¹ Lona ngumtsetfo wemnikelo wesono. Longcwele kakhulu. ² Kufanele kubulawe lomnikelo wesono edzaweni yekuwubulala, kwamele bese unyenyeta lengati ngaphandle nasemaceleni ase lathini. ³ Onkhe lamanoni lakuyo atawunikelwa: lamanoni emsila, lamanoni lagcwele yonkhe lendzawo lengekhatsi, ⁴ letinso letimbili futsi nalamanoni lakuto, lese celeni kwelukhalo, naloku loku mbonya sibindzi, kanye naletinso-konkhe loko kumele kususwe. ⁵ Lompristi kumele ashise letintfo elathini njenge mhlatjelo lowentiwe ngemlilo kuSimakadze. Lona ngumnikelo wesono. ⁶ Wonkhe lomdvuna emkhatsini webapristi angayidla incenye yalomnikelo. Kufanele idliwe endzaweni lengcwele ngoba ingcwele kakhulu. ⁷ Lesono semnikelo sifana nemnikelo welicala. Lomtsetfo usebenta kuyo yomibili. Ibese iba yalompristi lowente lokuncusa ngawo. ⁸ Lompristi lonikela nganoma wabani loshisiwe umnikelo angatitsatsela yena lesikhumba. ⁹ Wonkhe walokutinhlavu umnikelo loyo lobhakwe esitofini, bese wonkhe lomnikelo lowaphekwa ngelucwembesu lelitfusi noma lucwembesu lekubhaka lutawuba lalompristi lowunikele. ¹⁰ Wonkhe umnikelo walokutinhlavu, nomangabe womile noma uhlanganiswe nema futsa, utawuba ngalokulinganako kuto tonkhe titukulwane taAroni. ¹¹ Lona ngumtsetfo wemhlatjelo wemunikelo wekuthula bantfu labatawunikela kuSimakadze. ¹² Nangabe noma ngubani awumukela kute atoletsa kubonga, kwamele bese ukunikela ngemnikelo wemhlatjelo wemakhekhe lentiwe ngaphandle kwembhiliso, kepha kubhicwe nemafutsa, emakhekhe lakhiwe ngaphandle kwembhiliso, kepha lahlanganiswe nemafutsa, bese ngemakhekhe lentiwe ngafulaha locosakele nalohlanganiswe nemafutsa. ¹³ Futsi lenhlonso yekuletsa kubonga, kufanele anikele ngemnikelo wakhe wekuthula ngemakhekhe esinkhwa lesine mbiliso. ¹⁴ Kumele anikele ngayinye inhlobo yalemihlatjelo njengemnikelo lowetfulwe kuSimakadze. Utawubese uba webampristi labanyenyeta ingati iminikelo yekuthula ngetulu kwelilathi. ¹⁵ Lomuntfu lotfula umnikelo wekuthula anikela ngenhlonso yekubonga kumele adle lenyama yemnikelo wakhe ngalelinga lemhlatjelo. Kumele angashiyi lutfo kute kube sekuseni. ¹⁶ Kepha nangabe lomhlatjelo wemnikelo wenjongo yesifungo, noma injongo yekutinikela, lenyama kumele idliwe ngalelilanga lanikela ngalo lomhlatjelo, kepha noma ngabe yini lesele kuyo ingadliwa ngelilanga lelilandzelako. ¹⁷ Nomake, nomangabe nguyiphi inyama yemhlatjelo lesele ngelilanga lesitsatfu kumele ishiswe. ¹⁸ Nangabe lenye yalenyama yemhlatjelo wekuthula idliwe ngelilanga lesitsatfu, angeke wemukeleke, noma ke angeke asemukeleka kulomnikati lowunikele. Kutawuba yintfo lenyanyisako, phindze lomuntfu lodlako utawutfwala licala lesono sakhe. ¹⁹ Noma nguyiphi inyama letsintsa intfo lengcolile kumele ingadliwa. Kufanele ishiswe. Mayelana nayo