¹ David pejjünato Salomón, baja jjaniwaetsia yanakua eweta petüjjanenü piaja Dios yajawa ponaponatsi pajara ponü bitso ayai jamatobükuenenü ejjanatsi. ² Salomón parikuakuijai dajjüta Israel, pemomojji wajabütsai pematakaitorobimüanü miles cientos, dajjita penekoni kajonewi dajjita nakua ewetsiwi pejjinatonü Israel nakuata pejinawanapaewi kaenü nakakujitsia piaja boo pematakana kuenebawanapaewi jawabelia ata. ³ Pajara pakuenia Salomón dajjita jiwimonae yajawa pona Gabaón tsuto jumabetsia tsipaji bajara jota nuka Dioso petonakaetuanaeboo majjuaje Moisés, piaja jiwitonü petujjanenü, nakuenebanuta petsewitusatojawata. ⁴ Baitsi David kanajetaruka Dios pija arca winüjawa Quiriat Jearim jawawerena, ta ajjaniaweta itsajota buatijitsia bajarajjua Jerusalénjawata. ⁵ Itsajota, dajubi petajuitsijawa bronce manitapenakuenebanütsijawa Bezalel, Uri pejjünato, pejjünato Hur, ponapona pajarajota petujjanenü piaja tabernáculo jawata Salomón bari imojjoyota dajjitajiwi bajara jjua. ⁶ Salomón pona baja ra belia, broncenanitota pena kuenebanütsijawa dajubi petotajuitsi nejja pettujjanenü jawabelia, poboo bürito nuka penakaetuanaenejja perajutsinejja ofrenda kuenia tajuita bajarajota mil ofrendabeje. ⁷ Dios tsitanaitajütatsi Salomón bajara pamerawi jumaitsitsi: ¡Newajüre! ¿jjuanü namato wenoname? ⁸ Salomón jumaitsi Dios jawabelia: "Tajütame nejjaniajai kuene jjua rajutsia baebame tajja David ikatsia jjanü nenutametayanakua ewetsimü nejja tajja pekawüta. ⁹ Ajenakonojjaeta, petujjanenü Dios, netokopare jjuanü rajutsia paebame tajja David tataenejja, tsipaji nenutame tayanukua ewetsinejja tomara jjanetonü bitso jiwimonae beatsa pürü. ¹⁰ Baitsijanebaja, nerajure tayapütaeponaenejja pemujjujiobi liwaisi tajamatobükuene caponanejja patomara pijiwije, tsipaji ¿Jipatsa kuene kaüjüpatsi peewetsinejja piniji tomawa, bitso ayai bitsauto jjaneto? ¹¹ Dios jumaitsitsi Salomón: "Detsa jjuajitsia apo newajitsimü palata kuene, nekobekowükuene pekayaiyotoejawajamatabükuene nejja, apo newajütsimü pewerecaenejja pekaitoyawi, neponaponaenejja ayai mato kabianünejja, itsiatabaja newajütame neyapütaenejja jjamü, nematakaponaponaemünejja, patomarata kanutatsi neyanakua ewetsinünejja, bajara jjua rabaja nakuenebionaje. ¹² Ajenakonojjae jjanü karajutatsi baja neyapütaejamatabükuene. Nematakaponaponae jamatabükuene, matawajua palato kuene nekobekowikuene, pekayaiyatakuene, itsajiwi nakua ewetsiwi newajünaeya ata penubenaewiata, jjanü kujinae ata tsane bajara jjua kuene apo jjainae tsane. ¹³ Bajara jjua kujinae Salomón nawiata najetaruka Jerusalén jawaberena, Gabaón tsuto jumawetsika penakaetuanaeboo bürüto jawato, bajara ponü yanakua eweta Israel pemomojji. ¹⁴ Salomón kaetuata peyarobobo kaemonü jinete ata jjaina mil cuatrocientos (1,400) ponabeje doce mil (12,000) pajinetebeje bajara ponünuta pona tomaranüajawa bajara patomaranuwünüka bajara pomonü bajara jotanejja, bajara ponünakua ewetsinü Jerusalén jawata. ¹⁵ Nakua ewetsinü nakueneba bitso palata oro Jerusalén jawata peyakaujüpaenejja be ibojjumonaenü cedro naenü penajüpaenejja besicómoronaenüpanaenü nubean pejjüjototareka. ¹⁶ Pakuenia tajüjawawerena kaponaibada caballo Egipto nakua werena Coa jawawerena ata Salomón nejja, pekanajetsinejja kaponobiada Coa jawawerena. ¹⁷ Bajara pamonae capatabiaba carruaje wünü monü Egipto jawawerena seiscientos (600) siclos pa plata beje kaenü caballos ciento cincuenta (150) siclos. Bajara pamonae kaponabiabarena nakua ewetsiwi hititas monae arameos monae.