¹ Nindigira akabhaga kanu kanyang'ondi afundukue ogumwi gwa gimbano mungati girya, nungwa oumwi wa bhanu abhesha emyoyo bhana naika kwa bhuraka bhunu bhwa susanaga na orukubha, "Nuje" ² Nindindingira yaliga iliwo ifarasi inyeru! Unu aliga ailinyirireko aliga abheye na imbakuri, nayanwa orusurya. Arobhokere rwomuigi unu aigire insonga aige. ³ Akabhaga kanu kanyangondi kafundukura orubhano rwakabhili, nonguwe obhuraka bhwaunu kesha omwoyo owakabhili naikati "Nuje!" ⁴ Kimwi ifarasi eindi nirobhoka, nkangaru rwa omuliro. Unu aliga alinyireko ayaywe obhuturo bhwa okusosha omurembe mkyaro, insonga abhanu bhetane. Unu aliga alinyereko ayaywe lisabha linene. ⁵ Akabhaga kanu kanyang'ondi kafundukura orubhano rwa akasatu, Nonguwe unu kesha omwoyo owa kasatu naika, "Nuje!" Nindora ifarasi inyirafuru, na unu aliga alinyireko aliga abheye na ikiiro mkubhoko kwaye. ⁶ Ninungwa obhuraka bhunu bhwasusanaga na obhwoumwi wabhanu abhesha emyoyo niyaika "Ekibaba kya ingano kwa idinari imwi na ebhibaba bhisatu bhya ishairi kwa dinari imwi, utaja kunyamura amafuta na idibhai. ⁷ Akabhaga kanu kanyang'ondi kafundukura orubhano rwa akana, nonguwe obhuraka bhwa unu kesha omwoyo wa kana naika, "Nuje" ⁸ Kweki nindora ifarasi ya lifu lifu. Unu ariga alinyileko abhilikirwaga lisiina ryaye ati rufu, na kuzimu yaliga ni murubha. Bhayaywe obhuturo iguru ya robo ya ekyaro. Okwita kwe sabha, kwa mweko na kwa bhurwaye, na kuntyanyi gya ibhara kukyaro. ⁹ Akabhaga kanyang'ondi kafundukura orubhano rwa akatanu, narorere emwaro wa majabhahu emyoyo gyabhanu bhaliga bhafuye kwainsonga yalingana rya Nyamuwanga na okusoka kubhweresha bhunu bhagatiriye kwa bhusimbiru. ¹⁰ Bhalilire kwabhuraka bhukuru "mpaka ruya, mtungi wa bhyone, mtakatifu wa ekimari, uramura bhanu bhekaye iguru ya ekyaro, na okulia ekisasi amanyinga geswe? ¹¹ Mbe bhuli umwi ayawe ikanju inyeru na mbabhwirwa ati abhendwa bharinde kutoto okuikira okukumira obhubhasi obhwene obhwa bhajuma bhejabho naabhayiri bhebhwe abhekigasi na bhekirume ikakumira bhanu bharifwa rwakutyo abhene bhafuye. ¹² Akabhaga kanu kanyang'ondi afundukuye orubhano rwa sansabha, narorere aligaliliwo liyararo likuru. Lisuubha lyabheye lirafuru rwa ligunira rya obhusinga, na okwesi okugima nkubha rwa amanyinga. ¹³ Ginyota gya murwire ngigwa kukyaro, rwa mati kutyo agaragasha amatwasho gendeko agakabhaga ka omuyaya gunu oguyembwa na ekiumba. ¹⁴ Orwire rwasokerewo rwa ligombo kutyo ryasiringisibhwe. Bhuri kima na lisinga bhya ng'anyibhwe isehemu yabhyo. ¹⁵ Mbe abhakama bhekyaro na abhanu, bhanu bhamenyekene na bhajemedari, abhanibhi, abhamanaga, na bhuri umwi unu ari mtumwa na huru, mbeibhisa munsenga, na mumatare ga ebhima. ¹⁶ Mbhabhwira ebhima na amatare, "Mkigwire! mkibhise kubhusu bhwaye unu ekaye kukitebhe kyo obhukama na okusoka kwisungu rya kanyangondi. ¹⁷ Kwokubhu urusiku orukuru orwa risungu ryebhe ruikire, na wori niga katura okuyambara?"