¹ Nalingiye nindora kanyang'ondi ayambaye imbele wani iguru ya ekima kya Sayuni. Amwi nawe bhaliga bhari 144,000 abharisina ryaye na erya esemwene ryandirwe kubhisusu bhya obhusu bhwebhwe. ² Nungwa obhuraka okusoka murwire obhuku rwa omurundumo gwa manji mafu na bhuraka bhunene bhwo orukubha. Obhuraka bhunu nonguwe ni rwabhabhumi bhebhinubhi, bhanu abhabhuma ebhinubhi bhyebhwe. ³ Mbemba orwimbo oruyaya imbele ya ekito bhe kya obhukama na imbele ya bhanu abhesha emyoyo bhana na abhakaruka. Atariwo ata wabhuturo bhakwiigira rwimbo ruyo tari ku 144,000 bhanu bherusibhwe okusoka mkyaro. ⁴ Bhanu nibhobharya bhatekotishe abhene kwa bhagasi, kwokubha bheyangaliye abhene kubhikorwa bha ijinaa; nibhanu bharubhire kanyondi wonewone anu agendaga. Bhanu bherusibhwe okusoka mubhanu bhabheye matwasho gakwamba kunyamuwanga na kukanyangondi. ⁵ Lutariwo rubheyi runu rwabheye mkanwa webhwe bhatakutetwako masoro. ⁶ Nindor malaika oundi nabhuruka agati ya rwire, omwene ni wa amang'ana amajomu agamurwire kwokurasisha bhanu arama mkyaro kukira kyaro, eito, nyayika, na bhanu. ⁷ Nabhirikira abhanu kwa bhuraka bhuru, Mubhaye Nyamuwanga na mumuyane obhugungyo. Kwokubha akabhiga ka indamuro karyayeyi. Muramye omwene, unu abhumbire orwire na ekyaro, na inyanja, na ichemu chemu ya manji. ⁸ Malaika oundi malaika wa akabhili narubhao naika, wagwa, wagwa, Bhabheli mukuru unu ounywesha ebhyaro idivai ya obhukaaba idivai inu iletele risungu iguru waye. ⁹ Malaika oundi owa kasatu abharubhire naika kwa bhuraka bhukuru wone wone unu akaramye intyanyi iyo na ekisusano kyayo, na okuramira orubhano kukisusu kyo obhusu bhwaye au mkubhoko, ¹⁰ omwene wone kanywa idivai ya risungu rya Nyamuwanga, idivai inu irosibhwe na okwitirwa bhutasasika nywa mkikombe kya risungu ryaye, omunu unu akanywe aliteswa mumuriro na omuiro gwa ekibhiriti imbele wa malaika bhaye abhatakatifu na imbele wa mwana kondoo. ¹¹ Naingesi ya obhuuta bhwebhwe nigenda kajanende na kajanende bhatabheye na kumunya mwisi na ngeta bhayo abharamya intyanyi na ekisusano kyayo na bhuri munu unu aramiye orubhano rwa lisina ryaye. ¹² Bhunu ni bhwito bhwa okurinda na okusimbira kubhekirisha, bhanu abhekirisha ebhiragiro bhya Nyamuwanga na obhwikirisha ku Kristu." ¹³ Nungwa obhuraka okusoka murwire niyaika, "Yandika ganu." Nyakara abhafuye bhanu abhafwa ku ratabhugenyi "Nkutyo" Kaika roho, "Bhature okumunya okusoka mumilimu (munyanko gyebhwe kwokubha ebhikorwa bhyebhwe ebharubha). ¹⁴ Nalingiye nindora lyariga ririwo elire eryeru na unu aliga ekaye murire ni umwi unu abheye kilengekanyo kya omwana wa omunu, aliga abheye na orusurya rwa ijaabhu kumutwe gwaye na omworo omugi mkubhoko kwaye. ¹⁵ Malaika oundi kweki ejire okusoka mwiyekalu na nabhilikira kwa bhuraka bhukuru okugenda kuu ariga ekaye murire: Gega omworo gwao wambe okugesa. Kwokubha akabhaga ka obhugesi kaikire, kwokubha ebhigeswa bhinu bhibheye mkyaro bhyaiye. ¹⁶ Kweki urya ariga abheye murire atusisha omworo gwaye iguru wekyaro, ekyaro nkinogwa. ¹⁷ Malaika oundi naja okusoka mwiyekalu rya murwire: Wone ariga abheye na omworo omugi. ¹⁸ Kweki malaika oundi naja okusoka kumajabhau, na malaika unu ariga abheye na obhuturo iguru ya omuliro. Wambhilikira kwa bhuraka bhukuru, malaika unu aliga abheye na omworo omugi "Gega omworo omugi ukumanye amasagi ga emijabhibhu okusoka ku mjabhibhu gwa ekyaro kwokubha woori gijabhibhu giiye. ¹⁹ Malaika asilile omworo gwae kukyaro na kumanya obhinogwa bhya ijabhibhu ya ekyaro na sukura mwipipa linene erya idivai yo risungu lya Nyamuwanga. ²⁰ Riyungisho rya idivai rya sanyagirwe sanyagirwe anja womusi na amanyinga ngetika okusoka mwisanjagiro rya ifarasi, kwa rugendo rwa maili 1,600.