¹ Teto Pilato etola Yesu nomnyata. ² Asilikali etunga cisoti ca minga. beciika kumuti kwa Yesu nomuvwala covwala ca pepo. ³ Bewela ,kwa eve nakuti, "Tikuoneni, fumu ya ayuda""ndipo bemunyata. ⁴ Lomba Pilato eluta soti panja nakuti kwa beve, "Langani, numuleta panja kwa mweo kuti muzibe kuti niliye mupeze cifukwa." ⁵ Teto Yesu efuma panja, wavwala cisoti ca minga na ovwala ca pepo. Pilato eciti kwa beve, "Langani, uy munhtu!" ⁶ Mwaici pibemuona Yesu akulu ansembe na madoda, Bekuuwa ngako nakuti, "mpanyikeni, mpanyikeni!" Pilato eciti kwa beve, "mtoleni mweo mukamupanyike, pakuti niliye mupeze cifukwa." ⁷ Ayuda emuyankha, "tili na lamulo, ndipo kulnga na lamulo ofunika kufwa cifukwa oziyesa mwana wa Mulungu." ⁸ Pilato pecimvwa makambidwe yao, enze yopa ngako, ⁹ Ndipo eloba soti mu lukulu la bomanakuti kwa Yesu, "Ufumila kuni?"Koma Yesu aliye muyankhe kanthu. ¹⁰ Lomba Pilato eciti kw eve, "mulabila lini na neo? Ko luziba lini kuti nili na mphamvu zokumasula na mphamvu zokupanyika?" ¹¹ Yesu emuyankha, "muliye ulamulilo pali neo kufumyako wekupasani kufuma kululu. Mwaici, eve enipeleka kwa mweo ana ucimo ukuleni." ¹² Pa yankho iyi, Pilato eyesesa kumumasula, koma ayuda ekuwilako, kuti, "ngati umasula munthu, uyu niwe muyake wa Kaisara. Aliyense ozipanga fumu osushana na Kaisara." ¹³ Pilato pecimvwa mau aba, efumya Yesu nakuyonkhala pa mpando wa ulamulilo woitiwa kuti, "Panja pa Myala." koma mu ciheberi, "Gabata." ¹⁴ Lomba yenze siku ya kukonzekela paska, yenze ola ya sikisi. Pilato eciti kwa ayuda, "langani, uyu fumu wanu!" ¹⁵ bekuwa, "kutali na eve, kutalina eve; mpanyikeni!" Pilato eciti kwa beve, Ko nipanyike fumu yanu?" Akulu ansembe beyankha, Tiliye fumu koma Kaisar." ¹⁶ Teto Pilato emupeleka Yesu kuti akpanyikiwe. ¹⁷ Ndipo bemtola Yesu, nakuya, nomnyamulila mtanda, ku malo woitiwa kuti, "Malo ba Bade," kyamene mu ciheberi otiwa kuti "Gologota." ¹⁸ Kula bemupanyika Yesu, pamozi naye analume ayakine abili, umozi ku mbali uku na muyakine uku, na Yesu pakati. ¹⁹ Pilato elemba soti cikwangwani na kuciika pa mtanda. Pala penze polembewa: YESU WAKU NAZALETI, FUMU YA ADUDA. ²⁰ Ayuda anyinji ebelenga cikwangwani cifukwa pamalo papanyikiwa Yesu penze pafupi na Mzinda. Cikwangwani cenzelembewa mu ciheberi, mu Latini na muci Giliki. ²¹ Teto akulu ansembe ba ayuda eciti kwa Pilato, "osalemba, 'fumu ya ayuda,' koma kuti, Uyu eciti, "Nine fumu ya ayuda." ²² Pilato eyankha, "cinalemba nalemba." ²³ Asilikali pemupanyika Yesu, betola vovwala vake, nakugabana pa folo, cimozi kwa aliyense; soti na covwala. Lomba covwala cenze cosatunga, eombewa mbali imozi kufuma palulu. ²⁴ Teto beciti, "tisaing'ambe, koma m'malo mwake ticite maele kuti yatiezhye kuti cibe cabani." Izi zecitika kuti malembo akwanilishike yakuti, "begana covwala cangu pakati pao nakucita maele pa vovwala vangu." Ici niye cibecita asilikali. ²⁵ Lomba pambali pa mtanda wa Yesu penze panama amai bake, akwao ba amai bake, Mariya mwanakazi wa Kleopa, na Mariya Magadalena. ²⁶ Yesu peciona amai bake na ophunzila wenzokonda ali peneme pafupi, ecicti kwa anyina, "Mwakazi, langa, mwana wako!" ²⁷ Ndipo eciti kwa ophunzila, Langa, amai bako!" kufuma apo ophunzila ebatola nakuya nawo ku ng'anda kwake. ²⁸ Kufuma izi, kuziba kuti zonse zasilizhyika nakuti malembo akwanilishike, Yesu eciti, "nina njota." ²⁹ Cigubu cozula na vinyu wosasa ceikiwa pala, teto beika cinkhupule cozula na vinyu wosasa pa ka hisope nakunyamula mululu kuika kukamwa kwake. ³⁰ Yesu pecimwa vinyu wosasa, eciti, "kwasila." Ezhhyolikisha mutu wake nakupele mzimu wake. ³¹ Teto ayuda, cifukwa yenze siku ya cikonzekelo, nakuti mibili yasankhale pa mtanda mpakana siku ya sabata (Pakuti sabata yenze ikulu yofunika), bepempha Pilato kuti athyole mendo yao na kubafumyapo. ³² Teto asilikali bewela nakuthyola mendo ya munthu woyamba na wacibili enze panyikiwa pamozi na Yesu. ³³ Pibefwika pali Yesu, beona kuti wafwa kale, teto baliye thyole mendo bake. ³⁴ Mwa ici, umozi wa asilikali emugwaza na mkondo ku mbambo, pamene apo magazi na manzi viyamba kufuma. ³⁵ Wala eona izi ecitila umboni, ndipo umboni wake ni cendi. Oziba kuti vecikamba nivacendi kuti mukhulupilile. ³⁶ Pakuti ivi vinthu vicika kuti mukhulupilile malembo, "Paliye nangu bonzo yake yethyolewa." ³⁷ Soti, malembo ayakine akuti, "Bakamuone eve wibegwaza." ³⁸ Kufuma ivi vinthu, Yosefe waku Arimateya, poti enze ophunzila wa Yesu (koma mwacisinsi oyopa ayuda), ekonsha Pilato kuti ngati angatole mubili wa Yesu. Pilato emupasa cilolezo. Teto Yosefe etola mubili wa Yesu nakuya. ³⁹ Nikodimo ewela soti, eve wala enzewela poyamba kwa Yesu usiku. Eleta vosakaniza va mure na aloe, monga muyeso wa handiledi malita. ⁴⁰ Teto betola mubili wa Yesu noukulunga mu nyula ya bafuta na zonunkhilisha, monga wenze mwambo wa ayuda ppooika mubili. ⁴¹ Lomba pa malo pecipanyikiwa penze pa dimba; ndipo mu dimba mwenze manda bakuti paliye munthu eikiwamo. ⁴² Cifukwa yenze siku ya cikonzekelo ca ayuda na cifukwa cakuti manda benze pafupi, bemika Yesu mwamene mwala.