¹ Paulo, Silwano na Timotheo kwa amakanisa gaa Thesaronike abha Nyamuwanga Raata na Raata Bhugenyi Yesu Kristu. Inema nomurembe mubhe nagwo. ² Ekisosha ikumyo ku Nyamuwanga kila mwanya kwa jiri yemwe bhone, ku mwanya gunu ekibhaika mu masasamo geswe. ³ Ekichuka bila kusiga imbere ya Nyamuwanga na Rata bhugenyi weswe emilimu gyemwe egya bhirikisha, obhwikomesha bhwe ryenda, Ma bhikomesha bhwo bhumara kwo kubha mwanya gundi Rata Bhugenyi Yesu Kristu. ⁴ Abhahiri bhanu mwenderwe na Nyamuwanga kimenyere obhujo bhwemwe. ⁵ Na kutyo ameresho geswe kutyo agaja kwemwe itari kama eng'ana era. Bari kwa managa, kwo moyo mweru, kwe kimori kwa inamuina Hirya, mumenyere kwambati eswe kyaga kibheye bhanu bha namnaki agati yemwe kwajili yemwe. ⁶ Mwariga mubheye bhanu bhwo kukiigira eswe na Raata bhugenyi, Rwa kutyo mwaramiye ring'ana kwa inyako nokujomerwa kwo moyo mweru. ⁷ Na ganu gejire kwo mufano gwa bhwone bha Makedonia na Akaiya inu abhamwikirisha. ⁸ Kwokusoka kwemwe ring'ana rya Nyamuwanga rigendere wone, maitari kwa bha Makedonia na abha Akaiya abhene. Kwa ajili yaye sehemu gyone obhwikirisha bhwemwe ku Nyamuwanga omurembe gwone, ma matokeo gaye kitakwenda kwaika kinu kyone kyone. ⁹ Kwo kubha bhayo abhene abhaika ubhuja bhweswe bhwariga bhuri bhwa namunaki kiti yemwe. Abhaikana kutyo mwamuringiye Nyamuwanga okusoka kwi sasano nokumwikirisha Nyamuwanga unu ariwo na niwe wekimari. ¹⁰ Bhasosishe ameresho kubha omumurinda omwana waye kusoka murwire, unu asurukire kusoka kubhafuye. Na unu niwe Rata bhugenyi unu kakitura kubhwera kusoka kunyako ino eija.