¹ Yesu pelabila mau aba, efumapo na ophunzila bake kuya ku mbali iyakine ya cigwa ca Kedroni, kwamene kwenze dimba mwamene eve na ophunzila bake elobamo. ² Lomba Yudasi, amene akamupeleke, enzoziba soti malo ao, pakuti Yesu enzoyako kanyinji na ophunzila bake, ³ ndipo Yudasi posogolela gulu la asilikali na banthu kwa akulu ansembe na afalisi, eluta kwa la na nyale, vosanikila, na vida. ⁴ Mwa ici Yesu, enzoziba vinthu vonse venzocitika kwa eve, eluta pasogolo nakubakonsha, "musakila bani?" ⁵ Bemuyankha Yesu waku Nazareti." Yesu eciti kwa beve, "Ni neo." Yudasi, emupeleka, enzepanama na asilikali. ⁶ Teto pecilabila kwa beve, "ni neo," bewelela kuvula nopona pansi. ⁷ Ebankonsha soti, "musakila bani?" Soti beciti, "Yesu waku Nazareti." ⁸ Yesu eyankha, "nekuuzhyani kuti ni neo. Teto ngati mufuna neo, basiyeni aba." ⁹ Ici cenze teto kuti akwanilishe mau becikamba: "pa bala onse bimwenipasa, paliye winetaya." ¹⁰ Ndipo Simoni Petro, enze na cingwanja, ecifumya nonyata naco wanchito wa mkulu wa nsembe nomtenda kwatu yaku kwanja kwa kwendi. Lomba zina ya wanchito enze Malko. ¹¹ Yesu eciti kwa petro, "wezhya cingwanja cako mucunkhala. Ko nufunika lini kumwa mu kapu yamene yanipasa Atata?" ¹² Moteto gulu ya asilikali na mkulu wao, na madoda ya ayuda, bemkata Yesu nakumumanga. ¹³ Poyamba bemuthwala kwa Anasi, pakuti enze mpongozi wake wa Kayafa, enze mkulu wansembe caka ico. ¹⁴ Lommba Kayafa enze wala epasa malangizo ayuda kuti cilibwino kuti munthu umozi abafwile banthu. ¹⁵ Simoni Petro emukonkha Yesu, na ophunzila muyakine. Lomba ophunzila wala enze ozibika ku akulu ansembe, ndipo eloba pamozi na Yesu pa panja pa mkulu wa nsembe; ¹⁶ Koma Petro enze panama panja paciseko. Teto ophunzila muyakine, enze ozibika ku akulu ansembe, eluta nakuyolabila na msimbi enzosunga pamlyango, ndipo emulobesha Petro. ¹⁷ Ndipo wanchito mwakazi, wosunga pamlango, eciti kwa Petro, "Niwe lini 'mozi wa ophunzila ba uyu munthu?" eciti, "nine lini." ¹⁸ Lomba banchito na na madoda benze peneme pala, ndipo benze peneme, pamene apo bekwelezhya mulilo wa malasha, pakuti kwenze kozizila, ndipo benzo zifundisha. Petro enze nao pamozi, peneme pamene pala kuzifundisha. ¹⁹ Mkulu wa nse,be emkonsha Yesu pali ophunzila bake na ciphunziso cake. ²⁰ Yesu emuyankha, "Nelabila zomvwika ku calo ca pansi. Nenzo phunzisa mu ma sunagogo na muma kacisi mwamene ayuda onse okumanila. Palilye cinelabila cobisika. ²¹ Mwanikonshelanji? Konshani bala benimvwa pa cinelabila. Langani aba banthu oziba vinelabila." ²² Yesu pecilabila izi, umozi wa madodaemunyata Yesu na kuti, "niye muyankhi ankulu ba nsembe?" ²³ Yesu emuyankha, "ngati nalabila caipa, pelekela umboni koma ngati ni cacendi, uninyatilanji?" ²⁴ Teto Anasi emtumizhya womagiwa kwa Kayafa mkulu wa nsembe. ²⁵ Lomba Simoni Petro enze panama nozifundisha. Lomba banthu beciti kwa eve, "Niwe lini umozi wa ophunzila bake?" Ekana nakuti, "nine lini." ²⁶ Umozi wa banchito ba mkulu wa nsembe, enze mbululu wake wa wala enzetendewa kwatu na Petro, eciti, "Niliye kuone weo mu dimba na eve?" ²⁷ Ndipo Petro ekana soti; ndipo pamene apo kombwe elila. ²⁸ Ndipo bemupeleka Yesu kufuma kwa Kayafa kuya ku likulu la boma. Mwenze m'mamawa, nakuti baliye lobe mu likulu la boma kuti bangafifyiwe koma kuti bakwanishe kundya paska. ²⁹ Teto Pilato efuma pnaja kuli beve nakuti, "mwamunamizhyila cinji uyu munthu kuti mumu lete?" ³⁰ Beyankha nakuti kwa eve, "ngati uyu munthu ocita lini viipa, sembe tiliye mulete kuno ,kuli mweo." ³¹ Mwaici Pilato eciti, mutoleni mweka, nakumuweluza kulingana na malamulo yanu." Ayuda eciti kwa eve, nicosalolewa kwa seo kuika munthu ku imfwaa." ³² Belabila ic kuti mau ba Yesu akwanilishiwe kusonyeza imfwa yati afwilemo. ³³ Pilato eloba soti mu likulu la boma na kuita Yesu nakuti kwa eve, "Niwe mfumu ya ayuda?" ³⁴ Yesu eyankha, "muzilabilila mweka kapena bayakine ekuuzhyani za neo?" ³⁵ Pilato eyankha, "nine lini muyuda, nine? Banthu bako na akulu ansembe akupeleka kwa neo. Wacita cinji?" ³⁶ Yesu eyankha, "ufumu wangu niwapa calo lini. Kuti ufumu wangu wenze wa pacalo capansi, banchito bangu smbe animenyela kuti neo nisapelekewe kwa ayuda. Koma lomba ufumu wangu niwakuno lini." ³⁷ Pilato ecciti kwa eve, "niwe fumu?" Yesu eyankha, walabila weka kuti nine fumu. Pakuti nebwadwila colinga ici, na pa colinga ici newela pa calo ca pansi, kuti nicitile umboni pa ca cendi. Aliyense ofuila ku ca cendi omvwilila mau bangu." ³⁸ Pilato eciti kwa eve, "cendi ni cinji?" pelabila izi efuma soti panja kwa ayuda nakuti kwa beve, "niliye penze cifukwa pali munthu uyu. ³⁹ Koma muli na mwambo wokumasulilani munthu umozi pa paska. Ko mufuna kuti nikumasulileni fumu ya ayuda?" ⁴⁰ ndipo belila mokuwa soti nakuti, "osatimunthu uyu, Koma Baraba."Lomba Baraba enze oukila.