Paulus tei jaa Korintus ¹ Uli iro, Paulus ngikah Atena ali tulak ntong Korintus. ² Ali, Paulus nyeruku ulun Yahudi beran Akwila, turunan Pontius, kado aa sulet ke Italia sendro sawo ye, Priskila, teka Klaudius apu marintah kawus ulunYahudi Ngikah Roma. Paulus sulet ntong dali, ³ ali leka dali naan gawian ye sameh, Paulus nono sendro dali ali begawi leka gawian dali ro ngene tenda. ⁴ Ali, Paulus bertukar pikiran tei sinagoge tiap olo sabat ali beusaha dian meyakinkan kawan ulun Yahudi ali Yunani. ⁵ Namun, kede Silas ali Timotius dlui ke Makedonia, Paulus mulai mengabdikan diri seponu ye dian pekempe firman, nelang bersaksi ali bujur - bujur ntong kawan ulun Yahudi bahwa Yesus ro Kristus. ⁶ Akan tetapi, kede dali nantang ali nyeruek Paulus, da ngeberasi karut da ali bepaner ntong dali, "Daya ko naan tei munan utek ko lei! Ap berasih. Mulai nehe ali seterus ye, ap kakan tulak ntong bangsa - bangsa ye bali." ⁷ Uli iro, da ngikah runa iro ali tulak ntong belai erai ke ulun ye be aran Titus Yustus, baa ulun Yahudi ye nyamah Allah, ye belai da naan tei lepes sinagoge. ⁸ Krispus, kepala sinagoge, jaji harap tei suang Tuhan ali kawus ulun ye nono tei belai da, ali deo ulun Korintus ye uli keringa Paulus jaji harap ali na baptis. ⁹ Belalu, Tuhan bepaner ntong Paulus tei suatu malem suang pengite, "Iya takut, tapi sleurlah bepaner ali iya nteng, ¹⁰ Leka Ap sendro ko ali beloh naan erai ke ulun pun ye sagar nyarang ko dian nganiaya ko leka naan deo umat-Ap tei jaa ihe," ¹¹ Maka, Paulus nono tei baro kengola 1 taun 6 bulan, nelang ngajar Firman Allah tei antara dali. Paulus Napehadap Ntong Galio ¹² Namun, kede Galio jaji prokunsul Akhaya, kawan ulun Yahudi ali seate buet ngelawen Paulus ali ngoit da tei hadapan kursi pengadilan, ¹³ ali bepaner, "Ulun ihe desung mempengaruhi ulun deo dian nyamah Allah ye betentangan ali Hukum Taurat." ¹⁴ Akan tetapi, keda Paulus ane ngugah bowa da, Galio bepaner ntong kawan ulun Yahudi iro, "Amun ihe adalah erai persoalan pelanggaran atauwa kejahatan ye daat, hai kawan ulun Yahaudi, ap patut betanggung jawab ali pekara ko. ¹⁵ Namun, amun ihe adalah persoalan mengenai pepaneran, ali aran-aran ali hukum ko lei, urus ko gegales. Ap sa hakun jaji hakim leka hal-hal iro." ¹⁶ Belalu, Galio, nyiu dali tulak ke ruang pengadilan. ¹⁷ Uli iro, kawus dali ngedakep Sostenes, kepala Sinagoge, ali melale da tei hadapan ruang pengadilan. Akan tetapi, Galio sa merhati hal-hal iro. Paulus Mulik Ntong Jaa Antiokhia ¹⁸ Uli iro, Paulus nono sesenu olo li, belalu berpamitan ali kawan aben seiman uyang bekepal ntong Siria, sendro ali Priskila ali Akwila. Tei Kengkrea, Paulus apu nyukur balo da leka da apu ngene erai nazar. ¹⁹ Uli iro, dali mpe tei Efesus ali Paulus ngikah Priskila ali Akwila tei baro, tapi da lei moo ntong sinagoge ali betukar pikiran uyang kawan ulun Yahudi. ²⁰ Kede dali kaweng Paulus dian nono lewi ola, Paulus sa menyetujui ye, ²¹ Tapi berpamitan ali dali nelang bepaner, "Ap sagar mulik li ntong ko amun Allah ngehanaki ye. "Ali, da bekapal ke Efesus. ²² Uli da dolui tei Kaisarea, da moo ali ngokoi salam ntong kawan jemaat, belalu doluio ntong Antiokhia. ²³ Ali, uli nengkawussesenu waktu tei baro, das nguikah runa iro ali ngeliling erai runa ntong runa bali ye tei wilayah Galatia ali Frigia ,nelang menguatkan kawus murid. Apolos Tei Jaa Efesus Ali Jaa Korintus ²⁴ Suatu saat, naan ulun Yahudi be aran Apolos, turunan Aleksandria, sulet ntong Efesus. Da ro erai ke ulun ye te pelajar ali panei suang hal Kitab Suci. ²⁵ Ulun ihe apu na ajar mengenai alan Tuhan ali besemangat tei suang roh. Da bepaner ali ngajar ali teliti hal-hal mengenai Yesus, tapi da je ketoan baptisan Yohanes. ²⁶ Da mulai bepaner ali ronu tei suang sinagoge, tapi kede Priskila ali Akwila ngeringa ye, dali ngejuhut da ntong lepes ali ngejelas ntong da alan Allah ali lewi pas. ²⁷ Ali, kede Apolos kakan nyebarang ntong Akhaya, kawan aben seiman meneguhkan ye ali nulis ntong kawan murid dion nyamut penyulet da. Kede da mpe, da deo ngaeat dali ye et leka anugerah apu jaji harap, ²⁸ Leka da ali karas membantah kawan ulun Yahudi tei hadapan umum, nelang nundru ke Kitab Suci bahwa Kristus ro Yesus.