¹ Eye kuinapu Jesu walimonahashile kwa fundishiwi enji kuli wate lyo Tiberiya. omu muliyo alimonahashile aye yoshinda: ² Simoni Pitolosi wakalile pofoci na Tomasi eshile ci Didyma, no natanaele omu kana wa Galileya, na ana Zebedeya na afundishiwi eli a Jesu. ³ Simoni Pitolosi no kuamba kuko, "Nathza mukulangeka." Ao po amba kukwenji, "Natwe, twahe, twathzanoye." Aopo athza no kuka shamukela musisepe, unone thzai aka wanine ushiku wouhe. ⁴ Apo, kukunabu mashikushiku, Jesu kunaimana paliya, unone afundishiwi kalimukile ci Jesu. ⁵ Nehone Jesu no kuamba kuko, "Amwe akwelume mwakala no shokulya?" Amutawile, "ci kwithsa." ⁶ Aye po amba kuko, mukonjele shihothzi shenu kushilyo lyo shisepe, no kalo henge muwana shimeya." Nehoni apo kunjela shihothzi no kalo katweshile kushikoka mukonda thza pwile thzo thzingi ethsi. ⁷ Uno mufundishiwi nahimiwa kwa Jesu po amba kwa Pitolosi, oyopo Fumu. "Owo Simoni Pitolosi ayuvile ci neli Fumu, aye po bata shito shenji (mukonda aye kabatile ), no kulehela muliwate. ⁸ Amweya afundishiwi no kukeya kushisepe (henga ci kukwakalile kule no liya, weci ita kuhule), kalo kwa koka shihothzi shayalile ethsi. ⁹ Uo ashulukile kakeya paliya, amonine makala omulilo, no kupona ethsi, no shima. ¹⁰ Jesu po amba kuko, "Mulete kothsi ethzi munakawana. ¹¹ Simoni Pitolosi no kuthza no kakokela shihothzi paliya, shakalile nothsi thzo shokulu, thzo kuma pa 153, unone hanga ci neli thzingi hengeyo, shihothzi kashatukile. ¹² Jesu po amba kuko, "Mukaye namulishuke." Kwithsa kwa fundishiwi wandumepile kumuipula, "Yowe eli?" Alimukile ci Fumu. ¹³ Jesu wakeile nokuna shimba ishima no kuipa kuko, nothsi. ¹⁴ Lwapwile lwa mushihatu walimona halishile kwa fundishiwi enji munyima aye kuna pinduka kwa kakufa. ¹⁵ Owo amanine kulya, Jesu po amba kwa Simoni Pitolosi, Simoni mwana Johani, ene wanihima kupita awa?" Pitolosi po amba kukwenji, "Ya shemwa Fumu, walimuka ci nakuima." Jesu po amba kukwenji, "Olishe mangu ange." ¹⁶ Aye po amba lomushili, "Simoni mwana Johani, ene wanihima?" Pitolosi po amba kukwenji, ee Fumu, walimuka ci nakuima. "Jesu po amba kukwenji, "Olishe mangu." ¹⁷ Aye po amba kukwenji, lomushihatu, "Simoni mwana Johani, ene wanihima?" Pitolosi wanjipile mukonda Jesu wamuipulie kalo lomushihatu, "Ene wanihima?" Aye po amba kuwenji, "Fumu, walimuka inu yoihe, walimuka ci nakuhima." Jesu po amba kukwenji, "Olishe mangu thzange. ¹⁸ Yashemwa, shemwa, na amba kukwenu, owo mwakalile wanuke, walyangile mwiya yowe oshinda, no kuenda kuthza oko oima, unone owo kulupala, enge oholola mooko, no yumweya enge akwanga mwiya no kalo enge akutwala oko kana kuima." ¹⁹ Jesu wambile eyi kumonisha mufelo afile Pitolosi aku shangala Nyambi. Munyima amanine kuambaeyi, aye po amba kwa Pitolosi, "Onishupwele." ²⁰ Pitolosi po lishetuka no kumona mufundishi oyo aimine Jesu kowa shupwela, oyu wakundamine Jesu kunyonga pashikkati sho kulya, noyo wambile, "Fumu, oyu kukuhomba ne elye?" ²¹ Pitolosi wamumonine kalo no kuambela Jesu, "Fumu, shime akukwama oyu munu?" ²² Jesu po ambakukwenji, ngeci naima ci akale kupitile apo na kwiyela, eshone ci shine kukoye? uni shupwele." ²³ Nehoni eyi ya amba yayuvekile kwa apa munu, ci mufundishi kafu. Ne Jesu kahambile kwa Pitolosi ci yumweya mufundishi ci kafu, unone, ngeci niima ci akale kupitile apa nakwiya, ci eyone ine kukoye?" ²⁴ Oyu yoliyo napaka eyi inu, kalo yoliyo wain'olile, twalimuka ci wopaki ci wa shemwa. ²⁵ Inu yoingi eyi akwamine Jesu. Ngeci po nga yan'oliwile kanikulupela ci litunga lyolihe ci mabuka nga kwana ahan'olilwe.