¹ Elihu anapitiriza kulankhula kuti: ² “Tamverani mawu anga, anzeru inu, ndimvereni, inu akudziwa. ³ Pakuti khutu liyesa mawu, monga m'kamwa mulawa kulawa. ⁴ Tiyeni tisankhe tokha chomwe chiri cholungama: tizindikire pakati pathu chomwe chili chabwino. ⁵ Pakuti Yobu anati, 'Ine ndine wolungama, koma Mulungu wandilanda. ⁶ Kaya ndili ndi ufulu wotani, ndimaonedwa kuti ndine wabodza. Chilonda changa sichitha, ngakhale ndilibe uchimo. ' ⁷ Ndi munthu uti amene angafanane ndi Yobu, amene amamwa zopanda pake ngati madzi, ⁸ amene amayenda m thegulu la anthu ochita zoyipa, ndipo amayenda ndi anthu oyipa? ⁹ Pakuti iye anati, 'Sizothandiza kwa munthu kusangalala ndi zinthu zimene Mulungu amafuna.' ¹⁰ Chifukwa chake, ndimvereni, inu anzeru: kuti kutari ndi Mulungu kuchita zoyipa; kukhale kutali ndi Wamphamvuyonse kuchita tchimo. ¹¹ Pakuti amabwezera ntchito ya munthu; amachititsa munthu aliyense kubwezera mphotho ya njira zake. ¹² Ndithudi, Mulungu sachita choipa chilichonse, ndipo Wamphamvuyonse sapotoza chiweruzo. ¹³ Ndani anamuika woyang'anira dziko lapansi? Ndani adaika dziko lonse pansi pake? ¹⁴ Ngati angakhazikitse zolinga zake pa iye yekha, ndipo ngati angabwezeretse kwa iye mzimu wake ndi mpweya wake, ¹⁵ pamenepo anthu onse adzawonongeka pamodzi; anthu adzabwerera kufumbi. ¹⁶ Ngati tsopano muli ndi chidziwitso, mverani ichi; mverani mawu anga. ¹⁷ Kodi amene amadana ndi chilungamo angalamulire? Kodi muweruza Mulungu, wolungama ndi wamphamvu? ¹⁸ Mulungu amene amati kwa mfumu, 'Inu ndinu oipa,' kapena amene munena kwa anthu olemekezeka kuti, 'Ndinu oipa'? ¹⁹ Mulungu, amene samakondera atsogoleri ndipo salemekeza anthu olemera kuposa osauka, chifukwa onse ndi ntchito ya manja ake. ²⁰ Adzafa m'kamphindi, pakati pausiku anthu adzagwedezeka, nachoka; anthu amphamvu adzatengedwa, koma osati ndi manja a munthu. ²¹ Pakuti maso a Mulungu amayang'ana njira za munthu; amapenya mayendedwe ake onse. ²² Palibe mdima, kapena mdima wandiweyani kumene ochita zosalungama angabisalire. ²³ Pakuti Mulungu safunikiranso kusanthula munthu; palibe chifukwa choti munthu aliyense apite kukamuweruza. ²⁴ Amaphwanyaphwanya amuna amphamvu chifukwa cha njira zawo zosafunikira kufufuzidwa; amaika ena m'malo awo. ²⁵ Mwa ichi akudziwa zochita zawo; agwetsa anthuwa usiku; awonongedwa. ²⁶ Poyera ena, amawapha chifukwa cha zoyipa zawo ngati zigawenga ²⁷ chifukwa adasiya kumutsata ndikukana kuvomereza njira zake zonse. ²⁸ Mwanjira iyi, adafuulira kulira kwa anthu osauka kudza kwa iye; anamva kulira kwa anthu ovutika. ²⁹ Akangokhala chete, ndani angamuweruze? Ngati abisa nkhope yake, ndani angamuzindikire? Iye amalamulira pa dziko ndi anthu ena, ³⁰ kuti munthu wosapembedza asalamulire, kuti pasakhale wina wokopa anthu. ³¹ Munthu wina akauza Mulungu kuti, 'Ine ndachimwa, koma sindichimwanso; ³² ndiphunzitseni zomwe sindingathe kuziona; Ndachita tchimo, koma sindidzachitanso. ' ³³ Kodi mukuganiza kuti Mulungu adzalanga tchimo la munthu ameneyo, popeza simukukonda zomwe Mulungu amachita? Muyenera kusankha, osati ine. Chifukwa chake nenani zomwe mukudziwa. ³⁴ Anthu anzeru adzanena ndi ine, inde, yense wanzeru wondimva Ine adzati, ³⁵ Yobu alankhula osadziwa; Mawu ake alibe nzeru. ' ³⁶ Zikanakhala kuti Yobu anaimbidwa mlandu ngakhale pa nkhani zazing’ono za mlandu wake chifukwa cholankhula ngati anthu oipa. ³⁷ Pakuti akuwonjezera kupanduka pa tchimo lake; akuwomba m'manja potonza pakati pathu; Akuunjika mawu otsutsana ndi Mulungu. "