Timotius Nguyang Paulus Ali Silas ¹ Paulus sulet ade ntong Derbe ali Listra. Ali, teneng ko naan erai ke ulun murid tei baro, aran ye Timotius, anak ke erai ke ulun bawe Yahudi ye apu harap, tapi ma ye ulun Yunani. ² Da na kenal buen ene kawan aben seimann tei Listra ali Ikonium. ³ Paulus kakan tulak sendro ali Timotius, maka da ngayak ye ali nyunat da leka kawan ulun Yahudi ye nono tei daerah iro. Sebab, kawus dali ketoan bahwa ma ye ulun Yunani. ⁴ Sementara dali malam lalo jaa-jaa, dali pekempe kegentuan-ketentuan di kawus ulun harap dion na taati, ye apu na putus ene kawan rasul ali penatua ye naan tei Yerusalem. ⁵ Maka, kawan jemaat na teguhkan tei suang iman ali jumlah dali be tameh tiap olo. Allah Nook Paulus Ntong Makedonia ⁶ Belalu, dali tulak lalo wilayah Frigia ali Galatia leka apu na kalang ene Roh Kudus dian ngulek firman tei Asia. ⁷ Kede dali apu mpe tei Misia, dali beusaha tulak ntong Bitinia, tapi Roh Yesus sa ngelewa dali. ⁸ Maka, uli lalo Misia, dali dolui ntong Troas. ⁹ Naan pengite sulet ntong Paulus tei waktu malem. Erai ke ulun ke Makedonia desung jakat ali kaweng ntong da, ulek da, "Sulet ko ntong Makedonia ali awat ko kemali." ¹⁰ Uli Paulus kite penenengan iro, kemali beusaha uyang lekah tulak ntong Makedonia, uli menyimpulkan bahwa Allah apu nook kemali dian pekempe Injil ntong dali. Pertobatan Lidia ¹¹ Leka ro, uli bekapal ke Troas, kemali pelos bekapal ntong Samtreke, ali te odi olo ye ntong Neapolis, ¹² ali ke baro ntong Filipi, jaa utama tei wilayah Makedonia ali erai bua jaa jajahan Roma. Kemali nono tei jaa iro kengola sesenu olo. ¹³ Belalu, te olo Sabat, kemali tulak ntong luar jaweng gerbang jaa nuju ntong diding sunge, runa tei kame kemali bepuikir bahwa tei baro naan runa bedoa. Maka, Kemali tuet ali bepaner uyang kawan bawe ye desung bekumpul. ¹⁴ Erai ke ulun bawe be aran Lidia, ke jaa Tiatira, erai ke ulun ye ngejual useng ungu ye nyamah Allah Tuhan moka ate da dian memperhati se ye na ulek Paulus. ¹⁵ Ali, uli Lidia ali kawus ulun ye nono tei belai da na baptis, da kaweng ntong kemali, ulek da, "Amun ko nganggap ap harap ali teguh ntong Tuhan, sulet ko ntong beli ap ali nono ko tei baro. "Ali, da ngedesak kemali. Paulus Ali Silas Tei Penjara ¹⁶ Sementara, kemali desung tulak ntong runa bedoa, erai ke ulun budak bawe, ye puun roh dian meramal nyeruku kemali. Da ngoit deo keuntungan ntong kawan majikan ye lalo ramalan-ramalan ye. ¹⁷ Bawe iro siut Paulus ali kemali nelang ngeraring , "Kawan ulun ihe adalah kawan hamba Allah Ye Mahatinggi, ye pekempe alan keselamatan ntong ko. ¹⁸ Da sleur ngene ye kengola sesenu olo. Paulus, koma leka jaji tamam bereket, neneng ntong odi ali bepaner ntong roh iro, " Ap memerintah Ko suangaran Kristus Yesus dian Losek ke olal " Belaku roh iro Losek, seketika iro ade. ¹⁹ Akan tetapi, kede kawan majikan ye kite bahwa harapan dali sagar keuntungan apu jaweh, dali ngedakep Paulus ali Silas, nelang mair dali ntong runa umum tei hadapan kawan penguasa. ²⁰ Ali, kede dali apu ngoit Paulus ali