¹ Pakuijinae patajopa Roboam Jerusalén jawabelia, kaetuata Judá piajiwi yajawa Benjamín, ciento ochenta (180) pa pebibeje wajabitsaü, tseko naejitsia Irael monae, Roboam kae nakua ejjanaejitsia ² Nejjata tsipaebatsi Diosonü Semaías, piajiwitonü Dioso, jumaitsi: ³ "Tsipabare Roboam, pejjünato Salomón, Judá piajareinü, dajjita Israel monae Judá jawata yajawa Benjamín piajiwi: ⁴ Diosonü majjua jumaitsi: "jjamü akuenebi nebarü nabejawa nijamonae kaejiwi kana kuijitsia nawia biana piajabá jjiya, jjanü raja taja jamatabü kuenia paitsimü." Nejjata pamonae jume kowünta Diosonü dajjitayo nawia beka Jeroboam petsi majju ponaewi. ⁵ Roboam baja naponapona Jerusalenta tomaranü barü nakueneba Judá jawata peyá matámota biabinü nejja. ⁶ Baja rá raponü barü nakuenebeta Belén, Etam, Tecoa, ⁷ Bet Sur, Soco, Adulam, ⁸ Gat, Maresa, Zif, ⁹ Adoraim, Laquis, Azeca, ¹⁰ Zora, Ajalón, y Hebrón. Má patamaranü pijivi peyá matamota biabiwi nejja Judá Benjamín. ¹¹ Baja raponü yamatamota najamatabü kuene yaveno najitsia baja pamone jawata nuba wajabitsaü penamata kaitorobiwi, pijenenia nuba penajjatabi jawanü pekaná jetsiwi, pejjae jawanü, aceite rajji, yajawa pemata wüjüa apae ranü. ¹² Ruba penaya jiwi karanatsi jawanü cuerre rebonü dajjita tomaranü jawá naywi taw ejjana.Baja raitsi Judá jamatabü jüpa Benjamín ata ¹³ Sacerdote monae yajawa levitavi pejina wana páewimi Israel jawá baja raponü jawá beponalia itsa nakuá mujjü bürtalia pejina wana paewimü. ¹⁴ Nejjata lewitawi natsipü jjüaba peubi jawanü pekobe kopai warapa Judá jawabeliá jinavanapájitsia Jerusalén jawata, tsipaji Jerobam dajjita pejji yajawa pentatsi, baja rajjuajitsia baja pamonae apo itsi be sacerdote kuenia waja tujjanenü. ¹⁵ Jeroboam tsikobe tsana sacerdote nüanü baja raponu nejja ibo tsutonü jawá nubijitsia cabra penatsi kobe ejjanae nüanü becerro ata. ¹⁶ Jiwi dajijta juméwi Israel pijiwi pepüta , parena pamonae najamaatabü kopata peja matabü ütüto werena jaita waja rujjanenü, Israel piiaja Dioso; baja rapomonae parena Jerusalén jawa berena kapona dajubi petoná tsaquia paenejja waja tujjanena pámojiwi piaja Dioso. ¹⁷ Pakueniaje pamonae namata kotsia ejjana, piaja nakuata Judá wünü junuá Roboam pejjunato Salomón apo kapane paetsi tres (3) pawaibje, baja rapamonae jinawánapa abajju tres (3) pawai beje jume kouünta wanapa David Salomón ata. ¹⁸ Roboam nakajioba pita Mahalat, pejjünateyó Jerimot, pejjunato David, yajawa Abigail, pejjunatoyó Eliab, pejjünato José. ¹⁹ Baja rapowá tó itajutsi pejji bitsaüto: Jeús, Semarías yajawa Zaham. ²⁰ Mahalat kuijinae, Roboam pita Maaca, pejjünatoyo Absalón; baja rapowa tó itajüta Abías, Atai, Ziza, Selomit. ²¹ Roboam asiva Maaca, pejjunatoyó Absalón, dajjita pijawá yóbeje wekua (pepo pijawajiwi dieciocho (18) powá beje, seseta (60) powá beje bé bijiata pijawá jiwi, baja raponü tó jjainatsi veintiocho (28) papejjünto beje sesenta (60) ü petiriawi). ²² Roboam Abías itapeta, pejjüto Maaca, pitorobinü nejja, pena matakitorobi nü nejja pejuyá pijiwi; baja raponü siwá najamatabü jjaina rey nejja. ²³ Roboam itoroba ponapona yapü taya; baja raponü tsikobe tsana dajjita pejji itsa jjuyá kopiá ruka piaja ira Judá yajawá Benjamín, penayá karratsi tomarranü jawá. Pijinenia rajuta pená baninejja ayei kuenia tó jaita petiriawi monaenü pejji pijawa jiwinejja.