¹ Kweki nindora bhimenyegesho bhyafu murwire, bhinene nabhyakurugusha, bhaliga bhariwo bhamalaika mungati abha obhubhumi mungati,bhunu bhwaliga bhubheye bhubhumi bhwa obhutero(kugayo risungu lya Nyamuwanga lyariga rikumiye). ² Narorere kinu kya robhokere okubha inyanja ya ekirore inu isasibhwe na omuriro, ayambaye mumbarika ya inyanja, nabhanu bhabheye bhaigi kuntyanyi nekisusano kyayo, naiguru ya inyuguta inu eiyambalira lisina lyaye, bhariga bhagwatiliye ebhironge bhinu bhayaywe na Nyamuwanga. ³ Bhariga mbemba orwimbo rwa Musa, omujuma wa Nyamuwanga, na orwimbo rwa kanyang'ondi wa Nyamuwanga: Emilimu gyao ni minene na gyakurugusha, Rata bhugenyi Nyamuwanga, unu outunga bhyone. ⁴ Niga atakutura okukubhaya awe Ratabhugenyi na okugungya lisina lyao? Kwo kubha awe omwene ulimtiama mweru. Ebhyaro bhyone kutyo ebhilija na okuku uramya imbele wao kwokubha awe urimujomu na ebhikorwa bhyao bhyamenyekene. ⁵ Gayo gejire okuwa, Narorere, abhweru muno ayo lyariga ririwo liuna rya okwaikira rinu ryegukiye murwire. ⁶ Okuso isehemu ya abhweru muno mbaja malaika mungati, abha obhubhumi mungati, bhafwaye bhifwaro bhijomu kitani inu eing'arabhya na omuchipi gwa ijaabhu gusingulire ebhifubha bhyebhwe. ⁷ Oumwi wabharya abhesha omwoyo abhana nasosha kumalaika mungati, gimbakuri mungati egya ijaabhu ginu gijuye risingu rya Nyamuwanga unu karama kajanende na kajanende. ⁸ Isehemu ya abhweru muno yejuye ingesi okusoka kubhugungyo bhwa Nyamuwanga na okusoka kubhuturo bhwaye. Atariwo ataumwi unu aturire okwingira, mpaka obhubhumi mungati bhwa malaika mungati anu bhwakumiye.