Silas ntong kawan hakim kepala, dali bepaner, "Kawan ulun ihe adalah kawan ulun Yahudi ali desung ngene kekacauan tei jaa taka. ²¹ Dali ngajar adat istiadat ye sa kune dian taka terima atauwa ene nget ulun Roma. ²² Ulun deo iro se sendro jakat nyarang Paulus ali Silas ali kawan hakim jaa ngereset pakaian Paulus alu Silas, nelang marintah dali dian na pelale kedue ye ali tungket. ²³ Uli kea melale Paulus ali Silas ali deo pukulan, dali ngobet ye ntong suang penjara ali merintah kepala penjara dian nyaga Paulus uyang Silas ali ketat. ²⁴ Uli nerima perintah iro, kepala penjara peletep Paulus ali Silas ntong penjara bagian suang ali nyuruk poo dali ali belenggu ²⁵ Kira - kira botuk malen, Paulus ali Silas desung bedoa ali menyanyi lagu - lagu pujian di Allah, ali kawan tahanan ye bali ngeringa dali. ²⁶ Belalu, sa naharu timbul gempa bumi ye solai ye ngene pondasi penjara iro teguncang. Ali sa na haru kawus jaweng tengah uyang belenggu tiap ulun lupeng. ²⁷ Kede kepala penjara buet ali kite kawan jaweng penjara apu te ugah, da mubut pedang ye ali ane munu unuk da tei leka da ngekira kawan tahanan apu mensit. ²⁸ Namun, Paulus nyeraring ali engan ye wale, "Iya ngene bahaya ntong ko lei leka kawus kemali tei bihei! " ²⁹ Uli iro, kepala penjara iro kaweng lampu ali lekah mensit letep belalu nelang gemetar, da sujud tei hadapan Paulus ali Silas. ³⁰ Uli iro da ngoit dali ntong luar ali bepaner, "Tuan - tuan, se ye harus na ene ap dion na selamatkan?" ³¹ Ali dali nuing, "Harap ko tei suang Tuhan Yesus ali ko sagar na selamatkan, ko ali kawus ulun ye nono tei belai ko." ³² Uli iro Paulus, ali Silas pelempe firman Tuhan ntong kepala penjara iro ali ntong kawus ulun ye naan tei suang belai da. ³³ Uli iro, da ngoit Paulus ali Silas , malen iro ade, ali mui soo dali, belalu da ali kawus keluarga ye na baptis. ³⁴ Uli iro, kepala penjara ngoit Paulus ali Silas ntong belai ali nyedia pengokan. Maka, da ego tamam, bahwa da ali kawus ulun ye nono tei belai da apu harap ntong Tuhan Allah. ³⁵ Akan tetapi kede olo apu maa, kawan hakim jaa ngutus sesenu polisi ali bepaner, " Na lapas kawan ulun iro!" ³⁶ Ali, keoala penjara pekempe pakat iro ntong Paulus ali bepaner, "Kawan hakim jaa apu nyiu dian ngelapas ko. Leka iro, losek ko nehe ali tulak ko suang kedamain!" ³⁷ Namun, Paulus bepaner ntong dali, "Kawan ulun iro apu melale kemali tei hadapan umum, sa lalo na adili, ye iro kawan ulun warga negara Roma, ali apu ngobet kemali ntong suang penjara. Belalu, se kah nehe dali pelosek kemali secara diam-diam? Sa! dion ko dali lei ye sulet ali pelosek kemali. ³⁸ Kawan polisi iro pekempe pepaneran-pepaneran iro ntong kawan hakim jaa. Dali takut kede dali keringa bahwa Paulus ali Silas ro warga negara Roma. ³⁹ Maka, dali sulet ali kaweng maaf ntong Paulus ali Silas. Uli dali pelosek Paulus ali Silas, dali kaweng dion kedue ye ngikah jaa iro. ⁴⁰ Belalu, dali losek ke penjara ali moo ntong belai Lidia, ali kede dali kite kawan aben seiman, Paulus ali Silas meneguhkan ate dali, belau tulak.