Pertemua Tei Jaa Yerusalem ¹ Uli iro, sesenu ulun dolui ke Yudea ali ngajar kawan aben seiman, "Amun ko sa na sunat sesuai ali adat istiadat Musa, ko sa tau na selamatkan." ² Belalu, kede terjadi perselisihan ali perdebatan ye sa halus antara Paulus ali Barnabas ali kawan ulun iro, dali mutus bahwa Paulus ali Barnabas, ali sesenu ulun bali ye ke dali sa ahan sa mengket ngtong Yerusalem dian sengkeruku ali kawan rasul ali kawan penatua terkait ali persoalan ihe. ³ Maka, uli na ater ntong suang perjalanan one kawan jemaat, dali lalo Fenisia ali Samaria nelang bekesah ali tena mengenai pertobatan kawan bangsa ye bali, ali hal iro ngoit ego solai di kawus aben se iman. ⁴ Kede dali mpe tei Yerusalem, dali na samut ene kawan jemaat, kawan rasul, ali kawan penatua, belalu dali bekesah se sesuatu ye apu na ene Allah lalo dali. ⁵ Namun , sesenu ulun ake golongan Farisi ye apu harap jakat ali bepaner, "Penting dian nyunat dali ali dian merintah dali dion mempatuh Hukum Musa!" ⁶ Kawan rasul ali penatua sekeruku sendro dian bepaner persoalan ihe. ⁷ Setelah berlangsung perdebatan ye ola tei baro, Petrus jakat ali bepaner ntong dali, " Kawan aben, ko ketoan bahwa te zaman bayuh Allah apu ngene pelian tei antara ko bahwa lalo bowa ap, kawan bangsa ye bali sagar keringa berita Injil ali jaji harap. ⁸ Ali, Allah ye ketaru ate meresia, apu bersaksi ntong dali ngokoi Roh Kudus ntong dali, sameh nget ye apu na ene Da ntong taka, ⁹ Ali Da na beda-beda antara taka ali dali, uli Da menyucikan hati dali lalo iman. ¹⁰ Jaji nehe kuneme ko mencobai Allah ali ngonok kuk ye doyat tei diung kawan murid , buen iro datu nini taka atawa taka, sa sagar keule nanggung ye? ¹¹ Namun, taka harap bahwa taka na selamatkan lalo anugerah Tuhan Yesus, sameh nget dali ade." ¹² Uli iri, kawan ulun ye bekumpul iro ntong ali dali ngeringa Barnabas uyang Paulus, sementara kedue rasul iro ngokoi penjelasan se sesuatu tanda ali mujizat ye apu na ene Allah lalo dali tei antara kawan bangsa ye bali. ¹³ Uli dali tehur bepaner, Yakobus nuing, "Kawan aben, dinga ko ap. ¹⁴ Simon apu ngulek ngetme Allah ke awal apu memperhati kawan bangsa ye bali, dian ngepe ke antara bangsa iro suatu umat di aran-Da. ¹⁵ Pepaneran kawan nabi, setuju ali hal ihe, nget ye na tulis, ¹⁶ Uli ihe, Ap sagar mulik. Ali sagar nemuet li Kemah Daud ye apu runtun. Ap sagar nemuet li sisa-sisa ye, ali ap sagar memugar ye, ¹⁷ dion umat meresia ye te sisa tau ngeto Tuhan, ali kawus bangsa ye bali ye na took lalo aran Ap, ye ngene kawus ihe, firman Allah, ye ngene kawus ihe, Amos 9:11-12 ¹⁸ apu toan ke permulaan zaman. Yesaya 45:21 ¹⁹ Jaji, ap berpendapat bahwa seharus ye taka iya ngeme poye kawan ulun ke bangsa bali ye apu mulik ntong Allah. ²⁰ Namun, taka seharus ye nulis ntong dali dion unuk dali oro ke hal-hal ye na cemari ene kawan