Pengakuan Kawan Rasul Munan Paulus ¹ Opat belas taun ukah kero, ap mulik li tong jaa Yerusalem ali Barnabas ali ngoit Titus sendro ap. ² Ap tulak leka naan erai pernyataan ali dian ngejelas tong dali nget me leen Ijil ye ap tengkabar te botuk ulun-ulun sa Yahudi. Et, ap ngene ye suang sengkeruku pribadi, yeiro je ali dali ye bepengaruh dian memasti et se ye ap gawi ali apu ap gawi ali beloh sia-sia. ³ Leka, Titus ye sendro ap, sa usah na sunat bele daulun Yahudi. ⁴ Hal ihe jaji leka naan kawan erai butung palsu ye enteng-enteng mo tong suang ali bepura-pura dian ngintai kebebasan ye naan te taka suang Yesus Kristus dian taka na oit mulik tong perbudakan. ⁵ Et iro kain sa hakun tunuk tong dali se erep ade dian kebeneanInjil tatap nono suang ko. ⁶ Et neke ulun-ulun ye bepengaruh ihe, ye kedudukan ye sa penting dian ap leka Allah sa ngebeda-beda, dali sa nameh se-se dian ap. ⁷ Sebalik ye dali kite et tong ap apu na ercaya Injil dian ulun-ulun ye besunat, sameh nget Petrus ye napercaya Injil dian ulun-ulun ye besunat. ⁸ Leka, Da ye apu begawi lalo Petrus di jaji rasul dian ulun-ulun Yahudi. ⁹ Uli Yakobus, Petrus, ali Yohanes, ye na teneng nget saka guru dian jemaat menyadari anugerah ye na okoi tong ap, dali ngokoi kami sanan persekutuan tong Barnabas ali tong ap dian kain tulak ke ulun-ulun sa Yahudi, ali dali tulak ke ulun-ulun besunat. ¹⁰ Dali je kaweng kain di kingat tong ulun-ulun susah, erai hal ye ap gales besemangat bene di ngegawi ye . Paulus Petendre Kesala Petrus ¹¹ Et kede kefas sulet tong kota Antiokhia, ap terang-terangan menentang ye leka jelas bene da besalah. ¹² Leka semale ulun-ulun ye napeli neke kalangan Yakobus. Sulet, Kefas apu tau eman sendro ali ulun-ulun Yahudi. Et kede dali sulet, da mulai munur ali bepisah unuk leka takut tong kumpulan ulun ye besunat. ¹³ Ulun-ulun Yahudi ye bali siut begawi bepura-pura sendro da, empe Barnabas ade siut taang leka kepura-pura dali. ¹⁴ Kede ap kite leka dali ngene kelakuan ye sa erai alan ali kebencian Injil, et iro ap ngulek tong Kefas te one kawus ulun, "Amun ko ulun Yahudi bolum nget sa ulun Yahudi, nget me tau ko maksa ulun ye sa Yahudi dian bolum nget ulun Yahudi?" ¹⁵ Taka ye ihe ulun-ulun ye na belolos nget bangsa Yahudi ali sa nget ulun-ulun ye bedosa neke bangsa ye sa Yahudi. ¹⁶ Et, taka ketoan leka sa erai ulun ade na tembene leka ngene Hukum Taurat, et lalo iman suang Yesus Kristus. Et taka ade apu harap tong Yesus Kristus dian taka na tembene ene imam suang Kristus, sa leka ngene Hukum Taurat. Leka, sa erai ulun ade natembene leka ngene Hukum Taurat! ¹⁷ Et kede, sementara taka beusaha tong natembene suang Kristus, taka ye lejka bedosa, apakah berarti Kristus adalah pelayan dosa? Tentu ye sa! ¹⁸ Aka ap nemuet li se ye apu na pehansur ap, ap ngebukti leka ap ye iro erai ulun ye sa taat ali hukum. ¹⁹ Leka lalo Hukum Taurat , ap apu mate dian Hukum Taurat di maham bolum suang Allah. ²⁰ Ap apu na salib ali Kristus . Sa li ap ye bolum et Kristus ye bolum suang ap. Nehe ap bolum suang isi ye iro bolum ene iman suang Tia Allah, ye tekasi ap ali apu ngokoi unuk-Da dian ap. ²¹ Ap sa nengkore anugerah Allah et aka kebenean sa sulet lalo Hukum Taurat, sia-sia aa pempate Kristus!