1
Te suang jaman bayuh gagah Allah bepande ali datu nini taka lalo kawan nabi ali deo masam cara.
2
Et te jaman kado iheda bepander tong taka ali lalo Anak ye. lalo Anak ye ihe Allah ngene denia ali kekawus tesuang ye nelang Allah apu nundru Anak ye ihe ade naan hak puun ala kekawus.
3
Da cahaya kemuliaan Allah ye naan ; Da gambar ye sempurna keunuk Allah.Da ade memeliharakebuen denia ali kekawus ye tesuang ye makai engan ye bene bekuasa.Uli Da ngokoi harapan meresia dian ngehapus kekawan dosa dali, tuet te sila sanan te surga sendro ali Allah,penguasa ye paling moo.
4
Anak iro mahan runa tuet lewi moo kemalelak.nelang aran ye na okoi Allah tong da ade oro lewi na hormat ke aran ye na okoi tong malaikat. Belong
5
beloh pini Allah ngulek nget ihe tong sunah erai keulun malaikat. Ko Anak ab te olo ihe ab jaji Ma ko. beloh pini ade Allah ngulek nget ihe nget malaikat kame ye Ab sagar jaji Ma da, nelang da sagar jaji Anak Ab.
6
kede te suang Allah ngutus Anak ye pertama tong suang denia ihe,Allah ngulek nget ihe, kawus malaikat Allah harus nyembah Anak ihe.
7
nget kawan malekat, Allah ngulek nget ihe, Allah ngene kawan malaikat ye jaji enus nelang kawan pelayan ye jaji dolan apui.
8
Nget tong Anak ye iro Allah ngulek"tahta ko Allah, sagar naan empe se ola -ola ye.pemerintahan ko puna pemerintahan ye adil.
9
Ko ketuju tong keadilan, et muar tong sulas durhaka, iro leka ye Allah,Allah ko, meli ko nelang ngokoi tong ko kehormatan ye ngoit ke ego, lewi kekawan uyang ko.
10
Allah ngulek ade, ko, Tuhan,ye asal ye ngene tana nelang ko gegales ngene langit.
11
Kekawus ye iro sagar jaweh nelang jaji usang nget pama et ko beloh sagar beubah.
12
Denia ali kekawus ye te suang ye sagar na lepet ko nget karut. nelang sagarna ganti ko ali ye lain.et ko sa pini tau beubah, nelang pemolum ko sa tau tunek.
13
Allah beloh pini ngulek nget ihe mudah tong erai keulun malekat" tuet te sila sanan ab, empe kawan musuh ye na pekaleh ab tong ko.
14
Aka nget iro, se sebujur ye kawan malaekat iro ? dali ye iro kawan roh ye melayani Allah, nelang ye na siu Allah pakai ngawat kawan ulun ye sagar nerima keselamatan?.