¹ Okuyerekire okuyisha kwa Nnahamwirhu Yesu Kristu n'okushimanana kwirhu hali ye,bene whirhu ba kristu,rhumuhunyire nti: ² murhazungulukaga amarhwe duba duba kandi erhi kuyoboha mpu kwenge mwama yunva baderha n'obwalagale mpu olusiku lwa Nnahamwirhu lwa hisire.bibonekine nka hali owamubwizire ntyo omu kuleba kandi erhi omukuyigiriza,kandi erhi kube amubwizire okurhwamuyandikirekwo omumarhuba ³ murhalekaga omuntu amurheba omunjira yoshi yoshi bulya ololusiku lurhabe embere obugoma buzinda bube n'embere lyokuciyalagaza kwolya mubihya acifulule,ye mwana w'obuhezi, ⁴ yemubihya olya ociheba enyanya za ngasi eciderhwa Nnamuzinda,erhi ecibacikumba,kuhika okucitamaza omuka Nyamahanga n'okuderha mpu yekola Mungu. ⁵ Ka murha cikengiri oku namubwizir'ebyo,amango nacir'emwinyu? ⁶ Nabuno mumanyire eci cisire omubihya arhakiciyerekana nakashanzi kagekarhacihika. ⁷ Bulya ihwe lyo bubi lidwire lyakola,bishinganine ebicisire birenge. ⁸ Obwo omubi hano aciyalagaza ci Nnahamwirhu Yesu hanamushandaza n'Omuka gw'omukanwa kage,n'okumushereza n'obulangashane bwo kuyisha kwage. ⁹ Okuyisha kwoyo mubi kwayishijirikana,omusi ya Shetani,omubisomirine bya ngasi lugero,n'ebimanyiso, ¹⁰ na ngasi burhebanyi bwoshi bw'obubi bw'emihera,bulya barhayankiriraga obuzigire bw'okuli lyo bayishicizibwa. ¹¹ Okwola kwarhuma Mungu abarhuma mwo emisi yokubahabula,mpu lyo bayemera ebyo bunywesi. ¹² Mpu lyo balya boshi barhayemeraga,ebyokuli,ci banira okubi,bayishi hanwa. ¹³ Nirhu,benewirhu bazigirwa na Nnahamwirhu rhugwasirwe okukavuga Mungu omunkwa erhi mwe murhuma,bulya Mungu amulondwire kurhenga emurhondero mpu amucize,omubuceze bwa Muka Mutakatifu n'omubwemee bw'okuli. ¹⁴ Omukukolesa emyanzi y'omurhula,mpu lyomubona ubugashanire bwa Nnahamwirhu Yesu Kristu. ¹⁵ Ahoo,benewirhu,rhuyore rhusimisire,n'okuka kengera enyigirizo mwaya nkirire,erhi omu myanzi yirhu,erhi omu maruba girhu ¹⁶ Mashi Nnahamwirhu Yesu Kristu yenene, na Mungu larha,olya warhusimaga,n'okurhugashanira omukurhurhuliriza amango goshi n'obulangalire bwoshi, ¹⁷ Rhulirizanyagye emirhima yinyu,munayikomeze omungasi cijiro cinja n'omu ngasi mwanzi mwinja.