¹ Keu ngana rorol mana ketampa runrumi Lesing ,I keu ngana nama Nutu pamesia me rau mule kepeu ve tamane me.Irua kitutu me Nutu tutuna me.Te keu ngana me rorol mana kemate ke tamare tena, iri kemate ke tutuna me vole. ² Anave ita tamate ke Nutu rumanna ,te ita tanane I potong ke.La veng nei, ita lora matane,ita tamate palle ke Nutu tutuna me rumanna. ³ Anave ita tamate ke Nutu rumanna, ita tananne potong ke.Te potonng ke sao me tuni veng maena ngana tena la ita. ⁴ Keu ngana rorol mana kitutu Nutu tutuna me ,i kimuo tote maa nei likina.Ita tatampa runrumi Nutu ,te la veng ita tamuo tote maa nei likina.Ita tatampa runrumi Nutu te la veng nei ita tamuo tote valing te tasio ke maa nei likina. Nutu Turu Potia Tuna Kana Kao Likong Kolo. ⁵ Itia muo tote maa nei likina?Keu ngana tampa runrum la Lesing, i Nutu tuna,te Keu ngana nei mumua. ⁶ Karauso Lesing atu la veng nama rai mokaeng kala la mii,te la veng nama ling linge aina la Iya pakovu ngana.I sao me atu la veng nama mii mana .Sao nia.I atu la veng nama mii pupu la aina.Kao rumanna ngana puna la Kannu pe ngana ,Karauso Lesing veng ke kannu pe ngana tunturi kana kao. ⁷ Iri moloi kituri kao la i veng ke, ⁸ Kannu pe ngana ,mii ve aina.Iri moloi keve kao kena mana. ⁹ Ita tatampa runrumi kao keu ngana me kitunturi ,ulave kao nama Nutu turi,i mua tote kao nama keu ngana me kituri.Te kao nama Nutu rong,I pepele tuna. ¹⁰ Keu ngana tampa runrumi Nutu Tuna ,i rai kao nama Nutu turi rong,te i tu la lona onna.Ulave keu ngana tampa runrumi Nutu kaona sao,vei me i patae Nutu me Keu ngana nama pasiling ka,i sao me tampa runrumi Kao Nutu turi la tuna veng ke. ¹¹ La veng nei,Nutu pae nane me i kaona rumanna .Nutu tuni motoning nama tu pe saelle saelle,motoning kana mata nei puna la tuna. ¹² Keu ngana nama lipatai la Nutu tuna ,i kana motoning mokoi.Ve keu ngana nama lipatae la Nutu tuna sao,i kana motoning mokoi sao. ¹³ Au apasia kao nei lala meu kepeu ve tamane me nama katampa runrum la Nutu Tuna yana. Meu lomeu matane,meu karai motoning nama tu pekolo saelle saelle. ¹⁴ Vei me ita tanane Nutu lona onna te ita taulo keke ve tatali la I ke uru tena ,euve I tae ulongo keke kita.Mangina te, ita sao me taman tauve Nutu.Sao nia.Ita tala taparang la I. ¹⁵ Ita lora matane,I tatae ulongo keke kita rorol mana.Mangina te votaena nama ita tatali I me tuni uru tena la ita ,ita lora matane me ita tarai uru nei rumanna. ¹⁶ Ana ve,keu ngana tena kele teira kiristen tena ,veiya sereng,sereng nei pame veiya teira mate sao.Keu ngana nei ma ulokeng ke la Nutu ,te Nutu tuni motoning la teira nei.Au apele keu ngana me nama kempe sereng kana mata nei, pame veire kemate sao.Sereng kana mata tena valto la empe keu ngana mamate,au sao me apele me meu ma kau lo kengke ke nei. ¹⁷ Veng kana mata rorol mana,sereng nane.Ulave sereng kana mata panrae veiya keu ngana mate sao. ¹⁸ Ita lora matane ,keu ngana rorol mana kitutu Nutu tutuna me,iri sao me kenanne veng nama kempe sereng ke .Sao nia .Nutu kela kala masia keu ngana tutu me i tuna ,te silolong pame pulia kamana la i. ¹⁹ Ita lora matane ,ita tatutu Nutu tutuna me ,ulave maa nei rorol mana tutu la silolong orae ke. ²⁰ Ita lora matane, Nutu tuna atu rong te I tuni lo matana la ita ,nama ita lora matane Nutu rumanna.Ita taila pita la Nutu rumanna ve tuna Karauso Lesing .Karauso Lesing I Nutu rumanna. Motoning pe ngana puna tutu saelle saelle la I. ²¹ Meu tuu sisina me ,meu ma katu ngatau la nutu kanna sao ngana.