¹ Pilatu wase utsatsa Jesu wamshaya. ² Emasotja amlukela umchele wemanyeva. Bayibeka enhloko yaJesu bamgcokisa ingubo lebukhwebeletane. ³ Beta kuye batsi, "Bayethe, Nkhosi yemaJuda!" base bayamshaya. ⁴ Pilato waya ngaphandle futsi watsi kubo, "Bukani, ngimuletsa langaphandle kini khona nitokwati kutsi angitfoli licala kuye." ⁵ Ngako ke Jesu waphuma, afake umchele wemanyeva kanye nengubo lebukhwebeletane. Pilato watsi kubo, "Bukani, nayi lendvodza!" ⁶ Ngako ke bapristi labakhulu kanye netiphatsi mandla bambona Jesu, bakhala batsi, " Mbetseleni, Mbetseleni!"Pilatu watsi kubo, "Mtsatseni nimbetsele nine, ngoba angitfoli licala kuye." ⁷ EmaJuda amphendvula, "Sinemtsetfo, futsi ngekwemtsetfo kufanele kutsi afe ngoba utenta Indvodzana yaNkulunkulu." ⁸ Pilato nakeva loku, wesaba kakhulu, futsi ⁹ wangena emahhovisi embuso futsi watsi kuJesu, "Ubuyaphi?" Kodvwa Jesu akamphendvulanga. ¹⁰ Wase Pilato utsi kuye, "Awukhulumi nami? Awati yini kutsi nginemandla ekukukhulula, futsi nemandla ekukubetsela? " ¹¹ Jesu wamphendvula, "Kute emandla lonawo etikwami ngaphandle kwaloko lonikwe kona kusuka etulu. Ngako ke, loyo longinikele kuwe unesono lesikhulu." ¹² Kulemphendvulo, Pilato wetama kumkhulula, kodvwa emaJuda akhala, atsi, "Nawukhulula lendvodza, awusuye umngani waKhesaru.Wonkhe muntfu lotenta inkhosi ukhuluma amelane naKhesaru." ¹³ Pilatu nakeva lamagama, waletsa Jesu ngaphandle wahlala esihlalweni sekuhlulela lesibitwa "ngendzawo leyilwe ngematje ", kodvwa ngesiHebheru ibitwa, "ngeGabatha." ¹⁴ Nyalo kwakusikhatsi sekulungiselela liphasika, ngetikhatsi telihora lesitfupha. Pilato watsi kumaJuda, "Bukani, nayi inkhosi yeni!" ¹⁵ Bakhala, " Mtsatseni, mtsatseni, akabetselwe!"Pilato watsi kubo, "Ngiyibetsele yini Inkhosi yenu?" Bapristi labakhulu baphendvula, "Tsine site inkhosi ngaphandle kwaKhesaru." ¹⁶ Wase Pilatu ubanika Jesu kutsi bambetsele. ¹⁷ Base bayamtsatsa Jesu,waphuma, atiphatsele siphambano,endzaweni lebekutsiwa "indzawo yesikobho," lokungesiHebheru kubitwa "iGolgotha." ¹⁸ Bambetselela lapho, kanye naye nalamanye emadvodza lababili, munye ngencenye yinye, Jesu emkhatsini. ¹⁹ Pilato wabhala luphawu walubeka esiphambanweni. Bekubhalwe ; JESU WASENAZARETHA, INKHOSI YEMAJUDA. ²⁰ EmaJuda lamaningi alufundza loluphawu ngoba lendzawo Jesu labambetsela kuyo yayidvute nelidolobha lelikhulu. Loluphawu lwawubhalwe ngesiHebheru, si-Lathini, kanye nesiGrikhi. ²¹ Umpristi lokhulu wemaJuda watsi kuPilato, "Ungabhali, 'Inkhosi yemaJuda' kepha , 'Lona watsi, "NgiyiNkhosi yemaJuda.'" ²² Pilato waphendvula, "Loko lengikubhalile ngikubhalile." ²³ Emasotja nasambetsele Jesu, batsatsa timphahla takhe batehlukanisa