¹ Simakadze wakhuluma ku Mosi, watsi, ² "Tjela bantfu baka israyeli, 'Nangabe kukhona lowona ngaphandle kwekufuna, ente nome ngutiphi tetintfo simakadze layale kutsi tingentiwa, phindze uma enta intfo lengaka vumeleki, loku lokulandzelako kumele kwentiwe. ³ Nangabe kungumpristi lomkhulu lowonako kute atewuletsa kutisola kulabantfu, myekeleni anikelele tono takhe latentile ngenkunzi lencane lete sici kuSimakadze njengemnikelo wesono. ⁴ Kumele aletse lenkunzi ngasekungeneni kwaleli thenede lekuhlangana embikwaSimakadze, abeke sandla sakhe tikwenhloko yayo, bese uyayibulala lenkunzi embikwaSimakadze. ⁵ Logcotjiwe umpristi utawutsatsa lenye ingati yalenkuzi phindze ayitsatse ayimikise ethendeni lekuhlanagana. ⁶ Umpristi utawenya sandla semuno wakhe kulengati bese uyayifafata lenye yayo kasikhombisa embikwaSimakadze, embikwendvwangu yendzawo lengcwelengcwele. ⁷ Bese umpristi utawubeka lenye ingati tikwe timphondvo talelilathi temakha yemphepho embikwaSimakadze, ngekhatsi kwelithende lekuhlangana, utawubese uyitsela yonkhe ingati yalenkunzi ekucaleni kwalelilathi kwentela iminikelo leshisiswe, lengasekungeneni kwelithende lekuhlangana. ⁸ Utawu sika onkhe emanoni alenkunzi yemnikelo wesono; lamanoni lambonya kwangekhatsi, onkhe lamanoni lahlanganiswe nekwangekhatsi, ⁹ letinso letimbili kanye nemanoni lakuwo, lengematsebetsebe phidze nemanoni esibindzi, kanye newe tinso utawubese ukusika konkhe loku. ¹⁰ Utaku sika konkhe loku, njengobe ukusikile kule nkunzi yemihlatjelo weminikelo yekuthula. Utawubese umpristi ushisa leti tinhlangotsi telilathi yeminikelo. ¹¹ Lesikhumba sale nkunzi nayoyonkhe inyama lesalako, nenhloko yayo phindze netinyawo phindze nakwangekhatsi nemcuba wawo, ¹² nawo onkhe emalunga alenkunzi utawu tfwala onkhe lamalunga ngaphandle kwalenkambu awayise endzaweni lehlantekile, lapho batsela khona umlotsa; batawushisa onkhe emalunga tikwe sigodvo . Kumele bashise onkhe lawomalunga labatsele khona lomlotsa. ¹³ Nangabe sonkhe sive saka israyeli sona ngaphandle kwekufuna kona, phindze lesive singacapheli kutsi sonile phindze sente saletinye taletintfo Simakadze layale kutsi tingentiwa, phindze nangabe bayatisola, ¹⁴ bese nangabe bente sono siyatiwa, kutawubese lesive sidzingeka sinikele nge nkunzana njengemnikelo wesono phindze siwuletse embikwalelithende lekuhlanagana. ¹⁵ Labadzala kulelive batawubeka tandla etulu kwale nhloko yale nkunzi embikwa Simakadze, bese lenkunzi iyabulawa embikwaSimakadze. ¹⁶ Umpristi logcotjiwe utawuletsa lenye yalengati yalenkunzi kuleli thende lekuhlanagana, ¹⁷ umpristi utawenya umuno wesandla sakhe kulengati bese uyayifafata kasikhombisa embikwaSimakadze, embikwalendvwangu. ¹⁸ Utawubeka lenye yalengati kuletimphondvo talelilathi lelisembikwa Simakadze, lokungekhatsi kwelithende lekuhlanagana, utawubese ucitsa yonkhe yalengati kulesisekelo selilathi kwentela iminikeleo leshisiwe, lengasekungeneni kwelithende lekuhlanagana. ¹⁹ Utawubese usika onkhe emanoni lakuwo bese uyayishisa e lathini. ²⁰ Loku ngulokufanele akwente ngale nkunzi. Njengobe entile ngenkunzi yemnikelo wetono, njengobe atowenta ngalenkunzi, bese umpristi utawenta kuncusela, bese bayacolelwa. ²¹ Utawuphatsa lenkunzi ngaphandle kwale nkambu ayishise njengobe ashise leyekucala inkunzi. Lesi sono semnikelo wesive. ²² Nangabe umholi ona angakahlosi kona, enta tonkhe taletintfo Simakadze na Nkunlukulu labayale kutsi bangatenti, uyatisola ²³ bese sono lasentile siyatiwa kuye, kumele aletse imbuti njengemhlatjelo, lendvuna lete emabala. ²⁴ Utawubeka sandla sakhe etukwenhloko yalembuti bese uyayibulala endzaweni lapho khona bashisa iminikelo phambi kwaSimakadze. Lona ngumnikelo wesono. ²⁵ Umpristi utawutsatsa lengati yetono longumnikelo ngemuno wakhe ayifake kuletimphondvo teli alithari kushisa iminikelo, phindze utawutsela lengati ngaphandle kulesilo selilathi kwentela uminikelo loshisiwe. ²⁶ Utawushisa onkhe emanoni ngekhatsi kwelilathi, njengalamanoni emhlatjelo weminikelo wekuthula. Umpristi utawenta sihlalo semholi mayelana nekona kwakhe, phindze umholi utawucolwela . ²⁷ Nangabe umuntfu mbumbulu ona ngaphandle kwekuhlosa kona, ente nome yini yalentintfo Simakadze layala kutsi tingentiwa, bese nakabona kutsi wonile, ²⁸ sono lasentile sentiwa satiwe kuye, utawubese uletsa imbuti njengemhlatjelo wakhe, lensikati lete sici, kwentela lesono lasentile. ²⁹ Utawubeka sandla sakhe tikwenhloko yemnikelo wesono phindze abulale umnikelo wesono endzaweni yemnikelo loshisiwe. ³⁰ Umpristi utawutsatsa lenye yalengati ngemuno wakhe ayifake ngekhatsi kwetimphondvo telilathi yeminikelo loshisiwe. Utawutsela lengati lenye kulesilo selilathi. ³¹ Utawusika onkhe emanoni, njengendlela linoni lisikwa kumhlatjelo wemnikelo wekuthula. Umpristi utawubese uyawushisa ngekhatsi kweli alithali kwenta liphunga lelimnadzi kuSimakadze. Umpristi utawenta sihlalo sendvodza, bese utawucolelwa. ³² Nangabe indvodza iletsa imvu njengemhlatjeleo wesono kunikela, utawuletsa lensikati lete sici. ³³ Utawubeka sandla sakhe tikwenhloko yemnikelo yesono bese ubulalela umnikelo wesono endzaweni lapho khona bashisela umnikelo. ³⁴ Umpristi utawutsatsa lenye yalengati wenikelo wesono ngemuno wesandla sakhe ayifake ngekhatsi kwaletimphondvo telilathi kwenta umnikelo loshisiwe, phindze utawutsela yonkhe yalengati kulesilo selilathi. ³⁵ Utawusika onkhe emanoni njengendlela linoni lemvu lisikwa ngalo emhlatjelweni weminikelo yekuthula, phindze umpristi utawulishisela elathini tikwa lemnikeleo yaSimakadze leyentiwe ngemlilo. Umpristi utamentela sihlalosakhe setono latentile, bese lendvodza iyacolelwa