¹ Orusiku orumwi, Yesu hanu yehigiryanga abhantu mwisyengerero na okubharanka amang'ana amajomu aga Waryubha, abhakuru abha abhasyengeri na abhehigirya abha amaragiriryo hamwi na abhakaruka. ² Bhakahaira bhakamubhuurya ega, eukerye nkwabhuturoki orakora amang'ana ganu? Niwi yaakuhaana obhuturo bhuyo?" ³ Wonse akabhakyukya ega, akabhakeerya, nonse ndabhurye eng'ana munkeerye. ⁴ Obhubhatiiji obhwa Yohana. Bhwarwira kurwiire kasi kubhantu?' ⁵ Nawe bhakabhuraniya abhene, bhakagamba turagambe, bhwareka murwiire arabhuurye ndegwa mutamwikirirya?" ⁶ Na turagambe, bhwareeka kubhantu, abhantu bhonsego hanu bharatuteme amagina, kwa okubha bhonsego bheekirirya ega Yohana yaringa omurooti. ⁷ Kweego, bhakamuhunjura ega bhataamanya hanu yaarusya. ⁸ Yesu akabhakeerya, "Nonse ntakubhakeerya bheenyu nkwa obhuturoki ndakora amang'ana ganu." ⁹ Akakeerya abhantu ekirengyo kinu, ''Omuntu oumwi yaahamba omugunda ogwa emijabhibhu, akagukodisya kubharimi abha emijabhibhu. Na akagya ekyaro ekindi eribhaga etumbi. ¹⁰ Eribhaga hanu ryaahika akatuma omugaya kubharimi abha emijabhibhu bhakamutema bhakamuhunjukya mabhoko masa. ¹¹ "Kweeki akamutuma omugaya oundi wonse akatemwa na okukorwa obhubhibhi, bhakamuhunjukya amabhoko masa. ¹² Akatuma owakasatu kweeki wonse bhaka munyahara na okumweesa kibhara. ¹³ Kimwi omwene omuganda ekebhuurya, nkore egaki? Ndamutume omwaana waani omuhanje. Hamwi bharamusuukire. ¹⁴ Nawe abharimi abha emijabhibhu hanu bhaamurora, bhaabhuranya ega, unu ng'o arigabhirwa, tumwiite omugabho gwaaye gubhe gweetu. ¹⁵ Bhakamurusya mumugunda bhakamwita. Bhoono omwene okugunda aribhakora egaki? ¹⁶ Ariija asikye abharimi abha emijabhibhu, ahane abhandi omugunda gayo, "Bhonse hanu bheegwa gayo, bhakagamba, Waryubha yaangiri' ¹⁷ Nawe Yesu akabhamaha, akagamba, "bhono 'erigina rinu ryaangwa na abhahagaji ryaabha erya emberika? ¹⁸ Unu wonse wonse ararigwiire arabhunika bhusinja bisinja. Nawe unu riramugwiire ririmubhondora. ¹⁹ Kweego abhang'ori na abhakuru abha abhasyengeri bhakatuna omweeya ogw okumugwata kwibhaga riyo riyo, bhakamanya ega mbo bhakeriibhwe ekirengyo kiyo. Nawe bhakobhoha abhantu. ²⁰ Bhakamumahirira heene, bhakatuma abhantu bhanu bharabhurirya amang'ana bhanu bheekorya ega mba heene, naho bhanyoore obhubhibhi kwa amang'ana gaaye, naho bhamuhire kubhakuru na abhanangwa. ²¹ Bhonse bhakamubhurya, bhakagamba, "Omwi higirya, tumanyiri ega oragamba na okwihigirya amang'ana ga heene na otakung'ene reribhwa na omuntu wonse wonse, nawe uwe urehigirya bhwaheene kunjira eya Waryubha. ²² Bhono erenderwa bheetu okuriha erigooti kukaisari, kasi tiigo?" ²³ Nawe Yesu akamanya ekiina kyaabho, akabhakeerya, ²⁴ Munyorokye edinari. Ekisuuka na orubhaso ndwaari ruriko?" Bhakagamba "mbhya kaisari." ²⁵ Honse akabhakeerya, bhono muhane kaisari ebhyaaye na Waryubha mumuhaane ebhyaaye. ²⁶ Abhang'orya na abhakuru abha abhasyengeri bhakabhurwa kinu bharagambe kubhantu. Bhakaruguura obhugambe bhwaaye na bhakakira kiri. ²⁷ Abhasadukayo abhandi bhakamugyako, bhanu bharagamba ega obhuyuuki bhutariho, ²⁸ Bhakamubhuurya bhakagamba, "omwihigirya Musa yatung'ore ega nyoore omuntu arabhe na omuhiiri unu yana omukari atana omwaana arenderwa okumugega omukari owa omuhiiri waaye na okwibhura nawe kwa okukorera mura waabho. ²⁹ Bhangaho abhahiiri muungati owambere akateta, akakwa atebhwiriko omwaana, ³⁰ na owakabhiri wonse. ³¹ Owakasatu akamugabhirwa ego ego, kyego ego owamuungati atatigako abhaana akakwa. ³² Eginsiku gyaahita omukari urya wonse akakwa. ³³ Kubhuyukibhwa aribha omukari waawi? Kwa okubha bhonsego muungati bharinga bhamuteteri. ³⁴ Yesu akabhakeerya, abhantu bhaamukyaro kinu bharateta na okutetwa. ³⁵ Nawe bhanu bharenderwa okuyukibhwa okurwa ku abhaku na okusoha kubhuhoru obhwa eginsiku gyonsego bhatariteta na bhataritetwa. ³⁶ Bhatarikwa kweeki, kwa okubha bharibha kya bhamaraika na mbana bha Waryubha, abhana abhayuuki. ³⁷ Nawe ega abhaku bharayukibhwa, na Musa yoorokya ahasi kwi eng'ana eya ekisaka, hanu yabhirikira omukuru ega ng'o Waryubha owa Ibrahimu na Waryubha wa Isaka na Waryubha wa Yakobo. ³⁸ Bhono weeki atari Waryubha owa abhaku, nawe owa abhahoru, kwa okubha bhonsego bharekara owaaye." ³⁹ Abhehihirya abhandi abha amaragiriryo bhakamukyukya ega, omwihigirya ogambiri bhwaheene. ⁴⁰ Bhatasagya kumubhuurya amang'ana agandi kweeki. ⁴¹ Yesu akabhakeerya, "Nkweegaki abhantu bharagamba ega Kristu ariingi omwana wa Daudi. ⁴² Nawe Daudi omwene aragamba kukitabho ekya ejahuri: Omukuru akamukeerya omukuru waani: Ikara okubhoko okwa obhuryo, ⁴³ ngondeeke abhasigu bhaaho hinsi kumaguru gaaho. ⁴⁴ Daudi akamubhirikira Kristu, Omukuru, arabhe egaki mumwaana wa Daudi? ⁴⁵ Abhantu bhnsego hanu bhamwitegereranga akabhakeerya abhehigirya bhaaye, ⁴⁶ "Mwiyangararire na abhang'orya, bhanu bhahanjiri okugeenda bheebho heri emyenda emitambi na bhahanyiri okukeera nibhwa bhuundi kumidiira na ebhitumbi ebhijomu mumasinagogi, na ahasi anu arasukwa kubhyo kurya. ⁴⁷ Bhoonse bhararya mumigi egya abhasino, na bharekorya bharasabha ensaara entambi. Bhanu bharijibhibhwa bhukongu.'