¹ Ubobo, mbukuli ati uswe tulizhingulukilwe u bakamboni banji banji, atushibike a mabali shoonse shitulemena u chibi choonse chitukakatile. Atulyaabe chakumaninina ku mushinzo uuli ambele lyesu. ² Atukwatishe ku makani aka Jeso, wakachitalika alimwi u lulamika lushomo lwesu. Kubotelwa kwakabikwa ambele lyakwe, wezo wakalyaaba a chichinkano, chakubula insoni, wakakala kwitashi lya lulyo lya chuuna cha bulemu chaka Leza. ³ Inzho atumutelaike, wezo wakalyaaba u kukakwa kuba shishibi, kwaamba mutabi nimulengaana u kuzhokela munshi. ⁴ Tamuna kushika antaamo naaba inkondo yenu yakutila bulowa kulwisha chibi; ⁵ alimwi mwakaluba kumuzumya zumya nkumushimwinwa kuba banakwe: "Mwanangu, utabi nuubaula chisubulo cha mwami, nikuba kuzhokela munshi lelyo amuchindulula. ⁶ Kaambo Mwami ulalulamika babo mbaafwini, alimwi ulasubula kufwumbwa mwanakwe wezo ngwaatambula." ⁷ Amuzume mu mapenzhi chiindi nimululamikwa. Imbubo bobo Leza mbwaabachita banakwe. Mwana uuli buti wezo ushi ngwaatalulamika? ⁸ Pele naakuti wiina niwalulamikwa, ukoya mbubalulamikwa bamwi, nkukuti uli muntu bulyo tuli mwanakwe pe. ⁹ Mbubona bobo, twakaakukwete maushesu bakaakututapatila amana twakaakubalemeka. Saa tachibaali kubota kuhwuminina Ushesu waku moza alimwi u bumi! ¹⁰ Maushesu bakatululamika kwa chiindi bulyo chi shoonto mbuli mbubakaakulozha. Pele Leza ulatululamikila bubotu bwesu, kwaamba ati twaabane kusalala kwakwe. ¹¹ Kwiina kululamikwa kulibonya kubota chiindi nuululamikwa, pele kulaleta kubiilwa. Pele kwaita chiindi kulazhala muchelo wabululami kuli babo bakayiya kwiita muli nkuko. ¹² Inzho azumye matashi enu azo alengelela anshi alimwi u mahwi enu malengushi. ¹³ Amululamike inzhila shamatende enu, kwaamba ati mulema atabi naazhokela munshi pele ayane kuponyewa. ¹⁴ Amukapule luumuno kuli umwi uumwi, u kulisalazha, kaambo kwabula chechi kwiina naaba womwi uuya kumubona Mwami. ¹⁵ Amulangishe kwaamba ati kutabi naaba womwi uya kukakilwa mu luse Leza, alimwi kutabi nikuba muzanda u kula uulula u kabisha bamwi, kwaamba ati banji banji batabi nibasofwaala kwiita mu muzanda wezo, ¹⁶ alimwi kwiina naaba womwi shimamambe naa u tezhi Leza, ukoya mbwaakachita Isau, walo ku chakulya bulyo wakauzha bukando bwakwe. ¹⁷ Alimwi mulizhi kwaamba ati kumane chechi, naakazanda kukona chilongezho, wakakakwa, kaambo kwakabula chiindi chakulilekelela, nikuba kuti kazunga ati misozhi ilamuyohwa. ¹⁸ Kaambo umwe mwiina nimwakaya ku lupili lolo lukonzha kukwatwa, lupili luzaka mulilo, mushinze, ushiisha, alimwi iiwuwo lye kunku. ¹⁹ Twiina kwiza u kulila kwa mpeta, nikuba izwi lelyo lyaamba mazwi alo bapupulala ngubakumbila kwaamba ati kutabi izwi limwi likwananwa nkubabele. ²⁰ Kaambo kabatalozha linji kupupulala malailile: "Kaambo kufwumbwa munyama wa lukutuzha lupili, ulyeelele kuyaswa mabwe." ²¹ Busena bobo kabutizha chini chini bobo Mozesi mbwaakaamba ati, "Ume mbwanjaya bukandu alimwi ndazhangama." ²² Pele, mwezhiza ku lupili lwa Ziyoni alimwi ku munzhi mukando waka Leza u pona, Jelusalemu wa mazeulu, alimwi u makumi makumi a shuulu a baangelo beza kusekelela. ²³ Mwezhiza ku mbungano ya bazhale bataanzhi, babo bakalembwa mazhina abo kwizeulu. Mwezhiza kwa Leza, u beteka bantu boonse, alimwi u ku myoza ya babo balulami balo bakalulamikwa. ²⁴ Alimwi mwakazhiza kwa Jeso, shimuzhima akati wa chihwuminano chipiya, alimwi u bulowa bwakasansailwa bwaamba shibotu kubaala bulowa bwaka Abeli. ²⁵ Amubone kwaamba ati mutabi nimumukaka wezo u kanana. Kuti nibatakaloboka lelyo nibakamukaka wezo walo wakaakubachenjezha ano anshi, no mbubuti mbutukonzha kuloboka kuhwa kuli wezo walo u tuchenjezha u hwa kwizeulu. ²⁶ Ku chiindi chimwi, izwi lyakwe lyakazungaanya inshi. Pele ninzho wakashomezha amane wakaamba ati, "Alimwi Ume nshikazungaanya inshi yalo, pele iizeulu alyo." ²⁷ Aza mazwi, "alimwi," alaamba bukushe bwa shintu shesho shikonzha kuzungaanyiwa, ubobo, u shintu shesho shakalengwa, kwaamba ati shintu shesho shitakonzha kuzungaanyiwa shilakashaala. ²⁸ Ubobo, kutambula bwami bobo butakonzha kuzungaanyiwa, atube bashikulumba alimwi muli chechi atukombe Leza cha bulemu alimwi u kumubotezha. ²⁹ Kaambo Leza wesu mulilo uzonauna.