Paulus Tei Jaa Efesus ¹ Hal ihe terjadi, sementara Apolos naan tei Korintus, Paulus lalo daerah pedalaman mpe tei Efesus. Tei baro, da sengkeruku sesenu murid. ² Paulus bepaner ntong dali, "Se kah ko nerima Roh Kudus kede ko apu jaji harap?" Dali nuing, "Beloh, bahkan kemali male pini keringa bahwa naan Roh Kudus," ³ Belalu, Paulus bepaner, "Tei suang me, uli iro ko na baptis? "Tuing dali, "Tei suang me, uli iro, ko na baptis? "Tuing dali , "Tei suang baptisan Yiohanes." ⁴ Paulus bepaner, "Yohanes ngebaptus ali baptisa pertobatan, nelang pekempekawan ulun dian harap ntong erai ke ulun ye sagar sulet ulu da, ye iro ntong Yesus." ⁵ Uli dali keringa hal ihe, dali na baptis tei suang aran Tuhan Yesus. ⁶ Uli jro, kede Paulus apu ngonok kami da munan dali, Roh Kudus sulet ntong munan dali, belalu dali mulai bepaner suang sesenu bahasa ali bernubuat. ⁷ Kawus dali deo ye ke kira due belas ulun kawan upo. ⁸ Maka, Paulus letep ntong Sinagoge uyang bepaner ali ronu kengola tolu bulan, nelang betukar pikiran ali meyakinkan dali mengenai Kerajaan Allah. ⁹ Akan tetapi, kede sesenu ulun mengaras ate ali sa hakun hara, nelang ngulek hal-hal ye daat mengenai alan iro tei hadapan ulun deo, Paulus ngikah dali ali ngayak kawan murid tulak, nelang betukar pikiran tiap olo tei sekolah Tiranus. ¹⁰ Hal ihe kengola due taun sehingga kawus ulun ye nono tei Asia keringa Firman Tuhan, buen kawan ulun Yahudi atauwa kawan ulun Yunani. Tia-tia Skewa ¹¹ Allah ngene deo mukjizat ye luar biasa lalo kami Paulus, ¹² sehingga sapu tangan atauwa lap kami ye pini kune upek Paulus na oit ntong kawan ulun sakit, maka penyakit dali jaweh ali roh-roh dasat losek kedali. ¹³ Namun, sesenu pengusir setan Yahudi ye malan ngeliling beusaha ngotus aran Tuhan Yesus munan kawan ulun ye kerasukan roh-roh daat nelang bepaner, "Ap nyumpah ko suang aran Yesus ye Paulus pekempe!" ¹⁴ Turu tia upo Skewa, erai ke ulun imam besar Yahudi, ye ngene da. ¹⁵ Akan tetapi, roh daat iro nuing ali bepaner ntong dali, "Ap ketaru Yesus ali ap ketoan mengenai Paulus, tapi dase ko?" ¹⁶ Belalu, ulun ye kerasukan roh dast iro numping ntong arah dali, ali bekuasa munan dali, ali pekaleh kawus dali sehingga dali buyo ke belai iro suang keadaan belawoi ali soo. ¹⁷ Kawus warga Efesus ketoan hal ihe, bulun kawan ulun Yahudi atauwa kawan ulun Yunani. Ali kawus dali jaji takut ali aran Tuhan Yesus magin na muliakan. ¹⁸ Deo ke antara dali ye apu jaji harap tatap sulet, nelang ngaku ali pekempe perbuatan-perbuatan dali. ¹⁹ Belalu, deo kedali ye pini ngene sihir, nyimpun buku-buku dali ali nyelukut ye tei hadapan kawus ulun. Ali, dali nyereken nilai buku-buku iro ali ruku nilai ye mpe 50.000 kaping perak. ²⁰ Jaji, Firman Tuhan sleur tumu ali berkuasa. Paulus Merencanakan Perjalanannya ²¹ Uli hal-hal iro punah, suang Roh, Paulus berencana tulak ntong Yerusalem uli da apu lalo Makedonia ali Akhaya nelang bepaner, " Uli ap naan tei baro, ap ade harus neneng Roma ," ²² Ali, uli ngutus due ulun ye melayani da ntong Makedonia, ye iro Timotius ali Erastus, da lei nono sesenu waktu tei Asia. Demetrius Ngene Kekacauan Tei Jaa Efesus ²³ Sekira waktu iro, tei baro terjadi kerusuhan ye sa halus mengenai alan iro. ²⁴ Sebab, naan ulun bearan Demetrius, erai keulun panei perak, ye ngene kuil-kuil perak Dewi Artemis, ngokoi hasil ye sa idis di kawan tukang ye. ²⁵ Kawan tukang ye iro da kumpul sendro ali kawan tukang tei bidang ye sameh ali bepaner, "Kawan aben, ko ketoan bahwa kesejahteraan taka asal ye ke perusahaan ihe. ²⁶ Belalu, ko kite ali keringa bahwa, saje tei Efesus melainkan ane tei kawus Asia, Paulus apu ngene yakin ali ngene ulun deo mulik nelang ngulek bahwa Allah ye na ene ali kami mersesia baa ke Allah. ²⁷ Hal ihe bebahaya sa je bahwa usaha taka sagar lotu ntong suang kehinaan, tapi ade kuil Dewi Artemis ye agung iro sa sagar idis pun na perhitungkan, ali da, ye na sameh tei kawus Asia ali dunia, sagar jaweh keagungan ye." ²⁸ Kede dali keringa hal ihe, dali jaji tamam bereket ali ngraring, "Solai ko Artemis, dewi ulun Efesus!" ²⁹ Belalu, jaa iro na tempunu ali kekacauan ali dali begarak sesendro ntong gedung kesenian nelang mair Gayus ali Aristarkhus, ulun Makedoniaye iro ye iro uyang seperjalanan Paulus. ³⁰ Namun, kede Paulus sagar tulak letep tei antara ulun deo iro, kawan murid sa meladar ye. ³¹ Bhakan, sesenu pembesar Asia ye sempuyung ali da ngirim paket ntong da ali beulang kali kaweng ntong da dian sa nyarah unuk ntong gedung kesenian iro. ³² Maka, sebahagian ngeraring sesuatu ali sebahagianye bali, leka kumpulan ro naan suang kekacauan ali sebahagiannsolai ke dali sa ketoan se alasan dali apu sulet bekumpul. ³³ Sebahagian ke ulun deo iro ngepe kesimpulan Aleksander leka kawan ulun Yahudi apu nunyul da ntong muka, ali uli Alexsander ngokoi isyarat ali kami da, da bemaksud ngene pembelaan tei hadapan ulun deo. ³⁴ Namun, kede dali ketaru bahwa Alexander ro ulun Yahudi, kengola kekira due jam, kawus dali ngeraring ali ersi engan," Solai ko Artemis, dewi ulun Efesus!"