¹ Letingilosi letimbili tefika eSodomu entsambama, asehleti Lodi egedeni lase Sodomu. Lodi watibona, wasukuma waya kuyohlangana nato, wafika waguca wabhekisa buso bakhe emhlabatsini. ² Watsi, '' ngiyanicela baphatsi bami, ngicela kutsi nigucukele endlini yesisebenti senu, niyohlala lobusuku, nigeze netinyawo. Nitabese niyavuka ekuseni nihambe endleleni yenu.'' Baphendvula, ''cha, sitocitsa busuku ekhatsi edolobheni.'' ³ Kepha waba gcizelela ngemandla' bagcine bahambe naye, bangena endlini yakhe. Walungisa kudla futsi wabhaka sinkhwa lesite imvubelo, babese bayadla. ⁴ Kepha ngaphambi kwekutsi balale, lamadvodza alelidolobha, emadvodza ase Sodomu, agegetela lendlu, bonkhe labancane nalabadzala, onkhe emadvodza alolonkhe luhlangotsi lwelidolobha. ⁵ Babita Lodi babese batsi kuye, ''Aphi lamadvodza lefikele kuwe ebusuku? Bakhiphele ngaphandle kitsi, kute sitokhona kuwati.'' ⁶ Ngako ke Lodi waphuma emunyango wayakubo wabese uvala umnyango emvakwakhe. ⁷ Watsi kubo, '' ngiyanincenga, banaketfu, ningenti lokubi. ⁸ Bukani, nginema dvodzakati lamabili langayati indvodza . Angibaletse lapha ngaphandle kini, ngiyanicela, nitawenta nomangabe yini lenhle emehlweni enu. Ningawenti lutfo lamadvodza lawa nje kuphela, ngoba bete phasi kweliphahla lendlu yami.'' ⁹ Batsi, ''kweshela emuva!'' Baphindze batsi, ''lona weta lana kutohlala njengewe sive, nyalo sobe ngumehluleli wetfu! Nyalo sito bhekana nawe ngaloku ngetulu kunabo.'' Bacindzetela kakhulu babheke lendvodza, babheke Lothi, babese basondzela madvute kutophula umnyango. ¹⁰ Kepha lamadvodza lawa alula tandla tawo babese baletsa Lodi ekhatsi endlini nabo bavala umnyango. ¹¹ Tivakashi taLodi tashaya lamadvodvza kutsi abe timphumphutse, labo labeme emnyango wendlu, bonkhe labancane nalabadzala, ngako ke bakhatsala uma betama kutfola lomnyango. ¹² Abese atsi lamadvodza kuLodi, '' ngabe unaye yini lomunye umuntfu lana? bakhwenyana, emadvodzana akho kanye nemadvodzakati akho, nangobe sengubani lonaye edolobheni, bakhiphe lana. ¹³ Ngoba siyobhubhisa kulendzawo, ngoba tinsolo tayo phambi kwa Simakadze seti setulu ngaloku usitfumele kutsi sitoyi bhubhisa.'' ¹⁴ Lodi waphuma wakhuluma nebakhwenyana bakhe, emadvodza lebeka tsembise kushada emadvodzakati akhe, watsi, '' sheshisani, niphume kulendzawo, ngoba Simakadze usetobhubhisa lelidolobha.'' Kepha bakhwenyana bakhe basuke bacabanga kutsi uyadlala. ¹⁵ Kusese ntsatsakusa, tingelosi tamucela Lodi, tatsi, ''' yive uhamba, tsatsa umfati wakho emadvodzakati akho lamabili lalana, kute angatsanyeleki esijezisweni selidolobha.'' ¹⁶ Kepha Lodi wangabata. Ngakoke lamadvodza amubamba ngesandla, kanye nemfati wakhe, kanye netandla temadvodzakati akhe, ngoba Simakadze abenemusa kuye. Babakhiphela ngaphandle bababeka ngaphandle kwelidolobha. ¹⁷ Uma sebaba khiphele ngaphandle, lomunye