Ulun Percaya Natembene Nyelalo Iman ¹ Hei ko, ulun-ulun Galatia ye galu! Dase ye apu memesona ko? Sa sih te one mate ko Yesus Kristus keitean na salib te botuk ulun? ² Erai hal ye kakan ap situk tong ko, se ko nerima Roh leka monyo siut Hukum Taurat, atawa leka keringa ali iman? ³ Galu bene ye ko? Ko apu nyentela ye ali Roh, se ko nehe kakan nyempunah ye ali isi? ⁴ Beloh be di ko nyelalo deo bene kesusahan iro, aka iro bene sa bedi? ⁵ Jaji, sa Da ngokoi Roh tong ko ali ngene muljizat te botuk ko leka ko ngejalani Hukum Taurat, atawa leka ko keringa neke iman? ⁶ Sameh nget Abraham ye harap tong Allah et hal iro na hitung tong da ngetb kebenean. ⁷ Leka iro, na kentoan et ulun-ulun ye beiman ye na otus tia-tia Abraham. ⁸ Kitab Suci, ye apu na kentoan se male ye, et Allah sagar nembene ulun-ulun ye sa Yahudi leka iman, apu pengeone nengkabar Injil tong Abraham ali ngulek , "Kawus bangsa sagar naberkati nyelalo ko." ⁹ Jaji, dali ye beiman sagar naberkati besendro ali Abraham ulun ye percaya iro. ¹⁰ Kawus ulun ye pereket ali gawian Hukum Taurat naan te wa kutuk, leka naan te surat: "Na kutuk tiap ulun ye sa tunuk te se segala ye na surat suang Kitab Hukum Taurat ali ngegawi ye." ¹¹ Jaji, keitean bene nehe et beloh naan erai ulun ade ye na tembene te one wae Allah et Hukum Taurat, leka "Ulun bene sagar bolum et iman." ¹² Leka iro, Hukum Taurat sa na dasar te iman, sebalik ye, "Ulun ye ngene Hukum Taurat sagar bolum leka ye." ¹³ Kristus nowus taka neke sumpah Hukum Taurat ali ngejaji sumpah dian taka, leka naan na surat "Na sumpah ulun ye na gonteng te kayu salib!" ¹⁴ Ali naan suang Yesus Kristus, berkat Abraham tau empe tong ulun-ulun sa Yahudi kede ali iman taka tau nerima Roh ye apu na janji iro. Janyi Allah Ali Hukum Taurat ¹⁵ Kawan erai butung ap sagar ngokoi contoh neke bolum olo demi olo, ali pernjanyian ye apu na sah, bele je kontrak ke meresia tong meresia, beloh naan ulun ye tau pekore ali nameh se ade suang perjanyian iro. ¹⁶ Nehe, naan perjanyian ye na pekempe Allah tong Abraham ali tong keturunan da. Allah sa ngulek, "...tong keturunan-kerturunan da, "Ye nundru tong deo keturunan ..."ali tong keturunan ko, " ye berarti nundru tong erai ulun, yeiro Kristus. ¹⁷ Maksud ap, Hukum Taurat ye sulet opat jotus tolu pulu taun uli iro tau pekore perjanyian ye apu na sah ene Allah. Jaji, perjanyian iro sa tau napejaweh ¹⁸ Aka empe warisan na dasar tong Hukum Taurat, et warisan iro sa li na dasar tong perjanyian. Et iro Allah meanugerahkan ye tong Abraham nyelalo erai tie perjanyian. ¹⁹ Jaji, kune me naan Hukum Taurat? Hukum Taurat na okoi leka kesala-kesala, empe keturunan iro sulet nget ye namaksud suang perjanyian iro. Hukum Taurat na ene ye lalo kawan malaikat ali perantara. ²⁰ Et perantara sa je dian nganti erai ulun, et Allah je erai. Tujuan Hukum Taurat ²¹ Aka nget ro, se Hukum Taurat berlawanan ali perjanyian Allah? Tentu saja tidak! Leka Hukum Taurat na okoi dian mahan ngokoi bolum, kebenean psti beasal ke Hukum Taurat. ²² Et iro, Kitab Suci apu nahan se segala ye ali uras ulun ye te wa dosa dian perjanyian ali iman suang Yesus Kristus Yesus tau na okoi ntong dali ye percaya. ²³ Semale iman sulet, taka na petawar te wa Hukum, na tahan nget penjahat empe iman ye sagar sulet na yatakan. ²⁴ Ali nget ro, Hukum Taurat ye nget pengawas dian taka empe Kristus sulet dian taka mahan na tembene ene jman. ²⁵ Nehe jiman iro apu sulet. Taka sa li makai Hukum Taurat jaji ye nyempining taka. ²⁶ Suang Yesus Kristus , kawus ye iro ko kawan tia-tia Allah nyelalo iman. ²⁷ Ko kawus apu na baptis suang Kristus ali apu nyua Kristus. ²⁸ Beloh naan li ulun Yahudi atawa ulun Yunani budak atawa ulun ye bebas, upo atawa bawe leka ko kawus erai suang Yesus Kristus. ²⁹ Aka ko ye nempuun Kristus, ko ye iro keturunan-keturunan Abraham ali ahli-ahli waris sameh ali perjanyian.