¹ Tulou me ,propet pasiling ngana me ,kaleu me kello kili liliu la mali me .Sao me katampa runrum la keu ngana me rorol mana ketatu la meu te kepepele me,"Nutu kannuna tuni kao la au,"Sao nia.Meu me katove kannu me rorol mana ,nama meu lomeu matane ,iri kyatu la Nutu sao. ² Veng kameu te lomeu matane Nutu kannuna .Vei me keu ngana tena pele me ,"Karauso Lesing I lisi keu ngana rumanna ."Nutu kannuna tutu la keu ngana nane . ³ Nganave i veiya kao kana mata nei la Lesing. Keu ngana nane kana kannu tena toto te i sao me manan la Nutu.Karauso ngarang ke kana kannu.Ngailia nia meu katae kana kao me atatu.Te sonrou I atu rong te nei tutu la maa. ⁴ Tu sisina ngana me,meu Nutu neke .Meu katao sia propet panga siling ngana me ka ,kannu nane tutu ngallo meu. I mua tote kannu nama tutu la keu ngana pasiling ngana me. ⁵ Keu ngana nane me ,iri maa ngape kana.Kao kare nge kao nama maa kana mana te keu ngana la maa ketatae kao kare. ⁶ Ulave ita nama Nutu kana kau nama lore matane Nutu ,iri ketatae kaora.Keu ngana nama Nutu neke sao,pame tae kaora sao.La veng nei ,ita tavalto la lora matane kao kanunna rumanna,ve kannu pasiling ngana . ⁷ Tulou me,ita kena kena ma tamate palle ke vae ngara me,ka veng nei I Nutu veng ke.Te keu ngana mate palle ke vae ngana me ,i Nutu tuna te i lona matana kole Nutu. ⁸ Veng le tamate palle ke vae ngara me,puna la Nutu I sona .Mokoi te keu ngana nama mate palle ke vae ngana me sao ,i lona matane Nutu sao. ⁹ Nutu kana tuna tena kasena te I ulale tuna nane sio atu ngape ma te ita tamaul kurume I.La veng nei,Nutu pae nana ita me I mate palle ke ita rumanna. ¹⁰ Veng nama tamate palle ke vae ngara me,i Nutu veng ke.Ita sao me tapele me ita tamate ke Nutu mua.Sao nia.Nutu mate kita mua.Mokoi ne I ulale tuna tamane ngana sio atu ngape ma te rau keke sereng kita. ¹¹ Tulou me,la veng nei Nutu paenana ita me i mate palle kita rumanna.Mokoi te ita kenakkena maa tamate palle ke vae ngara me. ¹² Keu ngana tena kele Nutu sao tale.Vei me ita tamate palle ke vae ngara me rumanna ,Nutu tutu la ita.Te veng nei tuu pangpang ngallo motoning kita rong. ¹³ Mantia ne ita lora matana me ,Nutu ilapita la ita ve ita tailapita la I.Ita lora matane nei ka I tuni I sona kannuna la ita. ¹⁴ Ita takele uru nama tamara veiya rong.I ulale tuna atu me rau mule kepeu tamane me rorol mana ngape ma ,te ita tatun turi kao ke uru nei me. ¹⁵ Ana ve keu ngana tena pele me ,"Nutu tuna Lesing ,euve Nutu ilapita la keu ngana nane ve i ilapita la Nutu.'' ¹⁶ Mokoi te ita lora matane te tatmpa runrum karisi me Nutu mate palle kiuta te i veng ke nei tu la motoning kita.Veng nama tamate ke vae ngara me,veng nei i puna la Nutu i sona .Te keu ngana nama mate palle rumana ke vaengana me ,i ilapita la Nutu ve Nutu ilapita la i. ¹⁷ Ana ve ita tatutu mokoi ,veng nama tamate palle ke vae ngara me tu pang pang ngallo la lora onna rong.Te pame tamatau sao la kae nama turu ngapa usuo ngana ke Nutu.Rumanna,ita tatutu la maa nei ulave ita tatutu munna kena vei me Karauso sona te sao me ita tamantau. ¹⁸ Keu ngana mate ke vae ngana me ,i mantau sasao.Veng nama tamate palle ke vaengara me lisi pangp ang rong ngallo keu ngana kena kena lona onna,nei mokoi rau kengke veng nama mataung kana,mataung puna nei mokoi .Keu ngana lona matana me i rai kilipu tal ngana ,te nei mokoi veiya i te matau.Ita lora matane,veng nama tamate palle ke vae ngara me, sao me lisi pangpang la motoning ke tale. ¹⁹ Ita tamate ke vae ngara me ka Nutu mate ke ita mua. ²⁰ Ana ve keu ngana pele me, ''Au amate ke Nutu rumanna.Ulave i sao me mate ke Nutu kepeu tamane ke tena,euve i keu ngana nama pasiling.Keu ngana tena kela Nutu sao tale.Mangina te keu ngana mate ke vae ngana me sao ,kepeu tamane me nama i kela re rong ,i valto me mate ke Nutu nama i kele sao. ²¹ Potong nei ita tarai la Karauso i mangina.Keu ngana mate ke Nutu rumanna ,i ma mate ke Nutu kepeu tamane ke me.