¹ Nie Polo rhweshi na Silive na Timote.agamarhuba garhumire omurhwe gwa bakristu b'etesalonike, bantu ba Mungu larha naba Nnahamwirhu Yesu Kristu. ² Mashi MUngu larha na Nnahamwirhu Yesu Kristu bamugashaganire, bamuhe n'omurhula. ³ Rhugwasirwe okukavuga Mungu omunkwa burhahusa erhi mwemurhuma bene wirhu bakristu.kushinganine rhujire ntyo bwalya obemere bwinyu burhagederiri bwenene,n'obuzigire ngasi muguma mulimwe agwerhe okuwabo bugederire bwa yushuka. ⁴ cocirhumire rhuli rhwamwikubagira omurhwe ya bakristu ya Mungu,n'okumugederire n'okusimika n'okuyorha n'obwemere omukagarhi kangasi kushimbululwa n'omumalibuko muli mwabona. ⁵ okwo kwo kuyerekire oku Mungu atwa olubanja n'okubishinganine,ebyo boshi mulimwa lembera byobyarhuma mwakwanana obwami bwage bula bwami muli mwalibukira. ⁶ Bulya Mungu ajira ebishinganine.abo bantu balibamulibuza abagalulira amalibuko. ⁷ Ninyu mwemulimwalibuka amurhamuka,na nirhu.ajira ntyo NNahamwirhu Yesu Kristu ayisha kurhega oku nkuba.agomago erhi ali boshi na bamalaika bage b'obuhashe. ⁸ abonekana omuliro gwengulumira.ayishira okuhana abarhayishi Mungu nabalya barhayunva emyazi y'omurhula eyerekire Nnahamwirhu Yesu edesire. ⁹ abo bantu bahanwa obuhane bwokubashereza ensiku namango, bahebwa kuli kurhega hali Nnahamwirhu na kuli n'obuhashe bwage bw'obulagashagashane, ¹⁰ hano Yesu ayisha muli ololusiku.ayishira okukegwa nabalya bantu bage boshi,nalya bamuyemire boshi barhagale.mwe muligi mwoyo mwenanene,bulya mwayemire emyazi rhwamubwizire. ¹¹ cocirhuma rhumushegerha burhahusa.rhuhuna Mungu wirhu nti amujire mube bantu bakwanine obuzine amuhamagaliraga.rhuhuna nti maashi oku buhashe bwage,ayuuse enyiifinjo ziinyu zoshi zokujira aminja n'okuyimanika emikolo y'obwemere bwinyu. ¹² Nyo kwo mwakegamwo izino lya Nnahamwirhu Yesu,naye amukenga erhi bulya bugashne bwa Mungu wirhu na bwa Nnahamwirhu Yesu Kristu burhuma.