ³³ Bingu lake limachenjeza za mkuntho, ng'ombe zimamvanso kuti zikubwera.