¹ Iro leka ye taka harus mege teguh te kawan ajaran ye apu na dinga taka, dian taka ya ngikah kepercayaan taka. ² Kawan paket ye apu na pekempe ene kawan malaekat tong datu nini taka bujur bene,nelang ulun ye sa nerima ye atawa sa ngunau bujur ye sagar na hukum nget leen pengkoe ye. ³ Eso ye ali keselamatan ye lewi solai kekawan paket iro! aka taka beloh naan perhatian ali keselamatan iro, betantu taka beloh sagar muntis kehukuman.leka Tuhan ye membatangngulek keselamatan iro, nelang kawan ulun ye one ngeringa ye apu membukti sebujur ye tong taka. ⁴ Uli iro Allah ngokoi kesaksian kawan ulun iro ali ngene deo macam keajaiban nelang kawan hal ye luar biasa nelang magi kawan pengokoi ke roh Allah menurut ga da. ⁵ Kawan malaekat beloh mahan kuasa ke Allah dian merintah denia kado ye sagar naan, ye iro denia ye desung na pander taka ihe. ⁶ Kebalikan ye, te erai bagian te suang surat berasih nget ihe : "meresia iro se, u.Allah, empe ko hakun ngingat ye? meresia je meresia bene leei, et ko ngingat nelang sayang Da! ⁷ Je erai erep da ngene da randah kemelekat. Ko ngokoi tong Da kedudukan ye mulia nelang na hormat. ⁸ Nelang ngene da bekuasa te moo ke kawus " Nah, amun na otus Allan ngene meresia" bekuasa te moo kekawus" iro pasti beloh naan sunah erai ye sa tewa kekuasaan meresia.biar nget iro, nehe taka beloh kite meresia bekuasa te moo nget kekawus. ⁹ Et taka apu kite yesus bekuasa! erai erep da na tentu rendah ke malaekat, dian ngene kebuen ate Allah da tau mate tong kekawus ulun meresia. taka kite da nehe na okoi kedudukan ye mulia nelang na hormat ngene da apu kone kenarean empe mate. ¹⁰ Puna apu sepatut ye Allah ye ngene kekawus nget kehendak da ngene Yesus penyelamat ye sempurna lalo kenare.ali nget iro Allah mahan ngoit ulun deo dian siut na mulai sendro Yesus.leka da ye ngugah alan tong dali dian tau na selamat. ¹¹ Yesus ngeberasih meresia kekawan dosa dali, nelang dali ye naberasih iro, uras anak ke erai ma. iro leka ye Yesus beloh mangen mengaku dali iro yelah kawan erai butung. ¹² Yesus ngulek tong Allah" Ab sagar ngulek tong kawan erai butung ab nget ko. Ab sagar ngehormat ko tesuang kumpulan dali." ¹³ Yesus ngulek ade," ab percaya te Allah." nelang da ngulek eso, ihe ab, sendro kawan anak da ye apu na okoi Allah tong ab. ¹⁴ Leka ngene kawan ulun ye na otus ye anak iro, ye iro meresia ye tau mate,belalu Yesus gegales sameh nget nelang bolum te suang leen meresia . ye ngene nget iro dian lalo pempate da ye nget iro nyengkaleh iblis ye bekuasa te moo pampate. ¹⁵ Makai cara iro da ngebebas kawan ulun ye seola da bolum na pebudak ene takut ali pampate. ¹⁶ Jaji bene sa malaekat ye na awat da, melainkan anak buah Abraham. ¹⁷ Ihe berarti da harus sameh ali kawan erai butung te suang ke kawus hal belalu ali nget iro da tau jaji imam solai ye setia na kasih sayang lalo pelayanan da iro dosa meresia ahan na ampun. ¹⁸ nelang leka da apu pini kune kesusah nelang na cobai,da mahan ngawat kawan ulun ye kune pencobaan,leka da apu pini na coba nelang kune kesusahan/ kenarean.