10 ¹ YESU na kotoka lea iboa na koaboka looche lwe Yordani na koya kiunda kwe yudea bando babua na koyeana nake bwabea lokani lwake lwe muiyoo. ² moketongo kye mafarisayo na komobea kwe kokonda komoongea na komobocha ite bye bwachi mondo komolekea mokachi wwake. ³ YESU na koocha na botofata musa. ⁴ na bomookoabo Musa warusia eke bobo moome otaosone komokunyia mokachi wake inde tota mwandekee kaani ke kosambokana ⁵ YESU na komosaolea Musa wabakunyia SAMBO ena kobwa bwakoba bwe metema yiinu. ⁶ inde akae alya kaekae tangu alya anjea kobumbiwa KAKUA kobomba mwamome ne mwamokachi. ⁷ kobobo mwamome otalekee isake na inake na babe abo babee batabe babe lokoba ne lomosa. ⁸ kobobo akekebe babee akae atabe ne omosa. ⁹ kya umbanya KAKUA mondo nda kake samboe. ¹⁰ komongo waotokabo mondabo byemba bya YESU na komobocha kobwa bwe ikomo lele. ¹¹ na bobaokoabo mondo ose utukunyie mokachi wake talaka na kotomba mokachi ukine osokea koolya mwamokachi weechewe elya talaka. ¹² ne mwamokachi we koecha ibake talaka nawe na kosongwa ne mwamome ukine osokea akae ¹³ bando na komobea bemokomobesea YESU baana bakeke kobobo obakoboche byemba byake na kobakandokea. ¹⁴ YESU amoayaawe kwabeabo mokoolea na bwaemoka awe na kobasaolea byemba byake molekee bana bachinini babe kwane nde kobachibea kobobo boombe bwa KAKUA ne bwe bando bwe baba. ¹⁵ natumusingecha inde mondo oose otabe ndakaimenye boombe bwa KAKUA bwe mwana muchinini ndakaingee ata. ¹⁶ na kobakubukea baa bana bachinini na kobabekea maboko monganda mwabo na kobabariki. ¹⁷ YESU wanja awe lwendo lyake mondo omoosa na komochokea na kubunga malu makongo kombaa kwake na komobocha eemosongochi mwachi nakete ekee na ingee moboombe bwe meombo. ¹⁸ YESU na komosaolea boni butungitana awe mwachi kusi we mwachi we mwachi ne KAKUA ikesa. ¹⁹ otocheba bieko nde kucha nde koambya nde kuiba nde koocha maanu nde koongana tena isao na inao. ²⁰ awe na komookwea ee mofakochi byeko bii bise nae bubisekemeke kwanjea koboteka kwane kwe bwa boto. ²¹ YESU na komolola kwe ibae lye komokonda na komosaolea weboochoke ne keemo kemosa yaaka oyaolekya byemo bise bye nao naobeche baa bakena tombamba tota konje awe, nawe otabe ngonji kuyoo komongo naonge. ²² olya mondo bwaungwa awe bobo na kuinaina bya bua na lotoka kwe koemoka koboa awe waba ngonji me koo. ²³ YESU na kolola koko nakoko na kobasaolea byemba byake bitabe ne kokoba kwe ngonji bitabe nekokoba kwa bua ngonji kuingia ko bwame bwa KAKUA ²⁴ byemba byake na kochanja na maa makomo kobobo yesu na koocha ebana bane byene kokoba bya bua byene kokoba kuingea mobombe bwa KAKUA. ²⁵ byene kolenga lenga bya bua ngamia koeta mu tundu le motobo we byendo kuingea ko boombe bwa KAKUA. ²⁶ byemba byake na kokanakana bya bua na kobochana abo kwebo nenai otaosone koololwa. ²⁷ YESU na kobalola na kobasaolea kobando bikaosonekane kwe KAKUA na bwebyo makomo mase matoosonekana kwe KAKUA. ²⁸ petro awe na konza kobasaolea bae tosolekea kila keemo tookoyeea. ²⁹ YESU na koamboa natomosaolea kinekine kusi mondo nane omosa wasia ndabo mwawinake we mwamome mwawinake we mwamokachi inake isake baana masioo kwe mee ne kwe