yonkhe lenyama, nanoma ngubani lohlobile angayidla. ²⁰ Kodvwa ke umuntfu longcolile lodla nomanguyiphi inyama kulomhlatjelo wekuthula wemnikelo locondzene naSimakadze-loyo mumtfu kumele asuswe ebantfwini bakhe. ²¹ Kepha nanoma ngubani lotsintsa intfo lengcolile-noma kungcola kwendvodza noma kungcola kwesilwane noma lokunye lokungcolile, intfo lenyanyisako- nangabe ubese udla incenye yenyama yemhlatjelo wekuthula locandzane naSimakadze, loyo mutfu kumele asuswe kubantfu bakibo. ²² Simakadze wase ukhuluma kuMose, atsi, ²³ ''Khuluma kubantfu baka Israyeli bese utsi, 'Ningawadli emafutsa etinkhomo, timvu, noma etimbuti. ²⁴ Lamafutsa alesilwane lesafa ngaphandle kwekubangumhlatjelo, noma lamafutsa esilwane lesadzabulwa tilwane tasendle, angasetjentiswa kuletinye tinjongo, kepha kumele vele ningayidli. ²⁵ Lonome ngubani lodla emafutsa esilwane leyo ndvodza itawunikela umhlatjelo ngemlilo kuSimakadze, loyo muntfu kumele akhishwe kulabantfu bakibo. ²⁶ Kwamele ungayidli ingati yesilwane noma ngabe ngukuphi lawuphila khona. ²⁷ Loyo lodla noma ngabe nguyiphi ingati, loyo muntfu utawususwa kubantfu bakibo.'''' ²⁸ Ngako Simakadze wakhuluma kuMose wase utsi, ²⁹ ''Khuluma kulabantfu bakaIsrayeli utsi, 'Loyo lonikela ngemhlatjelo wekuthula anikela kuSimakadze kumele aletse nencenye yemhlatjelo kuSimakadze. ³⁰ Lomnikelo waSimakadze lotawentiwa ngemlilo, tandla takhe lekumele tiwuletse. Kufanele aletse emafutsa emganga, Kute lomganga atewuphakamisela etulu awunikele embikwa Simakadze. ³¹ Umpristi kumele ashise lamafutsa elathini, kepha lomganga utawuba waAroni netitukulwane takhe. ³² Kumele unikele ngalelitsanga langasekudla kuloMpristi njengemnikelo lowetfulwe ngaphandle kwemhlatjelo wakho wekuthula. ³³ Lompristi, munye wesitukulwane saAroni, lonikela ngengati yekuthula umnikelo bese nemafutsa-utawutfola litsanga langasekudla njenge ncenye. ³⁴ Njengobe ngitsetse kubantfu baka Israyeli, lomganga lophakamiswe emnikelweni losetulu, bese lelitsanga lelisilekelelo, futsi aniketwe Aroni umPristi kanye nemadvodzana akhe njengeliphakelo. ³⁵ Leli liphakelo la Aron kanye netitukulwane takhe emnikelweni yaSimakadze leyentiwe ngemlilo, ngalelilanga lapho Mose labetfula ngalo kutsi bakhonte Simakadze emsebentini weba pristi. ³⁶ Lena yincenye leSimakadze layala kutsi iniketwe bona bantfu baka Israyeli, ngaleli langa agcoba bapristi. Sekuyohlale kuyincenye yabo kutotonkhe titukulwane. ³⁷ Lona ngumtsetfo wemnikelo wekushiswa, umnikelo wetinhlavu, umnikelo wesono, umnikelo wanembeza, umnikelo wekuhlanjululwa, umnikelo wemhlatjelo wekuthula, ³⁸ mayelana nalona Simakadze layiniketa imiyalo kuMose entsabeni iSinayi ngaleli langa ayala bantfu bakaIsrayeli kutsi banikele imihlatjelo yabo kuSimakadze ehlane eSinayi.'''