walamadvodza watsi, ''balekelani timphilo tenu! Ningabuki emuva, noma nihlale nomangabe ngikuphi nemacentselo. Balekelani entsabeni kute ningabhubhi.'' ¹⁸ Lodi watsi kubo, 'cha, baphatsi bami! ¹⁹ Sisebenti senu sitfole kutsandzeka emehlweni enu, nani futsi ningikhombise umusa ngeku sindzisa imphilo yami , kepha angeke ngikhone kubalekela entsabeni ngoba lomonakalo utangengca endleleni bese ngiyafa. ²⁰ Bukani, lelidolobha leli lidvute kubalekela kulo, futsi lincane. Ngicela ningivumele ngibalekele khona ( ngabe akusilo lelincane?), futsi nemphilo yami itawusindziswa.'' ²¹ Watsi kuye, '' akunakinga, ngivumela lesicelo lesi futsi, angeke ngilibhubhise lelidolobha loso khulume ngalo. ²² Sheshisa! Nibalekele khona, ngoba anginawukhona kwenta lutfo nite nifike khona.''. Ngakoke lelidolobha labitwa ngekutsi yi Zoar. ²³ Lilanga beseliphakeme emhlabeni uma Lodi efika eZoar. ²⁴ Laphoke Simakadze, wana phansi eSodomu nase Gomorrah lilangabi nemlilo lelivela kuSimakadze lehla esbhakabhakeni. ²⁵ Wabhubhisa lawo madolobha, nemacentselo, kanye nabo bonkhe bahlali bemadolobha, kanye netitselo betimila emhlabatsini. ²⁶ Kepha umfati wa Lodi, lobekase mvakwakhe, wabuka emuva, wagucuka waba sidvuli sasawothi. ²⁷ Abrahama wavuka lokwa ekuseni waya kulendzawo labekema khona embikwa Simakadze. ²⁸ Wabuka endasi endzaweni yase Sodom ne Gomorrah nedzawo lesema centselweni. Wabuka, wabona intfuntfu isuka emhlabeni ngatsi yintfutfu yemlilo lomkhulu. ²⁹ Uma Nkulunkulu sekawa bhubhisile emadolobha nemacentselo, Simakadze wabita Abrahama. Watfumela Lodi ngephandle kwe mbhujiso lapho abhubhisa emadolobha lapho bekahlala khona Lodi. ³⁰ Kepha Lodi wasuka e Zoar wayohlala etintsabeni nemadvodzkati akhe lamabili, ngoba abesaba kuhlala e Zoar. Wahlala emugedzeni, yena nemadvodzakati akhe lamabili. ³¹ Litubulo latsi kulo tfunjana, '' babe wetfu sogugile, futsi kute indvodza madvutane lengalala natsi ngetindlela telive. ³² Wota, sitodzakiswa babe ngeli wayini, sitokhona kulala naye, kuze sitokhulisa situkulwane sababe wetfu.'' ³³ Ngako-ke benta babe wabo wanatsa ngalo busuku. Lapho ke litubulo lahamba layolala neyise; abengati kutsi ulale nini, noma uvuke nini. ³⁴ Ngelilanga lelilandzelako litubulo latsi kulolomncane, '' lalela lana, itolo ngilele nababe wami. Asimunatsise liwayini nanamuhla kusihlwa, wena utawuhamba uyolala naye, kuze sito wandzisa situkulwane sakhe.'' ³⁵ Ngakoke banatsisa uyise liwayini ngalobo busuku phindze wabese lolomncane ulala naye. Abengati kutsi ulele nini nome uvuke nini. ³⁶ Emadvodzakati aLodi omabili akhuleliswa nguyise. ³⁷ Litubulo latala indvodzana, yametsa kutsi nguMoab. Waba lidloti lebantfu banamuhla lekutsiwa Moabites. ³⁸ Nalolomncane naye watala indvodzana, wayetsa libito watsi nguBen-Ammi. Waba lidloti lebantfu banamuhla lekutsiwa maAmmon.