eticukwini letine, sinye samunye ngamunye wabo; ngisho nayo lengubo. Lengubo yayite umtfungo, yayentiwe ngendvwangu yinye kusukela etulu. ²⁴ Base batsi kumunye ngamunye, "Asingayidzabuli, asijike emadayisi sitobona kutsi itoba yabani." Loku kwenteka khona umbhalo utofezeka lolotsi, "Behlukanisa timphahla tami bajika emadayisi bajikela timphahla tami." Loku ngulokwentiwa masotja. ²⁵ Lebebememe eceleni kwesiphambano saJesu bekungumake wakhe, dzadze wabomake wakhe, Mariya umkaClopas, kanye naMariya Magadalena. ²⁶ NaJesu abona unina kanye nebafundzi labatsandzako bemile edvute, ²⁷ watsi kunina, "Mfati, buka, indvodzana yakho!" Wabese utsi kumfundzi wakhe, 'bona unyoko!' .Ngalelo hora umfundzi wamtsatsa wamyisa ekhaya lakhe. ²⁸ Emvakwaloku, ati kutsi yonkhe intfo yaseyiphelele futsi khona umbhalo utofezela ,Jesu watsi, "Ngomile." ²⁹ Lijeke leliwayini lelimunyu lalibekiwe lapho, ngako ke bafaka sipontji basifaka egaleni baliphakamisela emlonyeni wakhe. ³⁰ Jesu nasamatsa leliwayini lelimunyu, watsi,"Sekuphelele."Wagoba inhloko yakhe wanikela umphefumulo wakhe. ³¹ Kwase kutsi emaJuda, ngoba kwakulilanga lekulungiselela, futsi ngoba umtimba wakhe angeke uhlale esiphambanweni ngeliSabatha ( ngoba lelo Sabatha lalimcoka kakhulu), ³² bacela Pilato kutsi babaphule imibala tabo bese bayatisusa. Emasotja ase ayeta aphula imibala tendvodza yekucala kanye neyesibili lebekabeyselwe naJesu. ³³ Nabeta kuJesu, babona kutsi abesavele afile, ngako ke abatiphulanga imibala yakhe. ³⁴ Kodvwa ke linye lalamasotja lamgwaza ngesikhali ehlangotsini, masinyane ingati nemanti yaphuma. ³⁵ Lolobone loku wafakaza, futsi imfakazelo yakhe iliciniso. Uyati kutsi loko lakusho liciniso khona nani nitokholwa. ³⁶ Ngoba letintfo leti tenteka khona umbhalo utofezeka, "Kute ngisho nalinye lematsambo lakhe liyawuphuka." ³⁷ Futsi, lomunye umbhalo utsi, "Batombuka loyo labamgwaza." ³⁸ Emvakwaletintfo leti, Josefa wase-Arimathiya, ngoba kusuka abengumfundzi waJesu ( kodwa ngemfihlo ngekwesaba emaJuda), wabuta Pilato kutsi angamtsatsa yini umtimba waJesu. Pilato wamvumela. Ngako ke Josefa wefika watsatsa umntimba wakhe. ³⁹ Nicodimasi naye weta, loyo ekucaleni weta kuJesu ebusuku. Abephetse inhlanganiselo yemure kanye nenhlaba,lebekulinganiselwa nemalitha langu-100. ⁴⁰ Ngako ke batsatsa umtimba waJesu bamgocota ngetembhatfo telineni bafaka nemakha, njengelisiko lemaJuda ekungcwaba umuntfu lofile. ⁴¹ Nyalo endzaweni lapho bebambetsele khona kwakunengadze; futsi engadzeni kwakunelithuna lelisha lapho bekute umuntfu lobekake wangcwatjwa khona. ⁴² Ngoba bekulilanga lekulungiselela kwemaJuda futsi ngoba lelithuna lalidvutane, babeka Jesu kulo.