¹ Yobu anapitilia kukamba na kuti, ² "O, iyo nenzeli monga mwamene nezeli mu miyezi yapita ³ pamene Mulungu ananisamalila, pamene nyale yake inayaka pamutu panga, na pamene ninayenda mumdima na kubala kwake. ⁴ O, iyo nenzeli pamene nenzeli mu masiku yanga yabwino pamene unzatu na Mulungu wenzeli pa hema yanga, ⁵ Pamene Wampamvu enze na ine, na bana banga benzeli na ine, ⁶ pamene njila zanga zenzeli zovinikiliwa na mafuta ya mukaka, na myala yananitilila misinje ya mafuta! ⁷ Pamene ninayenga pongela pa muzinda, pamene ninkala pansi pakati pa muzinda, ⁸ bamuna bang'ono bananiona nakupitila kumbali mwa ulemu, na bokalamba baninyamukila na kuniimililila. ⁹ Bana ba mfumu bakazi banali kuzilesa kukamba ngati nabwela; benzeli kufaka mnja yao pakamwa. ¹⁰ Mau ya muntu wakalidwe yabwino yanali kunkala cete, na malilime yao yenzeli kugwililila kumwamba kwa kamwa yao. ¹¹ Pakuti pamene matu yao yananimvela, bananidalisa; pamene menso yao yananiona, bananipelekela umboni na kunivomeleza ¹² cifukwa ninapulumusa wamene enzeli wosauka pamene analila, na wamene enzelibe batate pamene ninamutandiza. ¹³ Daliso ya uja wamene enzeli kufunika kuonongekainabwela kuli ine; ninalengesa mutima wa ofewa kuimba kwa cikondwelelo. ¹⁴ Nimavala cilungamo, ndipo cimanivala; ciweluzo canga cili monga nicovala kapena covala camene cimangiwa kumutu. ¹⁵ Nezeli menso kuli bantu bosayangana. ¹⁶ Nenzeli tate wa bantu bosauka; ninaonesesa ngakale mulandu wa muntu wamene siniziba. ¹⁷ Ninapwanya kagama ka bantu bosalungama; nakucosa bogwiliwa pakati pa meno yake. ¹⁸ ndipo ninakamba kuti, 'nizafa mogona mwanga; nizapakisa masiku yanga monga micanga. ¹⁹ Mizhyu yanga nayenda mpaka ku manzi, na mame usiku wonse yamankala pa misambo yanga. ²⁰ Ntawi zonse ulemu muli ine umankala wamanje, na colasila ca mpamvu zanga ntawi zonse cimankala ca manje.' ²¹ bantu bamanimvelela; bamaniyembekeza; bamankala cete kumvelela cilimbikiso canga. ²² Mau yanga yakasila, sibamakamba futi; mau banga bamagwa monga ni manzi pali beve. ²³ Bamaniyembekeza ntawi zonse monga mwamene bamayembekela mvula; bamasegula maningi kukamwa kwao kuti bamwe mau banga, monga mwamene bamacitila kuli mvula yosilizila. ²⁴ Nimasekelela pamene sibayembekeza; sibanakane kutuba kwa pamenso kwanga. ²⁵ Ninasanka njila zao nakunkala monga mfumu wao; ninankala monga mfumu pa asilikali bake, monga wamene atontoza bolila.