koocha ilongo lyachi. ³⁰ inde otalipwe mwinjya mwe mosenge ono boa lokama koeta lokama ndabo mwa winake mwawinake we mwamokachi na ina mondo ne baana kopata manene akae ne koebwa mwecho we meombo momosenge ona otoba. ³¹ ko boa babua ngoo babeaya kombaa batabe komongo nababe kubongee na babe komba. ³² babea monjia kwe kololea Yerusalemu YESU wabea ne usuiyambea byemba byake byabea bisuingelelwa ne kenyemo kuibae ne bando baa babayeea babea nabo baso tena YESU na koba tomba akae bia byemba byake ikumi ne babe komokonge na kobasaolea bia bitamopate. ³³ na koocha,tosoyaka yerusalemu, na mee mwana wa Adamu naochaebwe kobakoo be ndabo ya KAKUA ne basongochi be sambo; nabo batangete bye kokwa naabo ne basongochi be sambo nabo batangete bya chaba na kokwa ne kondecha komesani ye mataifa. ³⁴ abo batanjeke ne kunduea soki ne kongomoa ne kunja komongo kwe masu masato na nachoke. ³⁵ yakobo na yoana baana ba zebedayo na komoyeea YESU na bomosaoleabo, kwene ikomo lemosa letokonda bae kokoengea. ³⁶ na kobabocha muakonda nabaketee leke ikomo ³⁷ nabomo saoleabo totokoengea atachikae awe mo boame bwao bwa ama too utuimenye kuchikaa nao amosa wiito koko boko le sandome ukine wiito kokboko le sangachi ³⁸ YESU na kobasaolea mocheba letoengea banu musuibeka bwachi kosoa manene matamoe mee tena matamoe mee ? moto osona kuiniwambuu na koongeza akae mbuu, mbuu chitainibwe mee ? ³⁹ abo na koocha totaosone YESU na kobasaolea motasoee mwingya mwe kya keta sooe mee ne kuinibwa mbuu mbuu chita inibwe mee. ⁴⁰ kobobo kwe kuchikaa kwane kokoboko lyane le sandome ne le sangachi sicheba byane mee nkobakondea ite KAKUA ota oche kea ketemba kye monda kobando baa babikibwa. ⁴¹ baa byemba byake bikine ikumi aungwabo bye bobo na kobaemokea Yakobo na Yohana ⁴² YESU na kobaetana byemba byake bise na kobasaolea motocheba ite bando basuibeka monganda mwe bando bakine kwe koketa bwa bea? ne baa be kombaa kwabo ne kieno bye monganda kokonda kuimoesa ite bae ne byeno ⁴³ kobobo bitowaena bibe bobo mwinjya mwinu komongo kwewe otokonda kuungwa mokoo mwingya mwinu ndato bwaena kuungwa mokambi wiinu. ⁴⁴ naolya ose otokonda kuungwa we komba nawe nawaena kuungwa mokambi we bando ⁴⁵ kobobo nani mee mwana wa Adamu sabaaka na tumikiwe nabaaka ne bobo nabe mokambi koocha mwecho waane obe fidia kobando base bakine. ⁴⁶ na bwaolelabo yeriko na yesu abeawe mokotoka amosa naabo ne byemba byake ne ketongo kye bando ne mbufu emoosa china lyake bartimayo mwaana wa timayo wabea we buchikae mosesemwe njia mokoengea. ⁴⁷ aungwawe ite YESU we nazareti we mokoeta nakoanza koketa moocho YESU mwana wa Daudi mboea lokwa. ⁴⁸ bando babua na komokandokea, na bomosaoleabo chika nyaa awe na koketa moocho wa bua mwana wa daudi ngwe lokwa. ⁴⁹ YESU na koemana na komosaolea mumuitane na kumuitana na bomosaoleabo sakasaka na wimane otokoetana. ⁵⁰ na kokosoa ke balwa kyake kolokonge na kuinandoa monganda na komoyeea YESU. ⁵¹ YESU na komobocha otokonda nakoketee ekee olya mbufu na koocha emofakochi natokonda komoa akae. ⁵² YESU na komosaolea yaaka kuimenya kwao kokoolosa kesako kyakae kea na koanja komoa na komoyeea YESU konjea.