8 ¹ kesako kea kinaeta komongo, ketongo kekoo kye bando bakombokane akae nabo nde babea ne bilebwa, YESU na kuitana biemba byake na kobasaolea. ² naobamoe lokwa baa bando. batenane keseko kye masu masato sasa ne basine bilebwa. ³ kende nasuimenya bayake bila kolya, batwekee mo njea ne bakine babo batokee njoo. ⁴ biemba byake na komosaolea, bobo momo mwilongo totakonje koni bilebwa bye kotosa kabalesa ? ⁵ YESU na kobabocha mwene mikate chinga ? abo na komosaolea, mosambo. ⁶ nakosaolea bando bachiane ose akae nakubunda elya mikate mosambo na kusia kofakocha nokobembabemba na kobaecha byemba byake koabanyea bando. byemba byake nakoketa bwakae bobo. ⁷ babea akae ne mweye tuchinini YESU nakobariki, na koecha biemba byake baanye bando. ⁸ bando na kolya na koebwa na komongo biemba naboenda biunda bisaichi nakochekya bimbaka mosambo. ⁹ ne bando balee babe kyango kye elfu chinachi. komongo na kolala. ¹⁰ na kuingia mokyombo amosa ne myemba byake na koyaka mbanga ye dalmanutha. ¹¹ mafarisayo na kobaka, na koanza kobocha YESU na bate komonga na komosaolea obalangweche kaseba kotoka kuiyoo. ¹² ne bwa uzunika awee momotema na kobasaolea, kweke lele ibota letoenga kaseba? nao basaolea bye kinekine, bakaechibwe nane kaseba kangaa. ¹³ kobobo na kobasia, na bwaotoka awe kokea kyombo na kwaboka koa nganda ikine. ¹⁴ byemba byake na koebela kobaka ne mikate ya bua bechae ne mukate omosa mo kyombo. ¹⁵ yesu na kobakanya: mwilole ne bwenge bwe mafarisayo ne bwa herode. ¹⁶ abo beene na koanza kochoboa na koocha ite osocha boowa komoa nde twa baka ne mikate. ¹⁷ YESU ochebee kochoboana kwabo na kobabocha; na bini mwemokocha ite tusi ne mikatee nabo musi bochebe wala lokani? noboni metema yinu yene kokoba bobo ? ¹⁸ na boni mwene miiso na mosooma komoa , ne matwe ne mosooma kuungwa ? naboni motoeyokaa ? ¹⁹ abukee mee mikate etano, kolesa bando elfu etano mukumbakanye bisaichi bimbaka binga ? na komosaolea ikumi ne bibee. ²⁰ ne abuke mee mikate mosambo na kolesa bando elfu chinachi mukumbakanye bisaechi bimbaka binga ? na komosaolea mosambo. ²¹ awe na kobabocha: bini munaungwatu ? ²² basoolea kobetsaida ne ketongo ke bando ne komobesea mbufuomosa na kuiyaya kwa YESU umubunde. ²³ YESU na kokwata koboko leolwa mbufu na oyaka nakoyanaka anje le kalya kusia kotecha soki kumiiso lwaolwa mbufu na komobekea maboko YESU na komobocha oomwa ekee? ²⁴ elya mbufu na kolola na koovha ite naomoa bando be mokomweka bwe mete ye moko enda. YESU na komobekea akae maboko kumiiso na bwamoawe bwachi miiso make na kooloka byeese nakoosona komoa kila kemo bwachibwachi. ²⁶ YESU na komootosa kondabo yaake na koocha nane mokalya ndootaya, ²⁷ YESU ne byemba byake na bwatokabo na koya mwingya mwe tolya tukine twe kaisaria filipi abeabo monjea YESU na kobabocha bando batoocha me ninani. ²⁸ bando batoocha ite awe ne Yohana mubatizaji; bakine batocha ite awe ne elia ne bakine batocha ite awe ne omosa we ndomwa. ²⁹ na kobabocha na baanu boni motoocha mee nenani? Petelo na koocha awee ne kristo. ³⁰ na kobaeyowa basaoleaya nane mondo omosa malongo make. ³¹ na koanja kosaolea byemba byake awe mwana waadamu otakonje manene ma bua ne kokoniiwa ne banunu ne bakoo ne basongochi be sambo na kobobo otakwe komongo kwe masu masato ne ocheoke. ²² ochechi bibi ololo nabobo Petelo na komoota kombanga na komokandokea. ³³ ne boa YESU atuuka awe na kolola byemba byake na kokandokea Petelo na komosaolea toka kombaa kwane isombo lokani lwao lusi mbanga lwa KAKUA . ³⁴ nabo na kuitana baa bando omosa ne byemba byake na kobasaolea mondo nane omosa ndaokonda kongea weto ne awe mwene, ubunde owende mote we maakano wake ungiie. ³⁵ kobobo mondo nane omosa ndauchimbecha mwecho wake juu yaane ne juu ye kosaolea otaiyolosee. ³⁶ mondo otakonje ekee ingwa osokonja mosenge oose ne kuchimbecha nwecho wake ? ³⁷ ao mondo otaoche ekee okonje kabee mwecho waake? ³⁸ mondo oose otamboome masoni monganda mwaane ne monganda mwe makomo maane mo lele ibota lwa bea batasi komocheba KAKUA na mee mwana wa Adamu nda momoe ne masoni mokesako ketabaake mee mwinga boombe bwa isasne ne malaika ba sokoka.