¹ Liywa no ku tangelo mu biki na kuda ku libita ku twala mutondo ana ku wabisa. ² Na ku wana liwe na litudu ku libita. ³ Na kwingena mu kasha naku wana lutu lwa mulena Jesu ka kwisa. ⁴ Aba yina kutendahala, naku komokele noyo na tendahala ababo, a lume ayili na kwimana banyonga akubatile yinu ya kwesa. ⁵ A kadi na ku shila ni kunyongamena kubama banji na kwamba kulya a kadi kuti, yike musaelelile munu ayoka ku akufa? ⁶ Kalimo, nayinguka! Mwanuke omu ana kwambela kulya anyi aba na kuba mugalilea, ⁷ Na kwamba kuti mwana munu mutudu mu makaa anu aka kuteda yak u yiba ni kumu kokotela, mu liywa la wun’atu ma kayinguka. ⁸ Akadi na kwanuka awa mayi a. ⁹ Na kutunda kulibita ni kuda kuka amaba yonje yinu kwaya lishumi ni mweya ni kuli onje. ¹⁰ Maria Magadalena, ni Joana, ni Maria nyina Jakobo, ni a kadi ana kuda kukashimweda eyi yambo kwa a lutiwa. ¹¹ Eso samba nasi kufeka konji matangu kulya lutiwa, kasi bumena ya kadi. ¹² Pitrosi na kwimana ni kuda lubilo kuka mona ku libita, na kwimano ni ku bami likeda wino mu libita, na ku mona ma feela. Pitrosi naku ukela kumudi, siwa na kukomokele eyo yina tendahale. ¹³ Ababo, a lume a yili mukashi koo na kuda ku emauteda di mailo mashimi mutanu niyi mweya ni ku Jerusalema. ¹⁴ Na kuku amboda eyo nayi tendahala. ¹⁵ Nayi ku tendahala yengi aba siwa aku amboda ni ku kuyiboola onje, Jesu onyene na kwiya na kwenda naye ba mweya. ¹⁶ Min’o o kasi limuka kuti oye ¹⁷ Jesu na kwamba kulyo kuti ‘Kama mwamba yike mu wili wenu siwa mweda?’’ na kwi mana ku bami likeda ni ku dina onene. ¹⁸ Wu mweya klyo o, wali dina la Kleopa, naku mutambula kuti, ‘Yo wene feela mu Jerusalem aka uyi oyo yinatendahala muya ano maywa?’’ ¹⁹ Jesu na kwamba kulyo kuti, ‘Yi keyo yina tendahala?’’ na ku mutambula kuti yambo ya Jesu wa Nazareta, oyu na kwikala mupolofita, oyo ana kwikala ni dinyala mu misebezi ni mu yambo bakashi ka mulimu nib a kasha kanu, ²⁰ Ni omu aluti a mulao ni a busisi, omu ana ku mwatulela kufa ni kumu kokotela ba sifapano. ²¹ Aci natukukengela kuti yo kame sa lukulule Isilaele. Mo kame, cwale yike aba na ku biti maywa an’atu abo yina tendahalele. ²² 22 Kono akadi akulyashi nakutu komokisa, na kuda ku libita kada kale ku kene. ²³ 23 kasi wana lutu lwaye, na kwiya, na kwamba kuti na mono pono ya dingeloi nan a kwamba kuti jesu kama yoya. ²⁴ 24 A lume tuna kwikala no na kuda ku libita, naka wana mwa muya ana kwamba a kadi, kono kasi mu mona ²⁵ Jesu na kwatambula kuti, ‘A nyi alume kamu kwite kutwisiso mishima yenu kai bumena wangu oyo na kwamba mu polofita. ²⁶ Kaku fanene kuti Jesu a yande mu inu eyi kuti aingene mu tumbo ya mubuso waye?’’ ²⁷ Matatekelo kuli mushe ni kwa polofita, Jesu na kwa tolokela yinu yaye mu man’olo onje. ²⁸ Aba na kukela mu mudi owo mudila, Jesu na ku teda konji kama adile kwa kuleba. ²⁹ Na ku saa kuti, aikale no kakuli liywa na likiti, ‘Jesu naku ingena ni kwi kala no. ³⁰ Naitendahala, aba na kwikala banji noo siwa alya, na ku samba lin’ede, ni ku kutumela ni kulitaaba, na kwabaa. ³¹ Ababo ni min’o ao na kumona, naku mu limuka, kasi mona noku ana kuingenena. ³² Na kukuibola mu kaa koo kuti, ‘Mishima yaci nai kulusa aba na tukweda naye ni kwambola, naye mudila, aba ana kwamba da man’olo?’’ ³³ Ababo na kuda kuukela ku Jerusalema. Naka wana aya lishumi ni umweya siwa ali ba mweya ni a mweya anu, ³⁴ Mulena nayinguka shemwa, simione na mu mono. ³⁵ Na awo nakutoya oyo ana ku mona siwa a eda mudila, namuya na ku limuka kuti oye aba nakutaaba lin’ede. ³⁶ Siwa amba yengo, jesu na kwiya ni kwi mana mukashi koo, ni kwamba kuti ‘Kozo yikale kulya anyi. ³⁷ Kono na kushila onene, ni kwamba kuti mwendi na mone silumba. ³⁸ Jesu na kwamba kuti, ‘kama mu kukataleza yike? Kama kuli yike mu mishima ya nyi? ³⁹ Mumone mu makaa ange ni makondo, kuti yo mene. Muni leme mumone. Silumba kasi kwite nyama ni ifuba, oyo ni kwite mene. ⁴⁰ ‘Aba ana kwamba yengo, na kwa monisa maka aye ni makondo. ⁴¹ Ni abo kasi bumena kakuli na ku wabela onene, ni ku komoka, ‘kama mu kwite yak u lya?’’ ⁴² Naku muba siemba sa di sa kubona, ⁴³ Naku si samba ni kulya siwa a mona. ⁴⁴ Na kwamba kulyo kuti, ‘Ao kame mayi ange na ni kwamba aba na ni kwikalanga nanyi, kuti yonje yaku n’ola mu mulao wa mushe na polofita ni lisamu yonje konji yi tendahale.’’ ⁴⁵ Na kwamba kuti akengele, kuti ayubedede ya man’olo ⁴⁶ Na kwamba kuti, mo kame a na ku n’olela, kuti Jesu maka yanda kame maka inguka kwa afu ba liywa lya an’atu ⁴⁷ Ku toya lidina lyaye kwanu aku bula, ku talekela ku Jerusalema kama mubane na ku bakani ku swalela akwe. ⁴⁸ Anyi apaki a yonje iyi. Mumone, ⁴⁹ kama ni tuma anyi kulyo yo naku sepisa tate. Kono mulikale weli mutolopo konji aba sawumi fuke moyo wa kukena kutunda ku wilu. ⁵⁰ Jesu na ku bama bade ni kuda ku Betania. Na ku olola makaa aye ni kwabuyola. ⁵¹ Na ikutandehala kuti, aba ana kwa fuyola, na kwa siya ni ku simbelwa ku wilu. ⁵² Na kukumbelanga kulyo ye na ku uka ku Jerusalema nit abo yaku neneba. ⁵³ Na kwikala yengo mu keleke siwa a lumbeka Mulimu.