berhala, ali ke dosa-dosa seksual, ali ke se ye apu dicekik, ali ke daya. ²¹ Sebab, ke generasi ye one, Musa apu naan, tei tiap jaa, kawan ulun ye pekempe leka na basa tei sinagoge-sinagoge tiap olo Sabat. Surat Ntong Ulun Harap Ye Baa Yahudi ²² Belalu, na ite buen ene kawan rasul, ali penatua, ali kawus jemaat, meli kawan ulun ke angtara dali dian na utus ntong Antiokhia sendro Paulus ali Barnabas. Dali nyiu Yudas ye na otus Barnabas, ali Silas, kawan pemimpin tei antara kawan aben seiman, ²³ ali dali nulis surat ali kami dali, nget he: "Ke kawan rasul ali penatua-penatua, kawan aben seiman ko, ntong kawus aben seiman ye baa Yahudi tei Antiokhia, ali Siria, ali Kilikia, salam! ²⁴ Leka kemali apu keringa bahwa sesenu ulun ke antara kemali, ye nfong dali kemali sa ngokoi perintah, apu ngaur ko ali pepaneran dali ye menggoyahkan unuk ko, ²⁵ Hal ihe na ite buen di kemali, uli jaji sepakat, dian meli kawan ulun ali ngutus dali ntong ko sendro ali kawan aben kemali ye terkasih, Barnabas ali Paulus, ²⁶ ye apu nyarah bolum dali di aran Tuhan taka, Kristus Yesus. ²⁷ Et leka iro, kemali nyiu Yudas ali Silas, ye dali lei sagar pe kempe hal-hal ye sameh secara lisan. ²⁸ Sebab, alangkah buen ye di Roh Kudus ali di kemali dian ngonok beban tei munan ko ye sa lewi ke doyat ye na perlu ihe, ²⁹ bahwa ko pekoro unuk se ye apu na okoi ntong berhala, ali ke daya, ali ke se ye mate na sekak, ali ke dosa seksual. Amun ko nyaga unuk ko lei ke hal-hal ihe, ko ngene ye buen, mpe sengkeruku.' ³⁰ Uli dali berpamitan, dali dolui ntong Antiokhia, nelang uli ngumpul jemaat, dali nyarah surat iro. ³¹ Kede kawan ulun harap membasa ye, dali ego leka penghiburan iro. ³² Yudas ali Silas, ye dali lei iro nabi, meneguhkan ali menguatkan kawan aben seiman ali deo pepaneran. ³³ Ali, uli dali nono tei baro dian sesenu waktu, kawan ulun harap iro ngelapas dali uli ali damai ntong kawan ulun ye apu ngutus dali. ³⁴ (Akan tetapui, na anggap buen di na Silas dian tetap nono tei baro. ) ³⁵ Namun, Paulus ali Barnabas nono tei Angiokhia, nelang ngajar ali pekempe firman Tuhan sendro ali ulun deoa ye bali. Paulus Ali Barnabas Bepisah ³⁶ Uli sesenu olo, Paulus bepaner ntong Barnabas, "Ayu taka mulik ali koteu kawan aben seiman, tei tiap jaa, runa taka pekempe Firman Tuhan, dion kite ngetme keadaan dali." ³⁷ Barnabas kakan ngayak Yohanes ade ye na otus Markus. ³⁸ Akan tetapi, Paulus nganggap bahwa sa seharus ye ngoit ulun ye apu ngikah dali tei Pamfilia ali sa tulak sendro dali dian gawian iro. ³⁹ Maka, terjadi perselisihana ye tamam sehingga dali be pisah erai ali ye balai. Barnabas ngoit da Markus ali bekapal ntong wilayah Siprus, ⁴⁰ tapi Paulus meli tulak ali Silas, uli na sarah ene kawan aben seiman ntong suang anugerah Tuhan. ⁴¹ Ali, da lalo Siria ali Kilikia nelang meneguhkan kawan jemaat .