¹ Emvakwekube Jesu akhulume lamagama, waphuma nebafundzi bakhe waya ngesheya kwe Kidron Valley, lapho bekunengadze labangena kuyo nebafundzi bakhe. ² Nyalo Judas, lobekatawuphika yena, naye abeyati lendzawo, ngoba Jesu abehlala aya kanye nebafundzi bakhe. ³ Ngako Judas, ahola sicuku semasotja nabogadzi belithempeli lababetfunywe baphristi labakhulu bakanye nebaFarisi, baya lapho netibane, emalambu netikhali. ⁴ Jesu, bekati tonkhe letintfo lebetenteka kuye, waya kubo wababuta, '' Nifuna bani?'' ⁵ Bamphendvula batsi, ''Jesu wase Nazeretha.'' Jesu watsi kubo, ''Nginguye''. Judas, Lowamtsengisa, bekeme nemasotja. ⁶ Watsi nakabatjela kutsi, ''Nginguye'', badeda bawela phansi. ⁷ Phindze wababuta, ''Nifuna bani?'', Baphindze batsi Jesu wase Nazareth ⁸ Jesu wabaphendvula watsi, nginitjelile kutsi nginguye. Nangabe nifuna mine khululani laba. ⁹ Loku bekwentelwa kugcwalisa lelivi lalisho: ''Kulabo leninginike bona, angikalahlekelwa ngumuntfu.'' ¹⁰ Simoni Phetro, lebenenkhemba, wayikhipha, wagalela sisebenti semuPhristi lomkhulu wasihhumbula indlebe yangesekudla. Libito lalesisebenti bekunguMalkhusi. ¹¹ Jesu watsi kuPhetro,'' Buyisela lenkhemba esikhwameni sayo. Kantsi angisengeke ngiyinatse lendzebe yelusizi Babe langinike yona?'' ¹² Lesicumbi semasotja nakapteni, bogadzi bemaJuda, babamba Jesu bambopha. ¹³ Bacala bammikisa kuAnasi, abe ngubabetala waKhayafase, lobekangumphristi lomkhulu kulowo mnyaka. ¹⁴ Khayafase bekunguye lowayala emaJuda kutsi kuncono kufe munye umuntfu afele bonkhe bantfu. ¹⁵ Simoni Phetro walandzela Jesu, nalabanye bafundzi.Loyo mfundzi bekatiwa ngumphristi lomkhulu, wangena naJesu enkantolo jalidi yemphristi lomkhulu; ¹⁶ kodwva Phetro bekeme emnyango ngephandle. Ngako lolomunye umfundzi lobekatiwe kumphristi lomkhulu, waphuma wayokhuluma nalentfombatane lebeyigadze umnyango, wangenisa Phetro'. ¹⁷ Lesisebenti lesisikati, lebesigadze umnyango, satsi kuPhetro,'' Awsiye yin incenye yebafundzi balendvodza?'' Watsi, ''Angsiye''. ¹⁸ Letisebenti nabogadzi bebamile lapha, babase umlilo, ngoba bekumakhata, batishisisa. Phetro bekeme nabo naye atishisisa. ¹⁹ Umphristi lomkhulu wase ubuta Jesu ngebafundzi bakhe netimfundziso takhe. ²⁰ Jesu wamphendvula, ''Ngikhulume ebaleni ngikhuluma nemhlaba wonkhe. Bengifundzisa esynagogue nasethemphelini lapho emaJuda ahlanganyela khona. angikasho lutfo lokufihlakele ²¹ Yini ubute mine? Buta labangiva ngikhuluma. Buka labantfu bangiva kutsi ngatsini.'' ²² Jesu nasekakhulume loku, munye wabogadzi lebekeme lapha washaya Jesu watsi, ''Yindlela lokhuluma ngayo nemphristi lomkhulu yini lena?'' ²³ Jesu waphendvula watsi, ''Nangabe ngikhulume kabi, fakazani ngalolokubi, nangabe kukahle, ningishayelani?'' ²⁴ Annasi wamutfumela aboshiwe kuKhayafase umpristi lomkhulu. ²⁵ Simoni Phetro bekemile atishisisa. Labantfu base batsikuye,'' awusuye yini munye webafundzi bakhe?'' Waphika watsi, ''Angisuye". ²⁶ Munye wetisebenti temphristi lomkhulu, lebekasihlobo salendvodza Phetro layijube indlebe, watsi ''Angikakuboni yini engadzeni naye?'' ²⁷ Phetro waphika futsi: masinyane lakhala licudze. ²⁸ Base bachuba Jesu wasuka eKhayafase waya emahhovisi lamakulu akahhulumende. Bekusekuseni, futsi abangenanga kulamahhovisi batokhona kutigcina batokhona kudla sidlo sePhasika. ²⁹ Ngako-ke Pilate waphuma waya ngephandle kubo watsi, '' Ngutiphi tinsolo lenitiletsa ngalendvodza?'' ³⁰ Bamphendvula batsi kuye,'' Kube lendvodza ite licala ngabe asikamuletsi lakuwe.'' ³¹ Pilate wase utsi, ''Mtsatseni nine, nimehlulele ngekwemtsetfo wenu.'' Ema Juda atsi kuye, ''''Site lilungelo lekubulala umuntfu.'' ³² Bakusho loku kuze livi laJesu litogcwaliseka lalalikhuluma nakachaza indlela latakufa ngayo. ³³ Pilate wangena emahhovisi phindze wabita Jesu watsi kuye, ''Nguwe yini inkhosi yemaJuda?'' ³⁴ Jesu waphendvula watsi, ''Utikhulumela wena yini na, noma labanye bakhulume nawe ngami?''. ³⁵ Pilate waphendvula watsi, ''Angisilo liJuda mine, ngingilo yini? Bantfu bakho nebahholi bakho bakuletsa kimi. Wenteni wena?'' ³⁶ Jesu waphendvula,''Umbuso wami akasuye wakulelive. Nangabe umbuso wami bekayincenye walomhlaba,ngabe balandzeli bami bangilwele kuze ngingatonikwa emaJuda. Kodvwa umbuso wami akasiye walana.'' ³⁷ Pilate wase utsi kuye, ''Uyinkhosi yini?'' Jesu wamphendvula,'' Utsi ngiyinkhosi. Ngatalelwa kona loku, ngetela kona loku, ngalesizizatfu ngeta emhlabeni, ngitokhona kufakazela liciniso. Wonkhe muntfu weliciniso uyaliva livi lami.'' ³⁸ Pilate watsi kuye, ''Yini liciniso"' Nasekashito loku, waphuma phindze wayakuma Juda watsi kubo, '' Angiliboni licala kulendvodza. ³⁹ Kodvwa ngelisiko kumele ngikhulule umuntfu munye ngePhasika. Manje niyafuna yini ngikhulule inkhosi yemaJuda kini?'' ⁴⁰ Base bayakhala futsi batsi, ''Hhai lendvodza lena, kodvwa Bharaba.''Bharaba abesigelekece.