¹ Mbe kugayo nalorere bha malaika bhana bhayambaye mbalika ena egya ekyaro, mbasibhira emiyaga ena egya ekyaro kwa managa ati gusige kubhao muyaga gunu oguyemba kukyaro, iguru kunyanja amwi ati kwiti lyone lyone. ² Ni ndoa malaika owundi naj okusoka bhwuruka esubha, unu ariga abheye na orumbhano rwa Nyamuwanga unu kesha omwoyo. Narira kwo obhuraka bhwa iguru kubhamalaika bhana bhanu bhayaywe obhuturo bhwo kunyamura ekyaro na iryanja. ³ Msige kunyamura ekyaro, inyanja, amwi ati mati okuikira anu kyakamare kutura orubhano kubhisuusu bhyo obhusu bhwa abhajuma bha Nyamuwanga weswe. ⁴ Nuungwa obhwafu bhwa bhanu bhatuweko orubhano 144,000, bhanu bhatuweko orubhano okusoka kila eito rya abhanu bha ijiraeli. ⁵ 12,000 okusoka kwiito rya Yuuda bhanu bhatuuweko orubhano, 12,000 okusoka kwiito rya Lubheni, 12,000 okusoka kwiito rya Gadi. ⁶ 12,000 okusoka kwiito rya Asheer, 12,000 okusoka kwiito rya Naftaari, 12,000 okusoka kwiito Manase. ⁷ 12,000 okusoka kwiito rya Simoni, 12,000 okusoka kwiito rya Lawi, 12,000 okusoka kwiito rya Isakari. ⁸ 12,000 okusoka kwiito rya Jabhuroni, 12,000 okusoka kwiito rya Yusufu, kweki 12,000 okusoka kwiito rya Benjamini bhanu bhatuweko orubhano. ⁹ Okumara gayo nalolere lyariga liliwo eija enene atariwo munu unu akaturire kulibhara okusoka bhyaro bhyone kutyo, maito, nganda, na nyaika bhayambaye imbele ya ekitebhe kya obhukama na imbele wa ing'ondi bhariga bhafuaye kanju nyeru, bhabheye na amasha gagitende mumabhoko gebhwe. ¹⁰ Bhaliga mbabhilikira kwobhuraka bhwa iguru obhwerusha ni kunyamuwa unu ekaye kukitebhe kyo obhukama, na kanyang'ondi. ¹¹ Malaika bhone bhanu bhariga bhayambaye bhesingulire ekitebhe kyo obhukama na okwisingura abhakaruka na abhesha bhe mioyo bhana, mbayambara ansi kumayaru na mbatura ebhisusu bhyebhwe iguru kumayaru bhuwanga anga wekitebhe kyo obhukama mbaramya Nyamuwanga. ¹² Mbaika ibhekutyo! okukumya, obhugungyo, obhungwani, nkumyo, ekibharo, obhuturo na amanaga bhibhe kunyamuwanga weswe kajanende na kajanende Amina. ¹³ Oumwi wa abhakaruka bharya nabhusha "Bhanu nibhaga bhanu bhafuaye gikanju ginyeru, na bhasokere aki? ¹⁴ Nimubhwira, ratabhugenyi umenyere omwene, "Nambwira bhanu nibhanu bhasokere munyanko inkuru, bhafurire gingibho gyebhwe bhagikolere nyeru kwa amanyinga ga kanyang'ondi. ¹⁵ Kunsonga inu bhabheye imbele yekitebhe kyo obhukama ekyanyamuwanga, na abhamuramya omwene ngeta na mwisi munkerejia yaye. Unu ekaye iguru ye ekitebhe kya obhukama kanja libhuuru ryaye iguru webhwe. ¹⁶ Bhatakulora mweko kweki amwi ati kukabhibhwa kweki. Esuubha litakubhokya ebhiriira na omumwi. ¹⁷ Kwokubha kanyang'ondi unu aliagati wekitebhe kya obhukama alibha mrefi webhwe, nabhatangasha kuchemi chemi ya amanji go obhuworu, na Nyamuwanga alibhayeya kila esiga kumeso gebhwe.